យុគសម័យ - នាថ្ងៃទី ១៧ មិថុនា រដ្ឋមន្ត្រីការបរទេសក្រិក លោក Nikos Kotzias និងរដ្ឋមន្ត្រីការបរទេសម៉ាសេដូនី លោក Nikola Dimitrov បានចុះហត្ថលេខាលើកិច្ចព្រមព្រៀងជាប្រវត្តិសាស្ត្ររវាងប្រទេសទាំងពីរស្តីពីការផ្លាស់ប្តូរឈ្មោះម៉ាសេដូនីទៅជាសាធារណៈរដ្ឋម៉ាសេដូនីខាងជើង។
នាយករដ្ឋមន្ត្រី ម៉ាសេដូនី លោក Zoran Zaev (ឆ្វេង) និងសមភាគីក្រិក លោក Alexis Tsipras (ស្តាំ) ក្នុងពិធីចុះហត្ថលេខាលើកិច្ចព្រមព្រៀងនាថ្ងៃទី១៧មិថុនា (រូបថតៈ Reuters)
ពិធីចុះហត្ថលេខានេះបានប្រារព្ធឡើងក្រោមការធ្វើជាកសិណសាក្សីរបស់នាយករដ្ឋមន្ត្រីនៃប្រទេសទាំងពីររួមជាមួយមន្ត្រីមួយចំនួនរបស់សហភាពអឺរ៉ុប (EU) និងអង្គការសហប្រជាជាតិ។
តាមការព្រមព្រៀងនេះម៉ាសេដូនី (មុននេះជាសាធាណៈរដ្ឋ Yugoslav Macedonia – FYROM) នឹងប្តូរឈ្មោះទៅគ្នាសាធាណៈរដ្ឋម៉ាសេដូនីខាងជើង ហើយក្រិកនឹងបញ្ឈប់ការប្រឆាំងជំទាស់ចំពោះការចូលរួមជាសមាជិករបស់ EU និងអង្គការសន្ធិសញ្ញាអាត្លង់ទិកខាងជើង(NATO) របស់ប្រទេសជិតខាងម៉ាសេដូនីផងដែរ។
ការព្រមព្រៀងនេះត្រូវរដ្ឋសភាម៉ាសេដូនីអនុម័តបន្ទាប់មកត្រូវបានយកមកបោះប្រជាមតិទូទាំងម៉ាសេដូនីនាខែកញ្ញាខាងមុខនេះ ទើបកិច្ចព្រមព្រៀងមានសុពលភាពជាផ្លូវការ។ ចំពោះក្រិកវិញ កិច្ចព្រមព្រៀងនេះក៏ត្រូវបានរដ្ឋសភាខ្លួនអនុម័ត។
ការចុះហត្ថលេខាលើការព្រមព្រៀងជាប្រវត្តិសាស្ត្រពោលខាងលើគ្រោងនឹងបើកចេញផ្លូវសម្រាប់បញ្ចប់ការជជែកវែកញែកដែលអូសបន្លាយច្រើនឆ្នាំកន្លងទៅ ទាក់ទិនដល់ឈ្មោះជាផ្លូវការរបស់ម៉ាសេដូនី៕
（ប្រែសម្រូលដោយស្រីពេជ្រ）
មតិពីមិត្តអ្នកអាន