វេជ្ជសាស្ត្រនៅលើពិភពលោក ធ្វើការស្រាវជ្រាវយ៉ាងសកម្មដើម្បីផលិតវ៉ាក់សាំងការពារប្រឆាំងនឹងវីរុស SARS-CoV-2

វេជ្ជសាស្ត្រពិភពលោកស្រាវជ្រាវយ៉ាងសកម្មដើម្បីផលិតវ៉ាក់សាំងការពារប្រឆាំងនឹងវីរុស SARS-CoV-2 (រូបថត៖ vnanet)

អនុប្រធានគណៈកម្មាធិការសុខាភិបាលទីក្រុងសៀងហៃ ប្រទេសចិន លោក Yi Chengdong កាលពីថ្ងៃទី ១៧ ខែមីនាបានឲ្យដឹងថា វ៉ាក់សាំងដើម្បីការពារប្រឆាំងនឹងវីរុស SARS-CoV-2 ត្រូវបានរំពឹងថានឹងដាក់ឲ្យដំណើរការធ្វើតេស្តនៅពាក់កណ្តាលខែមេសាខាងមុខនេះ។

នាថ្ងៃដដែល អ្នកវិទ្យាសាស្ត្ររុស្ស៊ីក៏បានជូនដំនឹងថាចាប់ផ្តើមធ្វើតេសត្តលើគំរូវ៉ាក់សាំងដំបូងនៃការប្រប្រឆាំងនឹងវីរុស SARS-CoV-2 ហើយគេគ្រោងនឹងប្រកាសប្រភេទវ៉ាក់សាំងដែលមានប្រសិទ្ធភាពបំផុតនៅខែមិថុនាខាងមុខនេះ។

នាបច្ចុប្បន្ននេះ វិទ្យាស្ថានជាតិជីវបច្ចេកវិទ្យា Vector នៅស៊ីបេរី បានចាប់ផ្តើមពិសោធន៍លើសត្វ ដើម្បីធានាលក្ខណៈប្រសិទ្ធភាពនិងសុវត្ថិភាពផងដែរ។

គួរជម្រាបថានាពេលថ្មីៗនេះ អ្នកវិទ្យាសាស្ត្រនៅវិទ្យាស្ថានជម្ងឺឆ្លង Peter Doherty (អូស្រ្តាលី) ក៏បានអះអាងផងដែរថាបានបោះជំហានថ្មីមួយដើម្បីរកឃើញប្រព័ន្ធភាពស៊ាំរបស់មនុស្សដែលប្រតិកម្មនឹងវីរុស SARS-CoV-2 យ៉ាងដូចម្តេច។

តាមរយៈរបកគំហើញនេះអ្នកវិទ្យាសាស្ត្រសង្ឃឹមថាអាចពន្លឿនការបញ្ចប់ដំណើរការផ្សំនិងផលិតប្រភេទវ៉ាក់សាំងប្រកបដោយប្រសិទ្ធភាពផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: VGP）

（បកប្រែដោយ ហេង វុធ្ធី）