យុគសម័យ - អ្នកប្រដាល់នារីឈ្មោះ Bui Yen Ly និង Huynh Ha Huu Hieu បានដណ្តើមមេដាយមាសចំនួន ២ គ្រឿងសម្រាប់ក្រុមកីឡាករវៀតណាមនៅការប្រកួតពានរង្វាន់ជើងឯងប្រដាល់នារី Muay ពិភពលោកឆ្នាំ២០១៩ ដែលទើបតែបញ្ចប់នៅប្រទេសថៃនាថ្ងៃទី ២៩ ខែកក្កដា។ ជាក់ស្តែង កុ្រមវៀតណាមមានស្នាដៃដ៏ឆ្នើមដោយឈ្នះបានមេដាយមាសចំនួន ២ គ្រឿង និងមេដាយសំរឹទ្ធចំនួន ៥ គ្រឿង។
អ្នកប្រដាល់នារី Huynh Ha Huu Hieu បន្ទាប់ពីឈ្នះមេដាយមាស (រូបថត៖ baomoi.vn)
ក្រុមកីឡាកប្រដាល់វៀតណាមឈរនៅលំដាប់ទី ៧ ក្នុងក្រុមទាំងមូលនៃការប្រកួតនេះ។ ប្រទេសម្ចាស់ផ្ទះថៃឈរនៅលំដាប់ថ្នាក់លេខ ១ ដោយទទួលបានមេដាយមាសចំនួន ១៦ គ្រឿង និង មេដាយប្រាក់ ចំនួន ៥ ហើយឈរនៅពីក្រោយមកគឺជាប្រទេសរុស្ស៊ី ដោយទទួលបានមេដាយមេសចំនួន ៨ គ្រឿង និងមេដាយប្រាក់ចំនួន ៨ គ្រឿង និងមេដាយសំរិទ្ធចំនួន ១០ គ្រឿង។
អ្នកប្រដាល់នារី Muay Huynh Ha Huu Hieu (ពណ៌ខៀវ) (រូបថត៖ baomoi.vn)
គួរបញ្ជាក់ថា នេះជាព្រឹត្តិការណ៍ប្រកួតដ៏ជោគជ័យរបស់ក្រុមអ្នកប្រដាល់នារីវៀតណាម ដែលផ្តល់ឱកាសច្រើនក្នុងការទទួលបទពិសោធន៍លើឆាកប្រកួតអន្តរជាតិ។ ការប្រកួតពានរង្វាន់ជើងឯង Muay ពិភពលោកឆ្នាំ ២០១៩ ត្រូវបានរៀបចំឡើងដោយសមាគមន៍ Muay អន្តរជាតិ Amateur (IFMA)៕
（យោងតាម baomoi.vn បកប្រែដោយ ហេង វុធ្ធី）
មតិពីមិត្តអ្នកអាន