ក្នុងបរិបទនៃជំងឺរាតត្បាត COVID-19 នេះ ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្ដរជាតិ (USAID) បានបន្កើនការផ្ដល់ជំនួយដល់សហគ្រិនស្រ្តី ដោយមានតម្លៃចំនួន ១១ លានដុល្លារ។
លោកស្រី Veena Reddy ប្រធានទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិប្រចាំកម្ពុជា
នាថ្ងៃទី២៨ ខែសីហាឆ្នាំ ២០២០នេះ ក្នុងពិធីចែកផ្ទះដល់ជនក្រីក្រនៅភូមិបុស្សតាត្រាវ ឃុំស្វាយចេក ស្រុកអង្គរធំ ខេត្តសៀមរាប លោកស្រី Veena Reddy ប្រធានទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិប្រចាំកម្ពុជាបានលើកឡើងថា “ជំនួយរបស់យើង គឺមានការកើនឡើងនៅក្នុងកំឡុងពេល COVID-19 នេះ ដែលមានទំហំទឹកប្រាក់ ១១លានដុល្លារផ្ដល់សម្រាប់កម្ពុជា”។ បើតាមលោកស្រី Veena Reddy ក្នុងកាលៈទេសៈដ៏លំបាកនេះ USAID ក៏បានជួយគាំទ្រដល់សហគ្រិនស្រ្តី ដើម្បីជួយលើកកម្ពស់ជីវភាពរបស់ពួកគេ ដែលកំពុងជួបបញ្ហាប្រឈម។
តាមរយៈជំនួយរបស់ USAID បានជួយដល់វិស័យជាច្រើននៅកម្ពុជា រួមមាន អប់រំ កសិកម្ម បរិស្ថាន សេដ្ឋកិច្ច សន្តិសុខស្បៀង និងសុខភាពសាធារណៈជាដើម។ លោកស្រី Veena Reddy ប្រធានទីភ្នាក់ងារសហរដ្ឋអាមេរិក សម្រាប់ការអភិវឌ្ឍអន្តរជាតិប្រចាំកម្ពុជា សង្ឃឹមថា ជំនួយរបស់ USAID នឹងជួយលើកកម្ពស់ជីវភាពប្រជាជនកម្ពុជា រួមទាំងកម្ពុជាឲ្យក្លាយជាប្រទេសមួយដែលរីកចម្រើន៕
（សរុបដោយសាមេត）
មតិពីមិត្តអ្នកអាន