យុគសម័យ - នាព្រឹកថ្ងៃទី៣១ខែកក្កដា ក្រោមអធិបតីភាពរបស់នាយករដ្ឋមន្ត្រី លោក Nguyen Xuan Phuc រដ្ឋាភិបាលវៀតណាមបានបើកកិច្ចប្រជុំប្រចាំខែសីហាឆ្នាំ២០១៨។ កិច្ចប្រជុំនេះបានប្រព្រឹត្តទៅក្នុងរយៈពេល២ថ្ងៃ គឺថ្ងៃទី៣១កក្កដានិងថ្ងៃទី១សីហា ដោយបានផ្តោតការពិភាក្សាលើកិច្ចការកសាងរបៀបរបបនិងអភិវឌ្ឍន៍សេដ្ឋកិច្ចសង្គម។
ទិដ្ឋភាពនៃកិច្ចប្រជុំប្រចាំខែកក្កដារបស់រដ្ឋាភិបាលវៀតណាម (រូបថតៈ VGP/Quang Hieu)
ក្នុងកិច្ចប្រជុំនេះ សមាជិករដ្ឋាភិបាលបានលើកឡើងថា ស្ថានភាពសេដ្ឋកិច្ចសង្គមកិច្ចរបស់ប្រទេសវៀតណាមក្នុងខែកក្កដាមានការរីក ចម្រើនគួរឲ្យកត់សម្គាល់ ក្នុងនោះអតិផរណាត្រូវបានគ្រប់គ្រងយ៉ាងល្អ ផលិតកម្មកសិកម្មទទួលបានលទ្ធផលវិជ្ជមាន។ ផលិតកសម្មឧស្សាហកម្មបានកើនឡើងយ៉ាងខ្លាំង ពោលគឺនៅកម្រិត ១៤,៣% ដោយការនាំចេញបានឈានដល់ជិត ១៣៤ ពាន់លានដុល្លារ។ ក្រៅពីនោះ តាំងពីដើមឆ្នាំមក មានសហគ្រាសបង្កលតថ្មីជិត៨០ពាន់ ហើយសងគ្រាសចំនួន១៨,៧ពាន់ត្រូវបានដំណើរសកម្មភាពឡើងវិញ។
អញ្ជើញថ្លែងមតិនៅទីនេះ នាយករដ្ឋមន្ត្រី លោក Nguyen Xuan Phuc បានអះអាងថា រដ្ឋាភិបាលសន្យាថា អតិផរណាឆ្នាំនេះមិនហួស៤%ដូចទៅនឹងសេចក្តីសម្រេចដោយរដ្ឋសភាប្រគល់ជូនឡើយ។ រួមជាមួយគ្នានោះ នាយករដ្ឋមន្ត្រីក៏បានស្នើឲ្យ ក្រសួង ស្ថាប័ន ធ្វើការពិភាក្សាអំពីដំណោះស្រាយសេដ្ឋកិច្ច សង្គមនាពេលកន្លងទៅក្នុងនោះមានការគ្រប់គ្រងល្អអតិផលរណានិងស្ថិរភាពម៉ាក្រូសេដ្ឋកិច្ច៕
（ដោយ ស្រីព្រេជ）
មតិពីមិត្តអ្នកអាន