នាយករដ្ឋមន្ត្រីអង់គ្លេស លោក Boris Jonhson ដែលជាបុគ្គលមួយរូប ក្នុងចំណោមមនុស្ស មានឋានៈខ្ពស់បំផុត ដែលតេស្តរកឃើញ ឆ្លងវីរុសកូរ៉ូណានោះ តាមសេចក្តីរាយការណ៍ បានចាកចេញពីមន្ទីរពេទ្យហើយ កាលពីថ្ងៃអាទិត្យ ស្របពេលដែលចំនួន អ្នកស្លាប់បណ្ដាលពីវីរុសនេះ កំពុងតែមានចំនួនថយ ចុះនៅទូទាំងពិភពលោក
នាយករដ្ឋមន្ត្រីអង់គ្លេស លោក Boris Jonhson។ (រូបថត៖ dap.com.khmer)
នៅក្នុងវីដេអ៊ូឃ្លីបមួយ ដែលបង្ហោះលើអនឡាញ ធ្វើការកោតសរសើរ បុគ្គលិកពេទ្យព្រមទាំងសេវាកម្ម សុខាភិបាលជាតិ លោក Boris Johnson បានមានប្រសាសន៍យ៉ាងដូច្នេះថា “នៅថ្ងៃនេះ ខ្ញុំបានចាកចេញពីមន្ទីរពេទ្យ ក្រោយរយៈពេលមួយសប្ដាហ៍ ដែលសេវាកម្មសុខាភិបាលជាតិ បានជួយសង្គ្រោះជីវិតខ្ញុំ ដោយឥតសង្ស័យ ហើយវាពិបាកខ្លាំងណាស់ ដើម្បីរកពាក្យពេចន៍ថ្លែងពីអំណរគុណភាពរបស់ខ្ញុំ” ។
គួរបញ្ជាក់ថា លោក Boris Jonhson ត្រូវបានគេធ្វើតេស្តវិជ្ជមានមេរោគកូវីដ១៩ ហើយបានដាក់បង្ខាំងខ្លួនឯងឲ្យនៅដាច់ដោយឡែកពីគេ ក្នុងវិមានរដ្ឋាភិបាល តាំងពីពេលនោះមក។ ក៏ប៉ុន្តែ ក្រោយពីរោគសញ្ញារបស់លោកនៅតែបន្តមានដោយមិនធូរស្បើយ ហើយដោយមានការណែនាំពីគ្រូពេទ្យ លោកនាយករដ្ឋមន្រ្តីអង់គ្លេសត្រូវបានគេបញ្ជូនទៅកាន់មន្ទីរពេទ្យ នៅល្ងាចថ្ងៃទី ៥ ខែមេសា./.
（បូកសរុបដោយឌីណា）
មតិពីមិត្តអ្នកអាន