អគ្គលេខា លោក Nguyen Phu Trong ទទួលជួបជាមួយប្រធានរដ្ឋសភាអូស្ត្រាលី លោក Tony Smith

អគ្គលេខា លោក Nguyen Phu Trong អញ្ជើញទទួលជាមួយប្រធានរដ្ឋសភាអូស្ត្រាលី លោក Tony Smith មកសម្តែងការគួរសម (រូបថតៈ VOV)

ប្រធានរដ្ឋសភាអូស្ត្រាលី លោក Tony Smith បានសម្តែងក្តីសោមនស្សរីករាយដែលបានមកជួបសម្តែងការគួរសមជាមួយអគ្គលេខា លោក Nguyen Phu Trong និងសម្តែងនូវចំណាប់អារម្មណ៍របស់ខ្លួនចំពោះការអភិវឌ្ឍយ៉ាងខ្លាំងក្លា នៃទំនាក់ទំនងទ្វេភាគីវៀតណាម-អូស្ត្រាលីនាពេលកន្លងទៅ ជាពិសេសគឺការដែលប្រទេសទាំងពីរបានឯកភាពលើកកម្ពស់ទំនាក់ទំនងឡើងកម្រិតភាពជាដៃគូយុទ្ធសាស្ត្រ។

ប្រធានរដ្ឋសភាអូស្ត្រាលី លោក Tony Smith បានជឿជាក់ថា កិច្ចសហប្រតិបត្តិការរវាងរដ្ឋសភាអូស្ត្រាលីនិងរដ្ឋសភាវៀតណាម ក៏ដូចជាការជួបប្រាស្រ័យប្រជាជនជាសក្ខីភាពអំពីការអភិវឌ្ឍទំនាក់ទំនងទ្វេភាគី។ លោក Tony Smith បានសម្តែងគោលបំណងថា ដំណើទស្សនកិច្ចរបស់លោកមកវៀតណាមលើកនេះក៏ដូចជាដំណើរទស្សនកិច្ចជាន់ខ្ពស់នានារបស់ភាគីអូស្ត្រាលីខាងមុខ នឹងរួមចំណែកជម្រុញទំនាក់ទំនងភាពជាដៃគូយុទ្ធសាស្ត្រអូស្ត្រាលី-វៀតណាមនាពេលខាងមុខ។

ក្នុងជំនួបនេះ អគ្គលេខាលោក Nguyen Phu Trong បានអះអាងថា វៀតណាមជានិច្ចកាលយកចិត្តទុកដាក់លើទំនាក់ទំនងមិត្តភាពនិងភាពជាដៃគូយុទ្ធសាស្ត្រជាមួយអូស្ត្រាលី ជាពិសេស ក្នុងបរិបទដែលប្រទេសទាំងពីររំលឹកខួបលើកទី៤៥នៃទិវាបង្កើតទំនាក់ទំនងការទូត។

អគ្គលេខាលោក​ Nguyen Phu Trong បានថ្លែងអំណរគុណចំពោះការដែលរដ្ឋាភិបាលអូស្ត្រាលីបានគាំទ្រវៀតណាមចុះឈ្មោះជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិអាណត្តិ២០២០-២០២១ ព្រមទាំងវាយតម្លៃខ្ពស់ចំពោះការគាំទ្ររបស់ភាគីអូស្ត្រាលីចំពោះតួនាទីរបស់វៀតណាមក្នុងអាស៊ានក៏ដូចជាគោលជំហមុនក៏ដូចជាក្រោយរបស់អូស្ត្រាលីលើបញ្ហាសមុទ្រខាងកើត។ អគ្គលេខា លោក Nguyen Phu Trong បានស្នើឲ្យភាគីទាំងពីរបន្តរឹតបន្តឹងកិច្ចសហប្រតិបត្តិការលើបណ្តាវេទិកាពហុភាគី ដើម្បីសន្តិភាព ស្ថិរភាព កិច្ចសហប្រតិបត្តិការនិងការអភិវឌ្ឍក្នុងតំបន់អាស៊ីអាគ្នេយ៍ក៏ដូចជានៅសមុទ្រខាងកើត៕

（សរុបព័ត៌មាន ដោយ ថាញ់ កុង）

（សរុបព័ត៌មាន ដោយ ថាញ់ កុង）