ប្រធានាធិបតីឥណ្ឌូនេស៊ីលោក Joko Widodo ថ្លែងសុន្ទរកថា បន្ទាប់ពីទទួលបានជ័យជម្នះក្នុងការបោះឆ្នោត

ប្រធានាធិបតីឥណ្ឌូនេស៊ីលោក Joko Widodo និង លោក Ma'ruf Amin (រូបថត៖ Vietnamplus)

នាថ្ងៃទី ២១ ខែឧសភា ប្រធានាធិបតីឥណ្ឌូនេស៊ីលោក Joko Widodo និង លោក Ma'ruf Amin បានថ្លែងសុន្ទរកថាជ័យជម្នះបន្ទាប់ពីគណៈកម្មការរៀបចំការបោះឆ្នោតជាតិបានប្រកាសលទ្ធផលចុងក្រោយនៃការរាប់សន្លឹកឆ្នោតនាថ្ងៃដដែលនោះ។ នៅក្នុងសុន្ទរកថានេះ លោក Joko Widodo បានថ្លែងអំណរគុណចំពោះការគាំទ្ររបស់ប្រជាជនឥណ្ឌូនេស៊ីទាំងអស់ហើយអំពាវនាវឱ្យការអភិវឌ្ឍប្រទេសជាតិ ដើម្បីសន្តិភាពនិងវិបុលភាពរបស់ប្រជាជននិងជំនាន់កុមារឥណ្ឌូនេស៊ីនាពេលអនាគត។ លោក Joko Widodo បានបន្តទៀតថាលទ្ធផលនៃការបោះឆ្នោតមានសារៈសំខាន់ខ្លាំងសម្រាប់អ្នកបោះឆ្នោតឥណ្ឌូនេស៊ី ហើយលោកសន្យាថាបន្ទាប់ពីធ្វើលារសច្ចាប្រណិធានចូលកាន់តំណែងនៅខែតុលាខាងមុខនេះ លោក Joko Widodo និង លោក Ma'ruf Amin នឹងក្លាយទៅជាថ្នាក់ដឹកនាំប្រទេសជាតិដើម្បីការពារប្រជាជនទាំងអស់ផងដែរ។

គួរបញ្ជាក់ថា យោងតាមគណៈកម្មាធិការរៀបចំការបោះឆ្នោតជាតិឥណ្ឌូនេស៊ី បានឲ្យដឹងថា លោក Joko Widodo បានទទួលជ័យជំនះដោយមានសម្លេងគាំទ្រចំនួន ៥៥,៥% បើប្រៀបធៀបនឹងសម្លេងគាំទ្រចំនួន ៤៤,៥% របស់គូប្រជែង លោក Prabowo Subianto ក្នុងការបោះឆ្នោតប្រធានាធិបតីនៅឥណ្ឌូនេស៊ីកន្លងទៅ៕

（យងតាម vietnamplus.vn បកប្រែដោយ ហេង វុធ្ធី）

（យងតាម vietnamplus.vn បកប្រែដោយ ហេង វុធ្ធី）