អនុរដ្ឋមន្រ្តីការបរទេសវៀតណាមលោក Le Hoai Trung ទទួលជួបពិភាក្សាជាមួយតំណាង UNDP ប្រចាំនៅវៀតណាម

07:15 | 07/08/2019 （យោងតាម baoquocte.vn បកប្រែដោយ ហេង វុធ្ធី）

យុគសម័យ - នាថ្ងៃទី ៥ ខែសីហា នៅទីស្នាក់ការក្រសួងការបរទេសវៀតណាម អនុរដ្ឋមន្ត្រីការបរទេសវៀតណាមលោក Le Hoai Trung បានទទួលជួបជាមួយតំណាងកម្មវិធីអភិវឌ្ឍន៍អង្គការសហប្រជាជាតិ (UNDP) ប្រចាំនៅវៀតណាម លោកស្រី Caitlin Wiesen ដែលអញ្ជើញចូលជូនសារតាំង។

លោកស្រី Caitlin Wiesen អញ្ជើញចូលជូនសារតាំង (រូបថត៖Baoquocte.vn)

អនុរដ្ឋមន្ត្រីការបរទេសវៀតណាមលោក Le Hoai Trung បានអប់អរសារទរចំពោះកិច្ចសហប្រតិបត្តិការនិងការគាំទ្រប្រកបដោយប្រសិទ្ធភាពរបស់ UNDP ក្នុងរយៈពេលជាង ៤០ ឆ្នាំមកហើយ។ លោក Le Hoai Trung បានស្នើឱ្យ UNDP បន្តលើកកម្ពស់គុណភាពនៃកិច្ចសហប្រតិបត្តិការ និងពង្រឹងការតភ្ជាប់ជាមួយដៃគូអភិវឌ្ឍន៍នានា ដើម្បីជួយឧបត្ថម្ភគាំទ្រដល់ប្រទេសវៀតណាមក្នុងការអនុវត្តអាទិភាពនៃអភិវឌ្ឍន៍សេដ្ឋកិច្ច -សង្គម ក៏ដូចជាបន្តការស្រាវជ្រាវអំពីនិន្នាការអភិវឌ្ឍន៍ និន្នាការនៃចលនាពាណិជ្ជកម្មការ វិនិយោគអន្តរជាតិ។ លោកក៏បានស្នើឱ្យ UNDP បង្កើនកិច្ចសហប្រតិបត្តិការជាមួយដៃគូអភិវឌ្ឍន៍និងទីភ្នាក់ងារវៀតណាមដើម្បីអនុវត្តឲ្យបានជោគជ័យនូវគោលដៅអភិវឌ្ឍន៍ប្រកបដោយចីរភាព (SDGs) ផងដែរ។

អនុរដ្ឋមន្ត្រីការបរទេសវៀតណាមលោក Le Hoai Trung បានទទួលជួបជាមួយតំណាង UNDP ប្រចាំនៅវៀតណាម លោកស្រី Caitlin Wiesen (រូបថត៖Baoquocte.vn)

លោកស្រី Caitlin Wiesen បានស្វាគមន៍ចំពោះលទ្ធផលវិជ្ជមានដែលវៀតណាមសម្រេចបានក្នុងការអនុវត្ត SDGs ការកាត់បន្ថយភាពក្រីក្រ ការធានាកំណើនប្រកបដោយបរិយាប័ន្ន។ លោកស្រី Wiesen បានសង្កត់ធ្ងន់ថា UNDP នឹងប្តេជ្ញាបន្តសហប្រតិបត្តិការនិងជួយឧបត្ថម្ភវៀតណាមដើម្បីជំនះរាល់ឧបសគ្គក្នុងដំណាក់កាលបច្ចុប្បន្ន និងអភិវឌ្ឍន៍ឱ្យដល់កម្រិតខ្ពស់។ទន្ទឹមនឹងនេះ លោកស្រី Wiesen ក៏បានស្នើលើកកម្ពស់កិច្ចសហប្រតិបត្តិការជាមួយក្រសួងការបរទេសវៀតណាមជាពិសេសក្នុងការអនុវត្តអាទិភាពនានារបស់វៀតណាមនៅក្រុមប្រឹក្សាសន្តិសុខសម្រាប់អាណត្តិ ២០២០-២០២១ ផងដែរ៕

（យោងតាម baoquocte.vn បកប្រែដោយ ហេង វុធ្ធី）

Tags: អនុរដ្ឋមន្រ្តីការបរទេស វៀតណាម លោក Le Hoai Trung តំណាង UNDP Caitlin Wiesen

មតិពីមិត្តអ្នកអាន

ព័ត៌មានថ្មីៗ

ក្រុង Can Tho ជម្រុញកិច្ចសហប្រតិបត្តិការពាណិជ្ជកម្មជាមួយប្រទេសប៉ាគីស្ថាន

យុគសម័យ - រសៀលថ្ងៃទី ២១ ខែកក្កដា គណៈប្រតិភូនាំមុខដោយលោក Kohdayar Marri ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋឥស្លាមប៉ាគីស្ថានប្រចាំនៅប្រទេសវៀតណាម បានអញ្ជើញមកទស្សនកិច្ចនិងធ្វើការជាមួយទីក្រុង Can Tho ដើម្បីផ្លាស់ប្តូរយោបល់អំពីសក្ដានុពលនៃការជម្រុញកិច្ចសហប្រតិបត្តិការពាណិជ្ជកម្មរវាងភាគីទាំងពីរនាពេលខាងមុខ។

វៀតណាមគឺជាគោលដៅទេសចរណ៍ដែលភ្ញៀវទេសចរកូរ៉េខាងត្បូងជ្រើសរើសច្រើនជាងគេចំណាត់ថ្នាក់ទីពីរ

យុគសម័យ - បើតាមទិន្នន័យដែលបានប្រកាសដោយអង្គការទេសចរណ៍កូរ៉េខាងត្បូង (KTO) នៅក្នុងខែកក្កដា ឆ្នាំ ២០២៦ វៀតណាមឈរនៅលំដាប់ថ្នាក់ទីពីរនៅក្នុងបញ្ជីបណ្តាគោលដៅទេសចរណ៍បរទេសដែលត្រូវបានភ្ញៀវទេសចរកូរ៉េខាងត្បូងជ្រើសរើស ដោយស្ថិតនៅបន្ទាប់ពីប្រទេសជប៉ុនតែប៉ុណ្ណោះ។

ការបង្កើនការត្រួតពិនិត្យដំណើរការបោះពុម្ពផ្សាយដើម្បីបង្ការនិងទប់ស្កាត់ការបំពាន

យុគសម័យ - នាថ្ងៃទី ២១ ខែកក្កដា នៅទីក្រុងហាណូយ គណៈកម្មាធិការបក្សរណសិរ្សមាតុភូមិនិងបណ្តាអង្គការមហាជនថ្នាក់មជ្ឈិម បានរៀបចំសន្និបាតដាក់ឱ្យអនុវត្តសារាចរលេខ 04-CT/TW ថ្ងៃទី ១៧ ខែមីនា ឆ្នាំ ២០២៦ របស់គណៈលេខាធិការស្តីពីការបង្កើនការដឹកនាំរបស់បក្សចំពោះសកម្មភាពបោះពុម្ពផ្សាយក្នុងបរិបទស្ថានភាពថ្មី ព្រមទាំងប្រជុំប្រគល់ភារកិច្ចការងារបោះពុម្ពផ្សាយឆ្នាំ ២០២៦។

ជម្រុញទំនាក់ទំនងកិច្ចសហប្រតិបត្តិការរវាងគណបក្សកាន់អំណាចទាំងពីរវៀតណាម - ជប៉ុន

យុគសម័យ - រសៀលថ្ងៃទី ២១ ខែកក្កដា នៅឯទីស្នាក់ការមជ្ឈិមបក្ស សមាជិកអចិន្ត្រៃយ៍នៃលេខាធិការដ្ឋាន លោក Tran Cam Tu បានទទួលជួបគណៈប្រតិភូគណបក្សប្រជាធិបតេយ្យសេរីជប៉ុន LDP ដឹកនាំដោយស្តីទីអគ្គលេខាធិការ លោក Hagiuda Koichi ដែលកំពុងអញ្ជើញមកទស្សនាកិច្ចនិងធ្វើការនៅឯវៀតណាមចាប់ពីថ្ងៃទី ២០-២៣ ខែកក្កដា ឆ្នាំ ២០២៦។។

ដាណាំងប្រគល់ថវិកាចំនួន ១ ប៊ីលានដុងគាំទ្រមូលនិធិ "តបស្នងសងគុណ" ខេត្តក្វាងទ្រី

យុគសម័យ - ឆ្ពោះទៅកាន់ការរំលឹកខួបលើកទី ៧៩ ទិវាយុទ្ធជនពិការ - យុទ្ធជនពលី (ថ្ងៃទី ២៧ ខែកក្កដា ឆ្នាំ ១៩៤៧ - ថ្ងៃទី ២៧ ខែកក្កដា ឆ្នាំ ២០២៦) នាស្ទើថ្ងៃទី ១៧/៧ គណៈប្រតិភូធ្វើការទីក្រុងដាណាំងបានអញ្ជើញទៅសួរសុខទុក្ខព្រមទាំងប្រគល់ថវិកាគាំទ្រមូលនិធិ "តបស្នងសងគុណ" ខេត្តក្វាងទ្រីនូវទឹកប្រាក់ចំនួន ១ ប៊ីលានដុង។

អានច្រើនបំផុត

កសាងជួរកម្មាភិបាលវ័យក្មេងនៃសហភាពបណ្តាអង្គការមិត្តភាពវៀតណាមប្រកបដោយវីរភាពនិងភាពសកម្ម

យុគសម័យ - នាថ្ងៃទី ១៥ ខែកក្កដា នៅទីក្រុងហាណូយ សហភាពយុវជននៃសហភាពបណ្តាអង្គការមិត្តភាពវៀតណាមបានចាត់តាំងសន្និសីទបូកសរុបការងារសហភាពយុវជននិងចលនាយុវជនក្នុងរយៈពេល ៦ ខែដើមឆ្នាំ ព្រមទាំងទិសដៅភារកិច្ចគន្លឹះក្នុងរយៈពេល ៦ ខែចុងឆ្នាំ ២០២៦។ ប្រធានសហភាពបណ្តាអង្គការមិត្តភាពវៀតណាមលោក Phan Anh Son បានអញ្ជើញចូលរួមនិងផ្តល់ការដឹកនាំបញ្ជាដល់សន្និសីទ។

ស្នើឡើងការជួយឧបត្ថម្ភបណ្តាការឧបត្ថម្ភធនអត្រាការប្រាក់សម្រាប់សហគ្រាសវិនិយោគផ្លាស់ប្តូរថ្មីបច្ចេកវិទ្យា

យុគសម័យ - ក្រសួងវិទ្យាសាស្ត្រនិងបច្ចេកវិទ្យាបានស្នើឡើងការដាក់ឱ្យដំណើរការអនុវត្តគោលនយោបាយជួយឧបត្ថម្ភអត្រាការប្រាក់កម្ចីសម្រាប់សហគ្រាសវិនិយោគលើការអនុវត្ត ការផ្ទេរប្រគល់និងការផ្លាស់ប្តូរថ្មីបច្ចេកវិទ្យាតាមរយៈមូលនិធិផ្លាស់ប្តូរថ្មីបច្ចេកវិទ្យាជាតិ (NATIF)។ យោងតាមនោះ សហគ្រាសនឹងត្រូវបានរដ្ឋជួយឧបត្ថម្ភ ៥០% នៃអត្រាការប្រាក់កម្ចីទៅតាមកិច្ចសន្យាឥណទាន ប៉ុន្តែកម្រិតជួយឧបត្ថម្ភមិនលើសពី ៦%/ឆ្នាំ ជាមួយនិងរយៈពេលជួយឧបត្ថម្ភអតិបរមា ៥ ឆ្នាំ។

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

អភិវឌ្ឍន៍ថាមពលនុយក្លេអ៊ែរ៖ ល្បែងប្រឡងប្រជែងធនធានមនុស្សត្រូវតែដើរមុនមួយជំហាន

យុគសម័យ - ប្រសិនបើការសាងសង់រោងចក្រថាមពលនុយក្លេអ៊ែរមួយត្រូវការពេលរៀបចំជាង ១០ ឆ្នាំនោះ ផ្នែកនៃពេលវេលាដ៏មានសារៈសំខាន់បំផុតគឺមិនត្រឹមតែស្ថិតនៅលើការរចនា ការស្ថាបនា ឬក៏ការដំឡើងឧបករណ៍ប៉ុណ្ណោះទេ ប៉ុន្តែគឺស្ថិតនៅលើការរៀបចំមនុស្ស។ ពីព្រោះរោងចក្រមួយទោះបីជាទំនើបដល់កម្រិតណាក៏ដោយក៏មិនអាចដំណើរការប្រតិបត្តិការប្រកបដោយសុវត្ថិភាពបានឡើយ ប្រសិនបើខ្វះខាតជួរអ្នកជំនាញការដែលមានសមត្ថភាពគ្រប់គ្រាន់ ទទួលបានការបណ្តុះបណ្តាលយ៉ាងត្រឹមត្រូវតាមក្បួនខ្នាតព្រមទាំងជ្រាបចូលជ្រៅនូវវប្បធម៌សុវត្ថិភាព។