ក្រសួងទេសចរណ៍ បានឲ្យដឹងថា ក្នុងរយៈពេល ៤ ថ្ងៃ ចាប់ពីថ្ងៃទី១៧-២០ ខែសីហា ឆ្នាំ ២០២០ មានភ្ញៀវទេសចរ និងប្រជាពលរដ្ឋចេញដើរទស្សនាកម្សាន្តនៅទូទៅប្រទេសកម្ពុជា មានចំនួន១,១៦៩,៨២៤នាក់។
៤ថ្ងៃ ភ្ញៀវទេសចរដើរកម្សាន្ដ ក្នុងឱកាសថ្ងៃឈប់សម្រាក ជាង១លាននាក់ នៅទូទាំងប្រទេស។ (រូបថត៖ dap.com.khmer)
យោងតាម គេហទំព័រ ហ្វេសប៊ុក របស់ ក្រសួងទេសចរណ៍ នៅថ្ងៃទី២១ សីហា បានបញ្ជាក់ថា “សរុបស្ថិតិភ្ញៀវទេសចររយៈពេល៤ថ្ងៃ ចាប់ពីថ្ងៃទី១៧-២០ ខែសីហា គឺមានចំនួន ១,១៦៩,៨២៤នាក់។ ចំណែកសភាពការណ៍សន្តិសុខ សណ្ដាប់ធ្លាប់នៅតាមកន្លែងមានភ្ញៀវទៅទស្សនានោះ មិនមានបញ្ហាអ្វីធំដុំនោះឡើយ។
ម៉្យាងទៀត ចូលរួមប្រយុទ្ធប្រឆាំងការរីករាលដាលជំងឺឆ្លងកូវីដ១៩ ក្រសួងទេសចរណ៍សូមស្នើឱ្យម្ចាស់អាជីវកម្មមធ្យោបាយដឹកជញ្ចូនទេសចរណ៍ផ្លូវទឹក ផ្តល់កិច្ចសហការចុះវត្តមាននៃភ្ញៀវទេសចរដែលប្រើប្រាស់សេវាកម្មរបស់ខ្លួន ដោយម្ចាស់អាជីវកម្មអាចបញ្ចូលទិន្នន័យវត្តមានរបស់ភ្ញៀវទេសចរតាមប្រព័ន្ធ Telegram BOT។
រាជរដ្ឋាភិបាលកម្ពុជា បានសម្រេចយកថ្ងៃទី១៧ ដល់២១ ខែសីហា ឆ្នាំ២០២០ ដើម្បីសងថ្ងៃឈប់សម្រាក ការងាររបស់មន្ដ្រីរាជការ និយោជិត កម្មករ ក្នុងពិធីបុណ្យ ចូលឆ្នាំថ្មីប្រពៃណីជាតិ ដែលត្រូវបានលើកពេល
៕
（សរុបដោយឌីណា）
មតិពីមិត្តអ្នកអាន