ប្រទេសទាំងពីរនឹងពង្រឹងថែមទៀតនូវកិច្ចសហប្រតិបត្តិការសេដ្ឋកិច្ច តាមរយៈការធានាចលនាទំនិញឆ្លង កាត់ព្រំដែនប្រកបដោយរលូន ទន្ទឹមនឹងការគ្រប់គ្រងចលនាឆ្លងដែនរបស់ប្រជាជនប្រកបដោយប្រសិទ្ធភាព
ថៃ និងកម្ពុជាបានបញ្ជាក់ពីការប្តេជ្ញាចិត្តអំពីកិច្ចសហប្រតិបត្តិការយ៉ាងជិតស្និទ្ធិ សំដៅកាត់បន្ថយផលប៉ះពាល់នៃជំងឺរាតត្បាតកូវីដ ១៩ តាម រយៈគម្រោងសហប្រតិបត្តិការទ្វេភាគី ដូចជាកិច្ចសហប្រតិបត្តិការសុខាភិបាល សាធារណៈ ជាពិសេសនៅតាមតំបន់ព្រំដែន។
លោក ប្រាក់ សុខុន ឧបនាយករដ្ឋមន្រ្តី និងជារដ្ឋមន្ត្រីការបរទេសកម្ពុជា។ (រូបថត៖ VOV)
ក្នុងជំនួបតាមប្រព័ន្ធអ៊ីនធឺណែត នាពេលថ្មីៗនេះ រវាងឧបនាយករដ្ឋមន្រ្តី និងជារដ្ឋមន្ត្រីការបរទេសថៃលោក Don Pramudwinai ជាមួយលោក ប្រាក់ សុខុន ឧបនាយករដ្ឋមន្រ្តី និងជារដ្ឋមន្ត្រីការបរទេសកម្ពុជានោះ ប្រទេសទាំងពីរបានសង្កត់ធ្ងន់លើការពង្រឹងកិច្ចសហប្រតិបត្តិការសេដ្ឋកិច្ច តាមរយៈ ធានាការ ដឹកជញ្ជូនទំនិញឆ្លងកាត់ព្រំដែនដោយរលូន ព្រមទាំងគ្រប់គ្រងការឆ្លងដែនរបស់ប្រជាជនប្រកបដោយប្រសិទ្ធភាព ក្នុងស្ថានភាពកាត់បន្ថយការធ្វើដំណើរដូចបច្ចុប្បន្ននេះផងដែរ។
ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសថៃ លោក Don Pramudwinai ក៏បានបង្ហាញការគាំទ្រយ៉ាងពេញទំហឹងចំពោះប្រទេសកម្ពុជាដែលជាប្រទេសម្ចាស់ផ្ទះនៃកិច្ចប្រជុំកំពូលASEM លើកទី ១៣ នឹងធ្វើឡើង នៅឆ្នាំ ២០២១ ។ ថៃនិងកម្ពុជានឹងអបអរសាទរខួប ៧០ ឆ្នាំនៃការបង្កើតទំនាក់ទំនងការទូតរវាងប្រទេសទាំងពីរ នៅថ្ងៃទី ១៩ ធ្នូ ហើយនឹងរៀបចំសកម្មភាពនានា ដើម្បីអបអរឱកាសនេះពេញមួយឆ្នាំ ២០២១ ./ .
（បូកសរុបដោយឌីណា）
（ប្រភពព័ត៌មាន: VOV, vietnamplus）
មតិពីមិត្តអ្នកអាន