យុគសម័យ- នាវាចម្បាំង USS Ralph Johnson មានសកម្មភាព នៅតំបន់ក្បែរកោះ Truong Sa (Spratlys) នាថ្ងៃទី ១៤ ខែកក្កដា បន្ទាប់ពីសេចក្តីថ្លែងការណ៍របស់រដ្ឋមន្រ្តីការបរទេសអាមេរិកស្តីពីសមុទ្រខាងកើត។
កងនាវាចរអាមេរិកប៉ាស៊ីហ្វិកទើបតែបានប្រកាសថា នាវា USS Ralph Johnson (DDG 114) កំពុងប្រតិបត្តិការនៅតំបន់ក្បែរកោះ Truong Sa ( Spratlys) កាលពីថ្ងៃទី ១៤ ខែកក្កដា។
នាវាចម្បាំងអាមេរិក Ralph Johnson ធ្វើដំណើរទៅកាន់តំបន់ជិតប្រជុំកោះ Truong Sa ( Spratly) លើសមុទ្រខាងកើត។ (រូបថត៖ កងទ័ពជើងទឹកអាមេរិក។)
យោងតាមផ្នែកទំនាក់ទំនងសាធារណៈរបស់កងនាវាចរ នេះគឺជាសកម្មភាពសេរីភាពលើសមុទ្រដែលគាំទ្រសិទ្ធិស្របច្បាប់ក្នុងការប្រើប្រាស់តំបន់ដែនសមុទ្រដែលត្រូវបានទទួលស្គាល់ដោយច្បាប់អន្តរជាតិ។ ផ្នែកនេះបាននិយាយថា ការទាមទារដែនសមុទ្រខុសច្បាប់នៅសមុទ្រខាងកើត គំរាមកំហែងដល់សេរីភាពនៅលើផ្លូវសមុទ្រនិងផ្លូវអាកាសនិងក្នុងតំបន់នេះដែលគំរាមកំហែងដល់សេរីភាពពាណិជ្ជកម្ម និងសេរីភាពសេដ្ឋកិច្ចរបស់បណ្តាប្រទេសដែលជាប់នឹងសមុទ្រខាងកើត។
កម្លាំងអាមេរិកនៅតែបន្តធ្វើប្រតិបត្តិការជារៀងរាល់ថ្ងៃនៅសមុទ្រខាងកើត ដូចដែលមធ្លាប់ធ្វើ ក្នុងរយៈពេលជាងមួយសតវត្សរ៍មកហើយ។ កងនាវាចរ ៧ (ក្នុងនាវាចរប៉ាស៊ីហ្វិក) មានសកម្មភាពកងទ័ពជើងទឹកជួរមុខដែលគាំទ្រផលប្រយោជន៍ជាតិរបស់សហរដ្ឋអាមេរិក នៅក្នុងតំបន់ឥណ្ឌូ - ប៉ាស៊ីហ្វិក។
កងនាវាចរ ៧ ក៏ជាកងនាវាដែលមានទ្រង់ទ្រាយធំជាងគេនៃកងទ័ពជើងទឹករបស់អាមេរិកផងដែរ។ កងនាវានេះមានទំនាក់ទំនងជាមួយ ៣៥ ប្រទេសជាប់នឹងសមុទ្រផ្សេងទៀត ដើម្បីបង្កើតភាពជាដៃគូដែលលើកកម្ពស់សន្តិសុខនិងស្ថេរភាព នៅដែនសមុទ្រនិងទប់ស្កាត់ជម្លោះ./.
（បកប្រែដោយឌីណា）
មតិពីមិត្តអ្នកអាន