គំនូរឃោសនាបានផ្តល់កន្លាំង ក្នុងពេលដែលជំងឺ Covid-19 រីករាលដាល

ថ្មីៗនេះដើម្បីគាំទ្រដល់កងកម្លាំងជួរមុខ (រួមមានគ្រូពេទ្យ ទាហានកងអ្នកស្ម័គ្រចិត្ត យុវជនស្ម័គ្រចិត្ត ... ) ដែលកំពុងប្រយុទ្ធប្រឆាំងនឹងការរាតត្បាតទាំងយប់ទាំងថ្ងៃ។ ក្រុមហ៊ុនថ្នាំលាប Dura វៀតណាមបានសហការជាមួយមហាវិទ្យាល័យស្ថាបត្យកម្មទីក្រុង Ho Chi Minhបើកចលនាគូរគំនូរដែលមានប្រធានបទ “ និស្សិត UAH ចូលរួមក្នុងការទប់ស្កាត់ជំងឺ Covid-19” ។ គំនូរមួយចំនួន នៅក្នុងចលនានេះបានទទួលការគាំទ្រជាច្រើន ក្នុងសហគមន៍តាមអ៉ីនធើណិត នាសព្វថ្ងៃ។

បុគ្គលិកបំរើតាមជើងយន្តហោះនេះ ឈ្មោះ Luu Phuong Anh បានលួងលោមអ្នកដំណើរតូច។

គំនូរ "មិនទុកឲ្យនរណាម្នាក់នៅពីខាងក្រោយឡើយ" ដោយកញ្ញា Mai Truong Quynh Vy បានធ្វើឲ្យសហគមន៍រំជួលចិត្តខ្លាំង។ ទារកដែលមានអាយុ ២ ខែបានយំ ដោយសារគាត់ចង់បៅទឹកម្តាយ ដូច្នេះបុគ្គលិកបំរើតាមជើងយន្តហោះនេះ ឈ្មោះ Luu Phuong Anh បានលួងលោមអ្នកដំណើរតូចនោះ ដើម្បីធ្វើឱ្យគាត់កាន់តែមានផាសុកភាព បន្ទាប់ពីផឹកទឹកដោះគោ។

កញ្ញា Quynh Vy បានផ្ញើសារមួយថា “កុំយំនៅពេលយើងនៅតែមានសង្ឃឹម”។ ការប្រយុទ្ធនេះនឹងមិនទុកឱ្យនរណាម្នាក់នៅពីក្រោយឡើយ។

គិលានុបដ្ឋាយិកាម្នាក់បានដេកលក់នៅលើតុ

ឬដូចជាគិលានុបដ្ឋាយិកាម្នាក់បានដេកលក់នៅលើតុ បន្ទាប់ពីធ្វើការយ៉ាងនឿយហត់ ការយកឯកសារធ្វើជាខ្នើយ នៅមន្ទីរពេទ្យ Bach Mai ក៏បានធ្វើឱ្យមនុស្សអាណិតអាសូរជាច្រើន និងមានអារម្មណ៍សោកស្តាយ នៅល្ងាចថ្ងៃទី ២៩ ខែមីនា - ត្រូវនឹងពេលវេលារបស់មន្ទីរពេទ Bach Mai ត្រូវតែប្រយុទ្ធនឹងជំងឺ Covid-19 ដែលកំពុងផ្ទុះឡើងក្នុងមន្ទីពេទ្យនេះ។

គំនូរផ្អែកលើរូបថតពិត ដែលចង់ផ្ញើសារមួយថា "យើងនៅតែសុខសប្បាយ សូមនឹងចិត្ត" ។

ខណៈពេលដែលអ្នកទាំងឡាយ នៅមន្ទីរពេទ្យមន្ទីរពេទ្យ Bach Mai ត្រូវពាក់ស្លៀកបំពាក់ការពារនិងម៉ាស់ មិនត្រូវបានអនុញ្ញាតឱ្យដោះចេញក៏ដោយ ប៉ុន្តែបានលាក់ពីខាងក្រោយនេះ គឺជាស្នាមញញឹមនៃការជឿងជាក់និងសុទិដ្ឋិនិយមត្រូវបានគូសបញ្ជាក់យ៉ាងឆាប់រហ័សដោយអ្នកនិពន្ធ Tran Minh Tuan។ គំនូរផ្អែកលើរូបថតពិត ដែលចង់ផ្ញើសារមួយថា "យើងនៅតែសុខសប្បាយ សូមនឹងចិត្ត" ។

អ្នកនិពន្ធ Le Thi Thanh Nhan បានគូរគំនូរមួយអំពីទីកន្លែងដាក់ដាច់ដោយឡែកពីគេមួយកន្លែង ដោយកុំព្យួទ័រ ប៉ុន្តែទទួលការយកព្រម​ពី​គណៈកម្មាការរៀបចំចលនានេះ។ បន្ទាប់ពីការប្រយុទ្ធគ្នាយ៉ាងសាហាវអស់ជាច្រើនម៉ោង ពួកគេបានដេកលក់យ៉ាងរហ័សនៅលើកៅអីឈើ ឬពិសារអាហារថ្ងៃត្រង់ ដើម្បីជាសះស្បើយភ្លាមៗ មុនពេលបន្តវេនថ្មី។

គ្រាសំរាកក្នុងរយៈពេលប៉ុន្មាននាទី ក្នុងមួយថ្ងៃនៃការប្រយុទ្ធជាមួយវីរុស Sar- CoV2។

មិនត្រឹមតែគ្រូពេទ្យ បុគ្គលិកពេទ្យ ប៉ុណ្ណោះទេ ថែមទាំងទាហាននិងប្រជាជនដែលផ្តល់ការឧបត្ថម្ភអាហារ ដល់មនុស្សគ្រប់គ្នានៅតំបន់ដាក់ឲ្យនៅដាច់ដោយឡែកពីគេ ក៏បានលើកតំកើងផងដែរ។ ពីរូបថតពិត អតីតនិស្សិត Le Thanh Ngu បានគូរពេលវេលាពិតនោះកោតសរសើរវីរៈបុរសពិតប្រាកដ។ អាកាសធាតុភ្លៀងឬក្តៅ ពួកគែនៅតែយកអស់កម្លាំងកាយចិត្ត​ ដើម្បីបំពេញភារកិច្ច​របស់ខ្លួន។ ដើម្បីសុវត្ថិភាពសហគមន៍និងបុគ្គលដែលអនុវត្តវិធានការដាក់ឲ្យនៅដាច់ដោយឡែកពីគេ ការលះបង់បន្តិចបន្តួច ការរងទុក្ខនេះហាក់ដូចជាគ្មានអ្វីទេ។

ការលះបង់បន្តិចបន្តួច ការរងទុក្ខនេះហាក់ដូចជាគ្មានអ្វីទេ។

ហើយយើងមិនអាចបំភ្លេចបានទេរូបភាពទាហាទាំងយប់ទាំងថ្ងៃយាមត្បាត នៅព្រំដែន ដើម្បីការពារប្រទេស។ នារី Nguyen Thi My Phuong បានគូរអណ្តាតភ្លើងដែលបានឆេះ ដោយទាហាននៅច្រកទ្វារព្រំដែន Tan Thanh (ស្រុក Van Lang ខេត្ត Lang Son) ដុត ដើម្បីអង្គុយក្បែរភ្លើងនិង​លុបបំបាត់ភាពត្រជាក់ នៅពេលយប់។

ភ្លើងត្រូវបានឆេះដើម្បីបំបាត់ភាពត្រជាក់ ក៏ដូចជាបំភ្លឺជំនឿនិងក្តីសង្ឃឹមនៃជ័យជំនះ។

វាគឺជាពេលវេលាដែលគ្រូពេទ្យ គិលានុបដ្ឋាយិកា នៅមន្ទីរពេទ្យពហុព្យាបាល Binh Thuan បានកាន់ដៃគ្នា បែកបាក់អារម្មណ៍និងសប្បាយរីករាយ នៅពេលអ្នកជំងឺ Covid-19 ចុងក្រោយ នៅមន្ទីរពេទ្យបានផ្តល់លទ្ធផលអវិជ្ជមាន នៅថ្ងៃទី ៦ ខែមេសា ។ ក្រុមគ្រូពេទ្យ គិលានុបដ្ឋាយិកាដែលធ្វើការនៅផ្នែកជំងឺឆ្លង - កន្លែងថែរក្សាអ្នកជំងឺ (រាប់បញ្ចូលទាំង ១៧ នាក់) ដែលបានធ្វើការ បរិភោគនិងស្នាក់នៅកន្លែងនិងមិនទៅផ្ទះតាំងពីការប្រកាសរបស់ខេត្ត Binh Thuan មានករណីឆ្លង ៩ ករណី។

គ្រូពេទ្យ គិលានុបដ្ឋាយិកា នៅមន្ទីរពេទ្យពហុព្យាបាល Binh Thuan បានកាន់ដៃគ្នា បែកបាក់អារម្មណ៍និងសប្បាយរីករាយ ។

និស្សិត Duong Huynh Hieu បានបង្ហាញពីមោទនភាពនិងការរំពឹងទុកដល់ទាហាន ប៉ូលីស ដែលធ្វើការនៅទីកន្លែងដាក់ឲ្យនៅដាច់ដោយ​ឡែក​ពីគេ នៅខេត្ត Da Nang។ តាមរយៈបង្អួចកញ្ចក់ ប៉ូលីសបានលើកមេដៃបង្ហាញពីការយល់ព្រមរបស់គាត់ នៅពេលដែលស្ត្រីម្នាក់ស្នើសុំឱ្យទិញចានបបរសម្រាប់ទារក./.

នៅទីកន្លែងដាក់ឲ្យនៅដាច់ដោយ​ឡែក​ពីគេ នៅខេត្ត Da Nang។

（បកប្រែដោយឌីណា）

（ប្រភពព័ត៌មាន: thoidai.com.vn）

（បកប្រែដោយឌីណា）