ក្រុមប្រឹក្សាអភិវឌ្ឍន៍កម្ពុជា (CDC) បានបើកកិច្ចប្រជុំពិភាក្សាលើគម្រោងស្នើសុំវិនិយោគធំៗចំនួន១៥ ដែលគិតជាតម្លៃទុនវិនិយោគសរុប៥៣៩ លានដុល្លារកំពុងត្រូវបានស្នើសុំកាអនុម័តពីរាជដ្ឋាភិបាលកម្ពុជា។កិច្ចប្រជុំច្រកចេញចូលតែមួយដែលក្រុមប្រឹក្សាអភិវឌ្ឍន៍កម្ពុជាលើកយកមកពិភាក្សារដើម្បីសម្រេចគឺមានគម្រោងធំៗចំនួន ១៥ ដែលគិតជាងតម្លៃទុនវិនិយោគសរុប ៥៣៩លានដុល្លារ ដោយនឹងមានតម្រូវការកម្លាំងពលកម្មរហូត ជាង ៧០ពាន់កន្លែង។
ក្រុម ប្រឹក្សាអភិវឌ្ឍន៍កម្ពុជា (CDC) គ្រោងអនុម័តគម្រោងវិនិយោគ ៥៣៩ លានដុល្លារ
គម្រោងស្នើសុំក្នុងនោះទី១គឺ គម្រោងវិនិយោគផលិត និងផ្គុំដំឡើងបន្ទះសូឡា Transformer Switchboard ខ្សែភ្លើង និងសម្ភារៈបរិក្ខារអគ្គិសនីមានចំនួន៤គម្រោង ដែលគិតជាទុនវិនិយោគប្រមាណ ៣០លានដុល្លារអាមេរិក។គម្រោងវិនិយោគបន្ទាប់ជាគម្រោងវិនិយោគផលិតសម្បកកង់រថយន្តគ្រប់ប្រភេទ និងគ្រឿងបង្គុំកង់រថយន្ត១គម្រោង ក្នុងគម្រោងទុនវិនិយោគប្រមាណ៣៣លានដុល្លារអាមេរិក នៅខេត្តកំពង់ស្ពឺ។ គម្រោងវិនិយោគសណ្ឋាគារថ្នាក់ផ្កាយ៣ចំនួន៧១០បន្ទប់ ១គម្រោង ក្នុងគម្រោងទុនវិនិយោគប្រមាណ ៥៩លានដុល្លារអាមេរិកនៅខេត្តព្រះសីហនុ។
គម្រោងបង្កើតកសិដ្ឋានដាំចេក១គម្រោង ក្នុងគម្រោងទុនវិនិយោគប្រមាណ១២លានដុល្លារអាមេរិក នៅខេត្តកំពង់ចាម។ គម្រោងបង្កើតបង្កើតរោងចក្រកែច្នៃ និងផលិតម្សៅមីចំនួន២គម្រោង ក្នុងគម្រោងទុនវិនិយោគប្រមាណ១៣លានដុល្លារអាមេរិក នៅខេត្តបន្ទាយមានជ័យ និងនៅខេត្តស្ទឹងត្រែង។ គម្រោងបង្កើតបង្កើតរោងចក្រផលិតស្រាបៀរ និងភេសជ្ជៈ១គម្រោង ដែលមានតម្លៃទុនវិនិយោគប្រមាណ១៦១លានដុល្លារអាមេរិក នៅខេត្តកណ្តាល។
គម្រោងមជ្ឈមណ្ឌលទិន្នន័យ១គម្រោង ក្នុងគម្រោងទុនវិនិយោគប្រមាណ១០២លានដុល្លារអាមេរិក នៅរាជធានីភ្នំពេញ។ និងមានគម្រោងលើវិស័យផ្សេងៗទៀតដូចជាគម្រោងសាងសង់មន្ទីរពហុព្យាបាល រួមទាំងគម្រោងរោងចក្រកែច្នៃដែក រោងចក្រផលិតសម្ភារៈតុបតែងសក់ និងរោងចក្រផលិតស្បោងប្លាស្ទីកគ្រប់ប្រភេទ មានចំនួន៤គម្រោង ជាមួយនឹងទុនវិនិយោគ ១២៩ លានដុល្លារអាមេរិក។
មុននេះ ក្រុមប្រឹក្សាអភិវឌ្ឍន៍កម្ពុជា (CDC) បានសម្រេចអនុម័តឱ្យដំណើរការ វិនិយោគគម្រោង ថ្មីចំនួន២ទីតាំងបន្ថែមក្នុងខែមីនានេះនៅកម្ពុជា ជាមួយឱ្យកាសកាងាររាប់ពាន់កន្លែង។ យោង តាមការចុះផ្សាយរបស់ក្រុមប្រឹក្សអភិវឌ្ឍន៍កម្ពុជាបានឱ្យដឹងនៅថ្ងៃទី១៦ ខែមីនា ឆ្នាំ២០២០ ថា បើផ្អែកតាមសំណើសុំវិនិយោគរបស់ក្រុមហ៊ុនឯកជនខាងលើ គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរជូន ដល់ក្រុម ហ៊ុនដូចខាងក្រោមដោយគម្រោងវិនិយោគថ្មីៗទាំង២នោះរួមមាន៖
១-“JIN MING LI JIAN ONE CO., LTD.” គម្រោងបង្កើតរោងចក្រខារអំបោះដែលមានទីតាំងវិនិយោគស្ថិតនៅភូមិ ក្រាំងទ្រា ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ ២,៣លាន ដុល្លារអាម៉េរិក និងអាចបង្កើតការងារបានចំនួន១៨០កន្លែង។
២-“SUZEN (CAMBODIA) INDUSTRIAL CO., LTD.” គម្រោងបង្កើតរោងចក្រ និងកាត់ដេរសម្លៀកបំពាក់ដែលមាន ទីតាំង វិនិយោគស្ថិតនៅភូមិវិហារខ្ពស់សង្កាត់សួងក្រុងសួងខេត្តត្បូងឃ្មុំមានទុនវិនិយោគ ប្រមាណ២,៤លានដុល្លារអាម៉េរិក និងអាចបង្កើតការងារបានចំនួន៧២៦កន្លែង។
គួរបញ្ជាក់ដែរថា កាលពីពេលថ្មីៗនេះរដ្ឋាភិបាលក៏បានបើកកិច្ចប្រជុំ ដើម្បីពិនិត្យ ការស្នើសុំការអនុម័តពីគម្រោងវិនិយោគចំនួន១៥ដែលមានទំហំទឹកប្រាក់ ចំនួន៥៣៩លាន ដុល្លារផងដែរហើយយោងតាមកិច្ចប្រជុំ«ច្រកចេញ-ចូលតែមួយ» កាលពីពេលថ្មីៗនេះក្រុម ប្រឹក្សាអភិវឌ្ឍន៍កម្ពុជា(CDC) បានពិនិត្យពិភាក្សាលើកមតិសុំការពិនិត្យសម្រេចពីរាជ រដ្ឋាភិបាលនូវសំណើវិនិយោគចំនួន១៥គម្រោងជាមួយនឹងទុនវិនិយោគសរុប ប្រមាណ៥៣៩ លានដុល្លារអាម៉េរិក ដែលគ្រោងនឹងប្រើប្រាស់កម្លាំងពលកម្មសរុបប្រមាណ ៧,៦២៦កន្លែង៕
（សរុបដោយវិច្ឆិកា）
មតិពីមិត្តអ្នកអាន