យុគសម័យ - ប្រធានរដ្ឋចិនលោក ស៉ី ជិនពីង និងលោកជំទាវជាភរិយា Peng Liyuan បានអញ្ជើញចូលគាល់ព្រះករុណា ព្រះបាទ សម្តេចព្រះបរមនាថ នរោត្ដម សីហមុនី ព្រះមហាក្សត្រកម្ពុជា និងសម្តេចព្រះវររាជមាតាជាតិខ្មែរ នៅទីក្រុងប៉េកាំង នៅថ្ងៃទី១៩ខែកញ្ញា ជាមួយការប្ដេជ្ញាចិត្តពង្រឹងបន្ថែមនូវទំនាក់ទំនងមហាមិត្តកម្ពុជា-ចិន។
ព្រះមហាក្សត្រកម្ពុជា និងសម្តេចម៉ែ ពេលនេះកំពុងស្ថិតនៅប្រទេស ចិនដើម្បីត្រួតពិនិត្យព្រះរាជសុខភាព។ លោក ស៉ី ជិនពីង បានជូនពរឱ្យព្រះបាទ នរោត្ដម សីហមុនី និងសម្តេចព្រះវររាជមាតាជាតិខ្មែរ មានព្រះរាជសុខភាពល្អ និងរីករាយក្នុងឱកាសស្នាក់នៅប្រទេសចិន។
គួរបញ្ជាក់ថា ប្រធានរដ្ឋចិន លោក ស៉ី ជិនពីង បានអបអរសាទរចំពោះជោគជ័យនៃការរៀបចំការបោះឆ្នោតសកលកាលពីកក្កដាកន្លងទៅ ដោយលោកថែមទាំងរំពឹងទៀតថា កម្ពុជានឹងទទួលបានលទ្ធផលដ៏អស្ចារ្យក្នុងការអភិវឌ្ឍប្រទេសជាតិ ក្រោមម្លប់នៃ ព្រះករុណា ព្រះបាទ សម្តេចព្រះ បរមនាថ នរោត្ដម ស៉ីហមុនី និងក្រោមការដឹកនាំរបស់រដ្ឋាភិបាលថ្មី ដែលមាននាយករដ្ឋមន្ត្រីកម្ពុជា សម្ដេចតេជោហ៊ុន សែន ជាប្រមុខ៕
（យោងតាម freshnewsasia.com）
