ប្រគល់ជូនមិត្តភក្តិហុងគ្រីពីរនាក់នូវគ្រឿងឥស្សរិយយសមិត្តភាព

ថ្លែងក្នុងពិធីនេះ ឯកអគ្គរដ្ឋទូតវៀតណាមប្រចាំនៅហុងគ្រី លោក Bui Le Thai បានមានប្រសាសន៍ថា ក្នុងរយៈពេលជាងកន្លះសតវត្សរ៍កន្លងមក លោកទាំងពីរបានលះបង់ឥតឈប់ឈរដើម្បីទំនាក់ទំនងមិត្តភាពវៀតណាម-ហុងគ្រី។

ឧត្តមសេនីយ៍ឯក Botz László ធ្លាប់ជាសមាជិកនៃក្រុមដំបូងរបស់ហុងគ្រីនៅក្នុងគណៈកម្មាធិការត្រួតពិនិត្យ និងឃ្លាំមើលអន្តរជាតិ ដើម្បីអនុវត្តសន្ធិសញ្ញាប៉ារីសឆ្នាំ ១៩៧៣ ដែលបានរួមចំណែកដល់ជ័យជម្នះប្រវត្តិសាស្ត្រនៅថ្ងៃទី ៣០ ខែមេសា ឆ្នាំ ១៩៧៥។

ឯកអគ្គរដ្ឋទូតវៀតណាមប្រចាំនៅហុងគ្រី លោក Bui Le Thai បានប្រគល់គ្រឿងឥស្សរិយយសមិត្តភាពជូនមិត្តភក្តិហុងគ្រីពីរនាក់។

លោក Váraljai Márton ជាអ្នកការទូតជើងចាស់មួយរូប ដែលបានធ្វើការជាច្រើនទសវត្សរ៍នៅស្ថានទូតហុងគ្រីប្រចាំនៅវៀតណាម ធ្លាប់កាន់តំណែងជាកុងស៊ុល និងអនុឯកអគ្គរដ្ឋទូត។ លោក Váraljai Márton ជាមិត្តដ៏ស្មោះត្រង់ និងជាអ្នកដែលភ្ជាប់ជាមួយវៀតណាម ដោយមានការយល់ដឹងយ៉ាងជ្រាលជ្រៅអំពីប្រទេស និងប្រជាជនវៀតណាម។

ទោះបីជាមានអាយុជាង ៧០ ឆ្នាំ លោកទាំងពីរនៅតែខិតខំមិនឈប់ឈរក្នុងការពង្រឹងមិត្តភាពរវាងប្រជាជាតិទាំងពីរ។ ក្នុងនាមជាថ្នាក់ដឹកនាំនៃសមាគមមិត្តភាពហុងគ្រី-វៀតណាម លោកទាំងពីរបានរៀបចំសកម្មភាពផ្លាស់ប្តូរវប្បធម៌ជាច្រើន តភ្ជាប់ធុរកិច្ច អ្នកប្រាជ្ញ និងរដ្ឋាភិបាលមូលដ្ឋាននៃប្រទេសទាំងពីរ ព្រមទាំងគាំទ្រសហគមន៍ជនជាតិវៀតណាមនៅហុងគ្រី ដែលរួមចំណែកធ្វើឱ្យការយល់ដឹង និងការគោរពគ្នាទៅវិញទៅមករវាងប្រជាជននៃប្រទេសទាំងពីរកាន់តែស៊ីជម្រៅ។ ការរួមចំណែករបស់លោកទាំងពីរបាន និងកំពុងជួយឱ្យរូបភាពវៀតណាមផ្សព្វផ្សាយយ៉ាងទូលំទូលាយនៅហុងគ្រី ព្រមទាំងពង្រឹងមូលដ្ឋាននៃកិច្ចសហប្រតិបត្តិការប្រកបដោយនិរន្តរភាពរវាងប្រទេសទាំងពីរ។

ប្រតិភូបានថតរូបអនុស្សាវរីយ៍។

ការប្រគល់គ្រឿងឥស្សរិយយសមិត្តភាពនេះ គឺជាការទទួលស្គាល់របស់រដ្ឋវៀតណាមចំពោះការខិតខំប្រឹងប្រែងឥតឈប់ឈររបស់លោកទាំងពីរ ព្រមទាំងបង្ហាញនូវការដឹងគុណយ៉ាងជ្រាលជ្រៅរបស់ប្រជាជនវៀតណាមចំពោះមិត្តភក្តិហុងគ្រីដែលមានទឹកចិត្តស្មោះត្រង់ និងលះបង់៕

ការចែករំលែកបទពិសោធន៍វិនិយោគ និងធ្វើធុរកិច្ចនៅកម្ពុជាសម្រាប់សហគ្រាសវៀតណាម នៅព្រឹកថ្ងៃនេះ ស្ថានទូតវៀតណាមប្រចាំនៅកម្ពុជាបានរៀបចំកិច្ចសន្ទនាសហគ្រាសឆ្នាំ២០២៥ ដោយមានការសហការជាមួយសមាគមសហគ្រាសវៀតណាម-កម្ពុជា (VCBA)។

បង្កើតបរិយាកាសអនឡាញប្រកបដោយសុវត្ថិភាពសម្រាប់ស្ត្រី និងកុមារតាមរយៈការអប់រំ ក្រសួងសន្តិសុខសាធារណៈវៀតណាម ដោយមានការគាំទ្រពីអង្គការ UN Women និង UNESCO បានរៀបចំសិក្ខាសាលាជាតិក្រោមប្រធានបទ “ការពារស្ត្រី និងកុមារនៅលើបរិយាកាសអនឡាញ”។ ព្រឹត្តិការណ៍នេះបានប្រព្រឹត្តទៅនៅទីក្រុងហាណូយ នៅថ្ងៃទី ២៨ ខែមីនា។

វិច្ឆិកា