យុគសម័យ - ដោយចំនួនសិល្បៈករ សិល្បៈការិនីឡើងទៅដល់៥.០០០នាក់ នោះ ពិធីបុណ្យតាមដងវិថី “លក្ខណៈវិសេសវិសាលនៃទីក្រុងហាណូយ-ប្រមូលផ្តុំនិងបញ្ចាំងពន្លឺ ” ត្រូវបានគេវាយតម្លៃថា មានទ្រង់ទ្រាយធំនិងមានលក្ខណៈវិចិត្រសិល្បៈខ្ពស់។
នាព្រឹកថ្ងៃទី២៩ខែកក្កដា ពិធីបុណ្យតាមដងវិថី “លក្ខណៈវិសេសវិសាលនៃទីក្រុងហាណូយ-ប្រមូលផ្តុំនិងបញ្ចាំងពន្លឺ ” ដោយមន្ទីរវប្បធម៌និងកីឡាហាណូយ រួមសហការជាមួយមជ្ឈមណ្ឌលអភិរក្សនិងអភិវឌ្ឍន៍សិល្បៈឆាកល្ខោនវៀតណាម រៀបចំឡើងយ៉ាងសប្បាយរីករាយតាមវិថីដើរថ្នើរជើងជុំវិញបឹង Guom នៃទីក្រុងហាណូយ។
ពិធីបុណ្យតាមដងវិថីនេះជាសកម្មភាពវប្បធម៌ពោរពេញទៅដោយអត្ថន័យនយោបាយសំខាន់ៗ ត្រូវបានរៀបចំឡើងក្នុងឱកាសអបអរសាទរខួបលើកទី១០ នៃទិវាកែសម្រួលព្រំដែនដីរដ្ឋបាលរដ្ឋធានីហាណូយ (២០០៨-២០១៨)។
ចំនួនសិល្បៈ សិល្បៈការិនីឡើងទៅដល់៥ពាន់នាក់នោះ ពិធីបុណ្យតាមដងវិថី “លក្ខណៈវិសេសវិសាលនៃទីក្រុងហាណូយ-ប្រមូលផ្តុំនិងបញ្ចាំងពន្លឺ ” ត្រូវបានគេវាយតម្លៃថា មានទ្រង់ទ្រាយធំនិងមានលក្ខណៈវិចិត្រសិល្បៈខ្ពស់។
ចូលរួមក្នុងពិធីបុណ្យនេះមានក្រុមចំនួន៧ រួមមាន៖ ក្រុមប្រជាប្រិយ ក្រុមភូមិរបរ ក្រុមជនចាស់ជរា ក្រុមកីឡា-សិល្បៈ ក្រុមយុវយ័យរដ្ឋធានី ក្រុមសិល្បៈសម័យ និងក្រុមមហាជន។
រួមជាមួយគ្នានោះជាសកម្មភាពសម្តែងនិងដើរក្បួនជុំវិញបឹង Hoan Kiem វិមាន Ly Thai To វិហារ Ba Kieu ទីធ្លា Dong Kinh Nghia Thuc ផ្លូវបែកជា៤ Ba Kieu-Hang Khay, Hang Bai-Hang Khay និង Hang Bai- Trang Tien ជាដើម។
អញ្ជើញផ្តល់សម្ភាសន៍ក្នុងពិធីបុណ្យ នាយកមន្ទីរវប្បធម៌និងកីឡាហាណូយ លោក To Van Dong បានឲ្យដឹងថា៖ ពិធីបុណ្យនេះមិនត្រឹមតែជាកន្លែងសម្រាប់ជូបប្រាស្រ័យរបស់មជ្ឈដ្ឋានសិល្បៈប៉ុណ្ណោះទេ ថែមទាំងជាបរិយាកាស ជួបប្រាស្រ័យវប្បធម៌របស់ប្រជាជនរដ្ឋធានីផងដែរ។ តាមរយៈកម្មវិធីនេះ ប្រជាជនរដ្ឋធានី នឹងមានមនសិការ បន្តរក្សានិងពង្រីកនូវតម្លៃដ៏ថ្លៃថ្លានៃសិល្បៈប្រពៃណី។
កម្មវិធីសម្តែងសិល្បៈមានលក្ខណៈប្រពៃណីរបស់ជនជាតិនិងរបស់រដ្ឋធានី ដូចជា៖ រាំម៉ុងសាយ រាំទង់ រាំផ្កាឈូក រាំសូត្រ Van Phuc...
ក្នុងនោះ អ្នកទស្សនាគេចាប់អារម្មណ៍យ៉ាងខ្លាំងទៅលើការសម្តែងឡើងវិញ ពិធីមង្គលការតាមបែបជនហាណូយបុរាណ។ ហើយប្រជាជនរដ្ឋធានី គឺក៏ពេញចិត្ត ឌិតអារម្មណ៍ដោយបានទស្សនាការសម្តែងសិល្បៈទំនើបនិងសម្តែងកីឡាដ៏អច្ចារ្យផងដែរ។
នេះក៏ជាសកម្មភាពវប្បធម៌ចម្រុះពណ៌ គួរឲ្យទាក់ទាញ ដែលឆ្លុះបញ្ជាំងនូវលក្ខណៈវប្បធម៌ប្រពៃណីពិសេសរបស់តំបន់ ដែលបានគូសបញ្ជាក់ក្នុងផ្ទាំងគំនូរនៃរដ្ឋធានីហាណូយមានអាយុកាលរាប់ពាន់ឆ្នាំ។
ពិធីបុណ្យតាមដងវិថី “លក្ខណៈវិសេសវិសាលនៃទីក្រុងហាណូយ-ប្រមូលផ្តុំនិងបញ្ចាំងពន្លឺ ” បានបង្កើតឡើងបរិយាកាសសប្បាយរីករាយជូនប្រជាជនរដ្ឋធានីគ្រប់រូប ក្នុងឱកាសអបអរសាទរខួបលើកទី១០នៃទិវារដ្ឋធានីពង្រីកព្រំដែនដីរដ្ឋបាល៕
（យោងតាម chinhphu.vn បកប្រែដោយស្រីពេជ្រ）
មតិពីមិត្តអ្នកអាន