អូស្រ្តាលីបានផ្ញើកំណត់ទូតទៅអង្គការសហប្រជាជាតិដោយបដិសេធរាល់ការទាមទាររបស់ចិននៅក្នុងសមុទ្រខាងកើត

នាវាចុះចាត់ HMAS Canberra (ខាងមុខ) របស់កងទ័ពជើងទឹកអូស្ត្រាលី។ (ប្រភព៖ thanhnien)

កំណត់សំគាល់នេះបានបញ្ជាក់ថា៖ «រដ្ឋាភិបាលអូស្ត្រាលីបដិសេធរាល់ការទាមទាររបស់ចិនដែលមិនអនុលោមតាមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ ជាពិសេសការទាមទារនៅសមុទ្រមិនគោរពតាមច្បាប់ (នៃ UNCLOS) លើខ្សែបន្ទាត់មូលដ្ឋាន បណ្តាដែនសមុទ្រ និងការចាត់ថ្នាក់នៃអង្គភាពលើសមុទ្រ។ »

កំណត់ទូតនេះបានសង្កត់ធ្ងន់ថាអូស្ត្រាលីប្រឆាំងនឹងការទាមទាររបស់ចិនចំពោះ «សិទ្ធិជាប្រវត្តិសាស្ត្រ» ឬ «សិទ្ធិខាងនាវាចរណ៍» ដែលកំណត់ដោយផ្អែកលើ «ការអនុវត្តប្រវត្តិសាស្ត្រជាយូរមកហើយ» នៅសមុទ្រខាងកើត។ សេចក្តីសម្រេចរបស់សាលាក្តីអាជ្ញាកណ្តាលស្តីពីសមុទ្រខាងកើតក្នុងឆ្នាំ ២០១៦ បានបញ្ជាក់ថាការទាមទារទាំងនេះមិនអនុលោកតាម UNCLOS ឆ្នាំ ១៩៨២ ទេ ដូច្នេះហើយការទាមទារខាងលើមិនមានតម្លៃទេ។

ភាគីអូស្រ្តាលីក៏បានបញ្ជាក់ផងដែរថាមិនមានមូលដ្ឋានគតិយុត្តសម្រាប់ប្រទេសចិនក្នុងការគូ «ខ្សែបន្ទាត់មូលដ្ឋានត្រង់តភ្ជាប់ពីលើកោះឬអង្គភាពនានានៅសមុទ្រខាងកើតឆ្នេរនៃទ្វីបឬប្រជុំកោះនៅឯនាយសមុទ្រ» ។ អូស្រ្តាលីបដិសេធលើការទាមទារអធិបតេយ្យភាពលើ សមុទ្រផ្ទៃក្នុង សមុទ្រដែនដី តំបន់សេដ្ឋកិច្ចផ្តាច់មុខ និងឆ្នេរនៃទ្វីបនៅលើខ្សែបន្ទាត់មូលដ្ឋានគ្រឹះត្រង់បែបនេះ។

កំណត់ទូតនេះ ក៏បានជំទាស់ទៅនឹងការទាមទាររបស់ចិនចំពោះអង្គភាពលិចទឹកឬពាក់កណ្តាលទឹកដោយអនុលោមតាមបទប្បញ្ញត្តិរបស់ UNCLOS ឆ្នាំ១៩៨២។ កំណត់ទូតនេះបានបញ្ជាក់ថា «មិនមានមូលដ្ឋានច្បាប់សម្រាប់ការកំណត់ដែនសមុទ្រទេ ដែលមានតែបទប្បញ្ញត្តិនៃអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២បណ្ណោះទេ» ។ រដ្ឋាភិបាលអូស្រ្តាលីមិនទទួលយកការផ្លាស់ប្តូរណាមួយក្នុងស្ថានភាពបច្ចុប្បន្នរបស់អង្គភាពសិប្បនិម្មិតដើម្បីក្លាយជាកោះដោយអនុលោមតាម UNCLOS ទេ។

កំណត់ទូតនេះក៏បានសង្កត់ធ្ងន់ថា រដ្ឋាភិបាលអូស្រ្តាលីមិនទទួលយកការប្រកាសរបស់ចិនដែលថាអធិបតេយ្យភាពរបស់ខ្លួនលើប្រជុំកោះ Hoang Sa (Paracel) និង Truong Sa (Spratly) ត្រូវបាន «ទទួលស្គាល់យ៉ាងទូលំទូលាយពីសហគមន៍អន្តរជាតិ» ។

អូស្រ្តាលីអំពាវនាវដល់រដ្ឋក្នុងជម្លោះនៅសមុទ្រខាងកើត រួមទាំងចិនផង ត្រូវកំណត់ការទាមទារអធិបតេយ្យភាពរបស់ខ្លួនអនុលោមតាមច្បាប់អន្តរជាតិជាពិសេស UNCLOS ឆ្នាំ ១៩៨២ និងដោះស្រាយជម្លោះដោយសន្តិវិធី។

មុននេះសហរដ្ឋអាមេរិកក៏បានបដិសេធលើការទាមទាររបស់ចិននៅសមុទ្រខាងកើតផងដែរ។ សេចក្តីថ្លែងការណ៍របស់សហរដ្ឋអាមេរិកនិងអូស្ត្រាលីបានបញ្ជាក់ជាថ្មីម្តងទៀតថាការទាមទាររបស់ចិននៅសមុទ្រខាងកើតមិនត្រូវបានសហគមន៍អន្តរជាតិទទួលស្គាល់ទេ និងគ្មានមូលដ្ឋានច្បាប់ឡើយ៕

（ប្រែសម្រូលដោយវិច្ឆិកា）

（ប្រភពព័ត៌មាន: thoidai.com.vn）

（ប្រែសម្រូលដោយវិច្ឆិកា）