សហរដ្ឋអាមេរិកមិនអនុញ្ញាតឱ្យចិនធ្វើបាបបណ្តាប្រទេសជាសមាជិកអាស៊ាននៅសមុទ្រខាងកើតទេ

លោក Mike Pompeo រដ្ឋមន្រ្តីក្រសួងការបរទេសអាមេរិក

លោក Mike Pompeo បានសរសេរនៅលើបណ្តាញសង្គម Twitter ថា « យើងមិនអនុញ្ញាតិអោយទីក្រុងប៉េកាំងបើកយុទ្ធនាការសម្លុតធ្វើបាបដែលមានគោលបំណងរារាំងប្រទេសនានាមិនអោយចូលទទួលយកនូវធនធាននៅឈូងសមុទ្រសំខាន់ៗនិងបំផ្លាញប្រព័ន្ធអេកូឡូស៊ីសំខាន់ៗទៀតផង» លោក Pompeo បានបញ្ជាក់ពីការដែលសហរដ្ឋអាមេរិកចាប់ផ្តើមដាក់ជាផ្លូវការនូវការរឹតត្បិតទិដ្ឋាការជាក់លាក់ចំពោះបុគ្គលនៃប្រទេសចិនដែលធ្វើឱ្យស្មុគស្មាញ ឬចូលរួមក្នុងការកែលំអនិងធ្វើយោធូបនីយកម្មខុសច្បាប់នៅសមុទ្រខាងកើត។ រដ្ឋមន្រ្តីក្រសួងការបរទេសអាមេរិកលោក Pompeo បាននិយាយថា“សហរដ្ឋអាមេរិកនឹងធ្វើសកម្មភាពរហូតដល់យើងឃើញទីក្រុងប៉េកាំងបញ្ចប់ការបង្ខិតបង្ខំរបស់ខ្លួននៅក្នុងសមុទ្រខាងកើតហើយយើងនឹងបន្តឈរជើងជាមួយសម្ព័ន្ធមិត្តនិងដៃគូរបស់យើងក្នុងការប្រឆាំងនឹងសកម្មភាពដែលបង្កឲ្យមានអស្ថិរភាពនេះតែម្តង "។

គួររំលឹកថា សហរដ្ឋអាមេរិកគោរពសិទ្ធិអធិបតេយ្យភាពរបស់ប្រទេសទាំងអស់ ដោយមិនប្រកាន់ថាជាប្រទេសតូច ឬប្រទេសមហាអំណាចឡើយ ព្រមទាំងស្វែងរកវិធីរក្សាសន្តិភាពនិងសេរីភាពនៅដែនសមុទ្រ ស្របតាមច្បាប់អន្តរជាតិ។ លោក Pompeo បានឲ្យដឹងថា សហរដ្ឋអាមេរិកនឹងចាប់ផ្ដើមដាក់កំហិតទិដ្ឋាការលើបុគ្គលចិន ដែលមានការទទួលខុសត្រូវ ឬពាក់ព័ន្ធក្នុងការសាងសង់ ឬធ្វើយោធូបនីយកម្មនៅតាមទីកន្លែង ដែលមានជម្លោះនៅសមុទ្រខាងកើត ឬការដែលចិនមានទង្វើបង្ខិតបង្ខំចំពោះបណ្ដាប្រទេសអាស៊ីអាគ្នេយ៍ ដែលបានប្រកាសអធិបតេយ្យភាព សំដៅរារាំងប្រទេសទាំងនេះ មិនឲ្យធ្វើការទាក់ទងជាមួយប្រភពធនធាននៅដែនសមុទ្រ។ បុគ្គលទាំងនេះ នឹងមិនបានអនុញ្ញាតឲ្យចូលទឹកដីសហរដ្ឋអាមេរិកឡើយ ហើយក្រុមគ្រួសាររបស់ពួកគេក៏នឹងត្រូវបានសហរដ្ឋអាមេរិកដាក់កំហិតទិដ្ឋាការផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: tuoitre.vn）

（បកប្រែដោយ ហេង វុធ្ធី）