វិស័យទេសចរណ៍ គឺជាវិស័យអាទិភាពមួយរបស់ខេត្តព្រះវិហារដែលបានជំរុញការអភិវឌ្ឍរបស់ខេត្តដោយផ្អែកលើធនធាន វប្បធម៌ និងធម្មជាតិ ដែលខេត្តមាន។
ខេត្តព្រះវិហារ ផ្តោតលើការអភិវឌ្ឍវិស័យវិស័យទេសចរណ៍។
ថ្លែងក្នុងសន្និសីទសារព័ត៌មានស្តីពីវឌ្ឍនភាព និងទិសដៅការងារបន្តរបស់រដ្ឋបាល ខេត្តព្រះវិហារដែលរៀបចំឡើងដោយអង្គភាពអ្នកនាំពាក្យរដ្ឋាភិបាលនៅព្រឹកថ្ងៃទី២៦ ខែ ឧសភា នាទីស្តីការគណៈរដ្ឋមន្រ្តី លោក គោស៊ុំ ប៊ុនសឿត អភិបាលរងខេត្ត ព្រះវិហារ បានបញ្ជាក់ថា ខេត្តមានគោលដៅទេសចរណ៍សំខាន់ចំនួន១៧កន្លែង ដើម្បី ទទួលស្វាគមន៍ភ្ញៀវទេសចរក្នុងស្រុក និងក្រៅស្រុកមកទស្សនាកម្សាន្តសប្បាយ។ ដោយ ឡែករមណីយដ្ឋានដែលភ្ញៀវទេសចរក្នុងស្រុក និងក្រៅស្រុកមកទស្សនាជាប្រចាំ នោះ មានចំនួន ៧កន្លែង ដែលរួមមាន៖ រមណីយដ្ឋានប្រវត្តិសាស្រ្ត ប្រាសាទព្រះវិហារ, ប្រាសាទកោះកែរ, ប្រាសាទព្រះខ័នកំពង់ស្វាយ, ទឹកធ្លាក់ព្រះនិម្មិត, ទឹកធ្លាក់តេជោ បុស្ស ស្បូវ, ទឹកធ្លាក់ភ្នំត្បែង និងសហគមន៍ត្មាតប៉ើយ។
សូមជម្រាបជូនថា ខេត្តព្រះវិហារ គឺជាខេត្តដែលស្ថិតនៅភាគឧត្តរនៃប្រទេសកម្ពុជា ហើយខេត្តនេះមានចម្ងាយផ្លូវប្រមាណ៣០០គីឡូម៉ែត្រ ពីរាជធានីភ្នំពេញ កាត់តាមផ្លូវជាតិលេខ ៦ ឆ្លងកាត់ផ្លូវជាតិលេខ ៦២ ដែលមានព្រំប្រទល់ខាងជើងជាប់ប្រទេសថៃ ប្រទេសឡាវ ខាងត្បូងជាប់ខេត្តកំពង់ធំ និងខាងកើតជាប់នឹងខេត្តស្ទឹងត្រែង ហើយខាងលិចជាប់នឹងខេត្តសៀមរាប និងខេត្ដឧត្តរមានជ័យ ៕
（សរុបដោយវិច្ឆិកា）
មតិពីមិត្តអ្នកអាន