អាស៊ានគឺជាអង្គការក្នុងតំបន់ដែលទទួលបានជោគជ័យជាមួយនឹងសមិទ្ធិផលលេចធ្លោ

រដ្ឋមន្ត្រីការបរទេសឡាវ លោក Saleumsay Kommasith (រូបថត៖ vnanet)

នៅក្នុងសាររបស់លោករដ្ឋមន្រ្តីការបរទេសឡាវ Samleumsay បានសង្កត់ធ្ងន់ថា «អាស៊ានគឺជាតំបន់មួយដែលមានស្ថេរភាព និងសន្តិភាពជាយូរអង្វែង ជាមួយនឹងសមិទ្ធិផលគួរឱ្យកត់សម្គាល់នៅក្នុងកិច្ចសហប្រតិបត្តិការសេដ្ឋកិច្ច ហើយចំណុចនេះបានជួយឲ្យអាស៊ានធ្វើសមាហរណកម្មទៅក្នុងសេដ្ឋកិច្ចពិភពលោកនិងតំបន់។ ដោយហេតុនេះរួមចំណែកដល់ការជំរុញការអភិវឌ្ឍសេដ្ឋកិច្ចសង្គមនិងលើកកម្ពស់ជីវភាពរស់នៅរបស់ប្រជាជនអាស៊ាន»។

នៅក្នុងឆ្នាំ ២០២០ ទោះបីប្រឈមនឹងឧបសគ្គជាច្រើននៃគ្រោះមហន្តរាយធម្មជាតិ និងការរីករាលដាលនៃជំងឺរាតត្បាត សកលកូវីដ១៩ ក៏ដោយ ប៉ុន្តែអាស៊ានបានពង្រឹងកិច្ចសហប្រតិបត្តិការយ៉ាងជិតស្និទ្ធដោយឈរលើប្រធានបទដែលវៀតណាម- ប្រធានអាស៊ានឆ្នាំ២០២០ បានដាក់ចេញ «ភាពស្អិតរមួត និងការឆ្លើយតប» ផងដែរ។ យោងតាមរដ្ឋមន្រ្តីក្រសួងការបរទេសឡាវ បន្ទាប់ពីរយៈពេល ២៣ ឆ្នាំនៃការក្លាយជាសមាជិកអាស៊ាន ប្រទេសឡាវបានទទួលបានសមិទ្ធិផលនិងអត្ថប្រយោជន៍ជាច្រើនតាមរយៈការចូលរួមយ៉ាងពេញលេញនិងសកម្មរបស់ខ្លួនជាមួយនឹងស្មារតីទទួលខុសត្រូវខ្ពស់នៅក្នុងដំណើរការរួមរបស់អាស៊ាន ដែលបានចូលរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ចសង្គមរបស់ប្រទេសឡាវ៕

（បកប្រែដោយ ហេងវុធ្ធី）

（ប្រភពព័ត៌មាន: tapchithongtindoingoai.vn）

（បកប្រែដោយ ហេងវុធ្ធី）