ទិវាជាតិបុព្វបុរសជនជាតិវៀតណាមជាសកលឆ្នាំ ២០២៥៖ ការរក្សានិងលើកស្ទួយវប្បធម៌វៀតណាមនៅក្នុងយុគសម័យថ្មី

ពិធីរំលឹកគុណបុព្វបុរសនិងការសរសើរកូនចៅស្តេចហុងជាសកលឆ្នាំ ២០២៥ នឹងប្រព្រឹត្តទៅនៅម៉ោង ១៨:០០ (ម៉ោងនៅវៀតណាម) ថ្ងៃទី ៧ ខែមេសា (គឺថ្ងៃទី ១០ ខែទី ៣ តាមចន្ទគតិ) តាមទម្រង់ផ្ទាល់និងតាមអនឡាញ ដោយមានផ្នែកពិធី “ដឹងគុណបុព្វបុរសស្តេចហុង” ផ្នែកមហោស្រព “ត្រឡប់មកជាមួយប្រទេសវៀតណាម” និងសិក្ខាសាលាអន្តរជាតិក្រោមប្រធានបទ “ការរក្សានិងលើកស្ទួយតម្លៃវប្បធម៌វៀតណាមនៅក្នុងយុគសម័យអភិវឌ្ឍន៍ថ្មីរបស់ជាតិ”។

យោងតាមគណៈកម្មការរៀបចំ ទិវាជាតិបុព្វបុរសជនជាតិវៀតណាមជាសកលឆ្នាំ ២០២៥ រួមមានសកម្មភាពសំខាន់ៗដូចជា៖ សហការជាមួយសហគមន៍ជនជាតិវៀតណាមនៅទីក្រុងសាំងពេទែប៊ឺក និងវិទ្យាស្ថានហូជីមិញ នៃសាកលវិទ្យាល័យជាតិសាំងពេទែប៊ឺក (សហព័ន្ធរុស្ស៊ី) ដើម្បីរៀបចំកម្មវិធីសំខាន់នៃឆ្នាំ ២០២៥ និងធ្វើពិធីដាក់កម្ញានរំលឹកគុណបុព្វបុរសនៅបណ្តាប្រទេសដែលគម្រោងបានដំឡើងរូបសំណាកស្តេចហុង។ សហការផ្សព្វផ្សាយពិធីរំលឹកគុណបុព្វបុរសនិងការសរសើរកូនចៅស្តេចហុងជាសកលឆ្នាំ ២០២៥ ដែលរួមមានបណ្តាប្រទេសដូចជា ឡាវ ថៃ កូរ៉េខាងត្បូង វៀតណាម សិង្ហបុរី ម៉ាឡេស៊ី សហព័ន្ធរុស្ស៊ី សាធារណរដ្ឋសហព័ន្ធអាល្លឺម៉ង់ សាធារណរដ្ឋឆែក ប៉ូឡូញ ចក្រភពអង់គ្លេស...។ សហការណែនាំគម្រោងទិវាជាតិបុព្វបុរសជនជាតិវៀតណាមជាសកលដល់បងប្អូនជនជាតិវៀតណាមដែលកំពុងរស់នៅបណ្តាប្រទេសនានាលើពិភពលោក។

ពិធីបុណ្យរំលឹកដល់ស្តេចហ៊ុនវ៉ាងនៅឡាវឆ្នាំ២០២៤។

នេះជាព្រឹត្តិការណ៍វប្បធម៌ដែលមានអត្ថន័យពិសេសមិនត្រឹមតែសម្រាប់សហគមន៍ជនជាតិវៀតណាមដែលកំពុងរស់នៅ សិក្សា ស្រាវជ្រាវ និងធ្វើការនៅក្រៅប្រទេសប៉ុណ្ណោះទេ ប៉ុន្តែក៏សម្រាប់មិត្តភក្តិអន្តរជាតិដែលស្រឡាញ់វៀតណាមផងដែរ។ កម្មវិធីនេះត្រូវបានគណៈកម្មការគម្រោងទិវាជាតិបុព្វបុរសជនជាតិវៀតណាមជាសកលរក្សាការរៀបចំជារៀងរាល់ឆ្នាំតាមសេណារីយ៉ូរួមក្នុងរយៈពេល ១០ ឆ្នាំកន្លងមក ដើម្បីបង្កើតទិវាវប្បធម៌រួមមួយ - តភ្ជាប់ជនជាតិវៀតណាមទូទាំងពិភពលោកនិងមិត្តភក្តិអន្តរជាតិ កសាងស្ពានវប្បធម៌មិត្តភាពដ៏រឹងមាំ និងបង្កើតមិត្តភាពដ៏ស្មោះត្រង់រវាងវៀតណាមនិងមិត្តភក្តិអន្តរជាតិ។

ក្នុងរយៈពេល ១០ ឆ្នាំកន្លងមក គណៈកម្មការគម្រោងទិវាជាតិបុព្វបុរសជនជាតិវៀតណាមជាសកលបានសហការជាមួយសមាគម សហគមន៍បងប្អូនជនជាតិវៀតណាមនៅបណ្តាប្រទេស ស្ថាប័នរដ្ឋនានារបស់វៀតណាម អាជ្ញាធរប្រទេសម្ចាស់ផ្ទះ និងមិត្តភក្តិអន្តរជាតិ ដើម្បីរៀបចំពិធីដំឡើងរូបសំណាកស្តេចហុងនៅជាង ១០ ប្រទេសនិងដែនដីនានាលើពិភពលោក។ រៀបចំទាំងផ្ទាល់និងតាមអនឡាញនូវពិធីរំលឹកគុណបុព្វបុរសនិងការសរសើរកូនចៅស្តេចហុងជាសកល ដោយតភ្ជាប់បណ្តាអ្នកតំណាងបញ្ញវន្តជនជាតិវៀតណាមនៅក្រៅប្រទេសនិងមិត្តភក្តិអន្តរជាតិមកពីជិត ៥០ ប្រទេសនៅទូទាំងប្រាំទ្វីប។

ជាពិសេស នៅឆ្នាំ ២០១៨ គម្រោងនេះបានទទួលការគាំទ្រពីនាយករដ្ឋមន្ត្រីរដ្ឋាភិបាលវៀតណាមតាមរយៈឯកសារផ្លូវការ ដើម្បីបន្តអនុវត្តទិវាជាតិបុព្វបុរសជនជាតិវៀតណាមជាសកលនៅបណ្តាប្រទេសដែលមានបងប្អូនជនជាតិវៀតណាមរស់នៅច្រើន និងអភិវឌ្ឍទៅជាប្រធានបទវិទ្យាសាស្ត្រថ្នាក់ជាតិ។

ចាប់ពីឆ្នាំ ២០១៩ មក គណៈកម្មការគម្រោងទិវាជាតិបុព្វបុរសជនជាតិវៀតណាមជាសកលបានទទួលការគាំទ្រពី ICI International (អង្គការមិនរកប្រាក់ចំណេញ ដែលធ្វើការលើវិស័យស្រាវជ្រាវអន្តរវប្បធម៌និងវិទ្យាសាស្ត្រនៃប្រទេសអូទ្រីស) ក្នុងការផ្តល់ឋានៈជាអង្គភាពអន្តរជាតិ ដើម្បីបន្តផ្សព្វផ្សាយវប្បធម៌ជំនឿការគោរពបូជាស្តេចហុងរបស់វៀតណាមទៅកាន់ពិភពលោក៕

សាស្ត្រាចារ្យវៀតណាមទទួលពានរង្វាន់ភាពជាអ្នកដឹកនាំវិស័យនវានុវត្តន៍សុខភាពសកលឆ្នាំ ២០២៥ ក្នុងសន្និសីទប្រចាំឆ្នាំនៃសម្ព័ន្ធសាកលវិទ្យាល័យសម្រាប់សុខភាពសកល (CUGH) ដែលប្រព្រឹត្តទៅចាប់ពីថ្ងៃទី ២០ ដល់ថ្ងៃទី ២៣ ខែកុម្ភៈ នៅទីក្រុងអាត្លង់តា (សហរដ្ឋអាមេរិក) លោក Tran Xuan Bach សាស្ត្រាចារ្យនៅសាកលវិទ្យាល័យវេជ្ជសាស្ត្រ និងឱសថសាស្រ្តជាតិហាណូយ បានទទួលរង្វាន់ភាពជាអ្នកដឹកនាំវិស័យនវានុវត្តន៍សុខភាពសកលឆ្នាំ ២០២៥។

UN Tourism បើកការចុះឈ្មោះសម្រាប់ពានរង្វាន់ "ភូមិទេសចរណ៍ល្អបំផុត" ឆ្នាំ ២០២៥ យុគសម័យ - អង្គការទេសចរណ៍របស់អង្គការសហប្រជាជាតិ (UN Tourism) បានប្រកាសបើកការចុះឈ្មោះសម្រាប់ពានរង្វាន់ “ភូមិទេសចរណ៍ល្អបំផុត” លើកទី៥ ដល់ប្រទេសជាសមាជិក រួមទាំងវៀតណាមផងដែរ។

សីហា