នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc អញ្ជើញទទួលជួបជាមួយក្រុមហ៊ុនបរទេសមួយចំនួន

ក្នុងជំនួបទទួលជួបជាមួយលោក Mike Spanos នាយករដ្ឋមន្ត្រី លោក Nguyen Xuan Phuc ចង់ឱ្យក្រុមហ៊ុន PepsiCo វៀតណាម ដាក់បញ្ចូលដើម Artiso ទៅក្នុងខ្សែចង្វាក់ចែកចាយរបស់ក្រុមហ៊ុន PepsiCo (រូបថត VGP / Quang Hieu)

ក្នុងជំនួបជាមួយលោក Mike Spanos នាយកប្រតិបត្តិនៃក្រុមហ៊ុន PepsiCo ទទួលបន្ទុកតំពន់អាស៊ី អាស៊ីបូព៌ានិងអាហ្វ្រិកខាងជើង នាយករដ្ឋមន្រ្តីរដ្ឋាភិបាលវៀតណាមលោក Nguyen Xuan Phuc បានគូសបញ្ជាក់ថា រដ្ឋាភិ បាលវៀតណាមប្តេជ្ញា បង្កើតលក្ខខណ្ឌអំណោយផលបំផុតសម្រាប់វិនិយោគិនធ្វើការវិនិយោគនៅវៀតណាមក្នុងនោះមានទាំងក្រុមហ៊ុន PepsiCo។

នាយករដ្ឋមន្ត្រី Nguyen Xuan Phuc បានសម្តែងការកោតសរសើរយ៉ាងជ្រាលជ្រៅចំពោះសកម្មភាពរបស់ក្រុមហ៊ុន PepsiCo និងស្នើឲ្យក្រុមហ៊ុនបន្តពង្រីកកិច្ចសហប្រតិបត្តិការក្នុងការអនុវត្តគម្រោងលើកកម្ពស់ផលិតភាពកសិផលជាមួយក្រសួងកសិកម្មនិងអភិវឌ្ឍន៍ជនបទវៀតណាមរួមទាំងក្រុមគ្រួសារកសិករលើវិស័យដែលវៀតណាមឧត្តមភាពដូច ជាដំឡូង artiso និងតែជាដើម។ តាមនោះ រួមចំណែកបង្កើតកិច្ចសហប្រតិបត្តិការរវាងបណ្តាញចែកចាយ PepsiCo ជាមួយនឹង ផលិតផលប្រពៃណីរបស់វៀតណាម។

រីឯខ្លួនវិញ លោក Mike Spanos នាយកប្រតិបត្តិការក្រុមហ៊ុន PepsiCo ទទួលបន្ទុកតំបន់អាស៊ី មជ្ឈិមបូព៌ានិងអាហ្រ្វិកខាងជើង បានថ្លែងអំណរគុណដល់រដ្ឋាភិបាលវៀតណាមនិងនាយករដ្ឋមន្ត្រីដែលបានបង្កលក្ខណៈងាយស្រួលសម្រាប់ក្រុមហ៊ុន PepsiCo ធ្វើសកម្មភាពនៅវៀតណាមនាពេលកន្លងទៅ។ វៀតណាមគឺជាទីផ្សារមួយក្នុងចំណោមទីផ្សារអាទិភាពចំនួន ២០ របស់ក្រុមហ៊ុន PepsiCo នៅទូទាំងពិភពលោកនិងឈរលំដាប់ទី៨ក្នុងតំបន់ដែលលោក Mike Spanos ជាអ្នកទទួលខុសត្រូវ។ ក្រុមហ៊ុន PepsiCo តែងតែចង់វិនិយោគយូរអង្វែងនៅក្នុងប្រទេសវៀតណាមទាំងវិស័យភេសជ្ជៈនិងម្ហូបអាហាររួមទាំងវិស័យមួយចំនួនផ្សេងទៀត។

នាយករដ្ឋមន្ត្រីលោក Nguyen Xuan Phuc អញ្ជើញជួបជាមួយ Sarath Ratanavadi ស្ថាបនិកនិងជា CEO ក្រុមហ៊ុនថាមពល Gulf Energy Development (រូបថត VGP / Quang Hieu)

នាថ្ងៃដ៏ដែល ក្នុងជំនួបជាមួយថ្នាក់ដឹកនាំក្រុមហ៊ុនថាមពល Gulf Energy Development នាយករដ្ឋមន្ត្រី លោក Nguyen Xuan Phuc បានឲ្យដឹងថារដ្ឋាភិបាលវៀតណាមជានិច្ចកាលបង្កលក្ខណៈងាយស្រួលសម្រាប់អាជីវកម្មបរទេសវិនិយោគនិងធ្វើអាជីវកម្មនៅវៀតណាម។ នេះក៏ជាមូលហេតុមួយផងដែរដែលនាពេលកន្លងទៅ មានក្រុមហ៊ុនថៃជាច្រើនបានធ្វើការវិនិយោគនៅវៀតណាម ដោយគម្រោងចំនួន ៤៩២ ដែលមានដើមទុនសរុបចំនួន ១០ ពាន់លានដុល្លារអាមេរិក។ ហេតុដូច្នេះ នេះជាឱកាសសម្រាប់ក្រុមហ៊ុនថាមពល Gulf Energy Development តែម្តង។

នាយករដ្ឋមន្ត្រីបានស្វាគមន៍សហគ្រាសនានាបានធ្វើការវិនិយោគលើវិស័យថាមពលកកើតឡើងវិញនិងថាមពលស្អាត។ ហើយប្រទេសវៀតណាមត្រូវការប្រភពថាមពលកាន់តែសម្បូរថែមទៀតដើម្បីឆ្លើយតបទៅនឹងតម្រូវការអភិវឌ្ឍន៍សេដ្ឋកិច្ច។

រីឯថ្នាក់ដឹកនាំក្រុមហ៊ុនថាមពល Gulf Energy Development បានឲ្យដឹងថា ក្រុមហ៊ុនបានចាប់ផ្តើមវិនិយោគទុននៅក្នុងប្រទេសវៀតណាមតាមរយៈគម្រោងថាមពលពន្លឺព្រះអាទិត្យ ១០០ មេហ្គាវ៉ាត់ហើយគ្រោងនឹងបន្តវិនិយោគលើវិស័យថាមពលដែលរួមចំណែកដល់ការបង្កើនប្រភពអគ្គិសនីសម្រាប់វៀតណាម។ លើសពីនេះទៀតក្រុមហ៊ុនអាចមានសមត្ថ ភាពផ្គត់ផ្គង់ទឹកក្តៅឬទឹកត្រជាក់ដល់វិស័យឧស្សាហកម្មទៀតផង៕

（សរុបព័ត៌មាន ដោយ ស្រីព្រេជ）

（សរុបព័ត៌មាន ដោយ ស្រីព្រេជ）