យុគសម័យ - ប្រជាជននៅនៅរដ្ឋធានី Ha Noi បានវិលត្រឡប់ជីវភាពរស់នៅជាធម្មតាវិញហើយ នៅពេលដែលសង្គមទាំងមូលចូលក្នុង“ ស្ថានភាពធម្មតា បែបថ្មី” អ្នកខ្លះមានភាពមមាញឹក រកស៊ីចំណែកអ្នកខ្លះទៀតដែលមានអារម្មណ៍សុខសាន្ដក្នុងជីវិត។
ជាពិសេស រដ្ឋធានី Ha Noi និងប្រទេសជាទូទៅបានចូលទៅក្នុង “ស្ថានភាពធម្មតាបែបថ្មី” បន្ទាប់ពីការរីករាលដាលនៃជំងឺរាតត្បាត COVID-19 ស្ថិតក្រោមការគ្រប់គ្រងហើយវិស័យសុខាភិបាលបានព្យាបាលជាសះស្បើយនូវករណីជំងឺ COVID-19ធ្ងន់ធ្ងរ។
មិនដូចរយៈពេលនៃការអនុវត្តវិធានការក្សាគម្លាតក្នុងទេឥលូវនេះទោះបីអាកាសធាតុក្តៅនៃរដូវក្តៅ ៣៨ អង្សា ៣៩ អង្សាសេក៏ដោយក៏មានមនុស្សជាច្រើនបាននាំគ្នាធ្វើដំណើរតាមដងផ្លូវ ដើម្បីរកស៊ីនិងចិញ្ចឹមជីវិត រឺបន្ធូរអារម្មណ៍ដើម្បីទទួលបាននូវសេចក្តីសុខនៃជីវិត។
នេះគឺជារូបថតមួយចំនួននៃទស្សនាវដ្តីយុគសម័យដែលថតនូវ ជីវិតរបស់ប្រជាជននៅរដ្ឋធានី Ha Noi ក្នុង“ ស្ថានភាពធម្មតាបែបថ្មី”។
ស្ត្រីពីរនាក់អង្គុយលេងនិងនិយាយជាមួយគ្នាដោយសេរី នៅសួនផ្កា Hang Trong ដែលត្រូវបានគេចាត់ទុកថា តំបន់សាធារណៈដោយរឹតត្បិតអ្នកធ្វើដំណើរក្នុងកំឡុងពេលអនុវត្តវិធានការរក្សាគម្លាតក្នុងសង្គម ដើម្បីប្រឆាំងនឹងជំងឺ COVID-19 ។
លោកតាម្នាក់កំពុងអានកាសែតនៅក្តារព្រឹត្តិប័ត្ររបស់កាសែត Nhan Dan។
លោកស្រី Nguyen Thi Hien (អាយុ ៤១ ឆ្នាំ) បាននិយាយថាភ្លាមៗបន្ទាប់ពីសង្គមបានវិលត្រឡប់ទៅជីវិត“ ស្ថានភាពធម្មតាបែបថ្មី” លោកស្រីត្រូវចេញទៅផ្លូវនិងរកស៊ី ដើម្បីរកប្រាក់ចិញ្ចឹមគ្រួសារ បន្ទាប់ពីមួយរយៈនៃការធ្វើការមិនបាន ដែលនាំឱ្យមានការលំបាកជាច្រើន។
ស្ត្រីម្នាក់លក់បន្លែនៅតាមដងផ្លូវ Hang Gai។
យុវជនម្នាក់បាននិយាយថា គាត់បានលក់ដូងតាមដងផ្លូវ ទោះបីអាកាសធាតុក្តៅ ប៉ុន្តែដោយសារការរកស៊ី គាត់ត្រូវបង្ខំចិត្តព្យាយាម។
បុរសម្នាក់អង្គុយលេងនិងស្តាប់តន្ត្រី នៅតាមផ្លូវដ៏អ៊ូរអ។
បុរសចំណាស់ជួសជុលសោរនិងខ្សែសង្វាក់នៅតាមដងផ្លូវ Hang Bac បានអោយដឹងថា រាល់ថ្ងៃលោកគ្រាន់តែរកប្រាក់បានប្រហែល ២ ម៉ឺនដុង ដើម្បីចិញ្ចឹមជីវិត។
ជួរហាងលក់ម្ហូបអាហារដែលមមាញឹកនៅតាមផ្លូវ Luong Van Can។
ឥឡូវនេះជីវិតរស់នៅមិនមានការព្រួយបារម្ភអំពីជំងឺ ដូចពេលមុន។ បទបញ្ញតិ្តអង្គុយឆ្ងាយពីគ្នាបានបន្ធូបន្ធយ ប្រជាជនមានផាសុកភាពអង្គុយក្បែរគ្នាពិសារកាហ្វេនៅតាមផ្លូវ។ “ស្ថានភាពធម្មតាតាមថ្មី" ជួយឱ្យប្រជាជនមានស្ថេរភាពជីវិតនិងស្មារតី ប៉ុន្តែមានបញ្ហាប្រឈមជាច្រើន ក៏ដូចជាការលំបាកក្នុងការអភិវឌ្ឍសេដ្ឋកិច្ចនិងសុខភាព។ គិតត្រឹមម៉ោង ៦ ព្រឹកថ្ងៃទី ២០ ខែឧសភា ក្រសួងសុខាភិបាលមិនបានរកឃើញករណីវិជ្ជមាននឹងជំងឺ COVID-19 ទេ ដូច្នេះក្នុងរយៈពេល ៣៤ ថ្ងៃជាប់ៗគ្នា ដោយមិនបានរកឃើញករណីឆ្លងនៅក្នុងសហគមន៍។ ករណីផ្ទុកជំងឺនេះសរុបចំនួន ៣២៤ នាក់ ក្នុងនោះមាន ២៦៤ នាក់ត្រូវបានព្យាបាលជាសះស្បើយហើយ។ ក្នុងចំណោមអ្នកជំងឺចំនួន ៦០ នាក់ដែលកំពុងត្រូវបានព្យាបាល មាន ៣ នាក់បានធ្វើតេស្តអវិជ្ជមានជាមួយជំងឺនេះ មួយលើក ហើយ ៤ នាក់ទៀតបានធ្វើតេស្តអវិជ្ជមានលើកទី ២ ។
（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន