យុគសម័យ - នាថ្ងៃទី២១ខែកក្កដា កាសែត Guardian របស់អង់គ្លេសជូនដំណឹងថា អូស្ត្រាលីនិងអង់គ្លេសកំពុងពិភាក្សាអំពីផែនការបញ្ចូននាវាផ្ទុកយន្តហោះរបស់អង់គ្លេស HHS Queen Elizabeth ទៅកាន់សមុទ្រប៉ាស៊ីហ្វិក ក្នុងបរិបទដែលភាពតានតឹងកាន់តែកើនឡើងពាក់ព័ន្ធនឹងសកម្មភាពយោធូបនីយកម្មរបស់ចិននៅសមុទ្រខាងកើត។
នាវាផ្ទុកយន្តហោះ HMS Queen Elizabeth (រូបថតៈ Getty Images )
ក្នុងដំណើរទស្សនកិច្ចនៅអង់គ្លេសដែលធ្វើឡើងក្នុងសប្តាហ៍កន្លងទៅនេះ រដ្ឋមន្ត្រីការពារជាតិ Marise Payne និងរដ្ឋមន្ត្រីការបទេសអូស្ត្រាលី Julie Bishop បានពិភាក្សាជាមួយរដ្ឋមន្ត្រីការពារជាតិប្រទេសម្ចាស់ផ្ទះ Gavin Winlliamson ស្តីពីយុទ្ធនាការកងទ័ពជើងទឹករួមនៅតំបន់ប៉ាស៊ីហ្វិក។
នៅក្នុងសន្និសីទកាសែតរួមនៅ Edinburgh នាថ្ងៃទី២០ខែកក្កដា ដោយមានវត្តមានរបស់រដ្ឋមន្ត្រីការបរទេសអង់គ្លេស Jeremy Hunt រួមទាំងរដ្ឋមន្ត្រី Payne និង Bishop រដ្ឋមន្ត្រី Williamson បានសង្កត់ធ្ងន់ថា៖ “យើងបានមើលឃើញយ៉ាងច្បាស់ការផ្លាស់ប្តូរក្នុងទំនាក់ទំនងរបស់យើង។ ជាលើលដំបូង គិតតាំងពីឆ្នាំ២០១៣ អង់គ្លេសបានដាក់ពង្រាយនាវាទៅកាន់តំបន់ប៉ាស៊ីហ្វិក។ យើងខ្ញុំលបង់ក្តីសង្ឃឹមនិងសហការជាមួយគ្នា ដើម្បីដាក់ពង្រាយនាវាផ្ទុកយន្តហោះ HMS Queen Elizabeth ទៅកាន់សមុទ្រប៉ាស៊ីហ្វិក ព្រមទាំងសង្ឃឹមថា នាវារបស់អង់គ្លេសនឹងប្រគៀកស្មារជាមួយនាវារបស់អូស្ត្រាលី”។
កងទ័ពជើងទឹកអូស្ត្រាលីក៏ត្រូវបានអញ្ជើញចូលរួមសកម្មភាពបង្ហាញមោទនៈភាពរបស់នាវាផ្ទុកយន្តហោះ Queen Elizabeth ខណៈដែលក្រុមនាវានេះបានមកដល់សមុទ្រប៉ាស៊ីហ្វិក។ តាមគម្រោង ពេលមកដល់សមុទ្រប៉ាស៊ីហ្វិក នាវា HMS Queen Elizabeth របស់អង់គ្លេសនឹងចូលរួមការធ្វើសមយុទ្ធ “សរីនាវាចរណ៍” នៅសមុទ្រខាងកើត។
ក៏ក្នុងសន្និសីទកាសែតនេះ រដ្ឋមន្ត្រីការបរទេស Bishop បានសង្កត់ធ្ងន់ថា មានការប្រែប្រួលយ៉ាងច្បាស់លាស់ក្នុង “ទំនាក់ទំនងរវាងបណ្តាប្រទេសមហាអំណាច”។ លោកស្រីក៏បាននិយាយដល់បញ្ហាប្រឈមមួយចំនួនចំពោះរាល់ “បទបញ្ញតិនិងអនុសញ្ញា” អន្តរជាតិនៅតំបន់អាស៊ីប៉ាស៊ីហ្វិក។
រដ្ឋមន្ត្រីទាំង៤រូបសុទ្ធតែបានសង្កត់ធ្ងន់ថា បញ្ហាប្រឈមជាច្រើនពោលខាងលើ ជាមូលហេតុដែលអង់គ្លេសនិងអូស្ត្រាលីត្រូវបង្កើនកិច្ច សហប្រតិបត្តិការថែមទៀតលើវិស័យការពារជាតិនិងសន្តិសុខ៕
（យោងតាម baoquocte.vn បកប្រែដោយ មិញ អាញ់）
មតិពីមិត្តអ្នកអាន