នាយករដ្ឋមន្ត្រី Narendra Modi បាននិយាយថា ប្រទេសឥណ្ឌាត្រៀមខ្លួនរួចរាល់ហើយក្នុងការផលិតវ៉ាក់សាំង COVID-19 ទ្រង់ទ្រាយធំ នៅពេលអ្នកវិទ្យាសាស្ត្រផ្តល់ការអនុញ្ញាត ហើយឥណ្ឌាកំពុងចាប់ផ្តើមគម្រោងជាតិ ដើម្បីកំណត់អត្តសញ្ញាណសម្រាប់ពលរដ្ឋម្នាក់ៗផងដែរ។
ការផលិតវ៉ាក់សាំង Covid-19 តាមទ្រង់ទាយធំនឹងផ្តល់ផលប្រយោជន៍សំខាន់ៗ សម្រាប់ពិភពលោក។ (រូបថត៖ dap.com.khmer)
លោកប្រកាសបែបនេះ នៅក្នុងការថ្លែងក្នុងថ្ងៃទិវាឯករាជ្យនៅថ្ងៃសោរ៍នេះ។ ទិវានេះត្រូវបានកាត់បន្ថយទ្រងទ្រាយនៃការប្រារព្ធ ដោយសារតែបញ្ហារាតត្បាត COVID-19។ លោកមានប្រសាសន៍ថា “មិនមែនមួយ មិនមែនពីរ គឺមានវ៉ាក់សាំងកូរ៉ូណាចំនួន ៣កំពុងត្រូវធ្វើតេស្តសាកល្បងនៅក្នុងប្រទេសឥណ្ឌា”។
លោកបន្តទៀតថា “ជាមួយនឹងការត្រៀមផលិតទ្រង់ទ្រងធំ គម្រោងសម្រាប់ការចែកចាយវ៉ាក់សាំង ទៅដល់ប្រជាជនឥណ្ឌាគ្រប់រូប ក្នុងរយៈពេលដ៏តិចបំផុត ក៏បានត្រៀមរួចរាល់ហើយដែរ”។ “ឥណ្ឌាត្រៀមខ្លួនរួចរាល់ហើយ ក្នុងការផលិតវ៉ាក់សាំងទាំងនោះ ក្នុងទ្រង់ទ្រាយធំ”។
សូមបញ្ជាក់ថា រដ្ឋមន្រ្តីក្រសួងសុខាភិបាល របស់ប្រទេសលោក Mikhail Murashko បានឲ្យដឹងថារទេសរុស្ស៊ី នឹងចាប់ផ្តើមផលិតវ៉ាក់សាំង COVID-១៩ របស់ខ្លួនក្នុងដាច់ខែសីហានេះ “ដំបូងបង្អស់កន្លែងផលិត នៅប្រទេសរុស្ស៊ី នឹងត្រូវបានតម្រង់ទិស ឆ្ពោះទៅរកទីផ្សារក្នុងស្រុក ដើម្បីឆ្លើយតបនឹងតម្រូវការ របស់ប្រជាជនរបស់យើង” ។
លោករដ្ឋមន្រ្តីបានបន្ដថា ប្រទេសរុស្ស៊ី នឹងផ្តល់វ៉ាក់សាំងនេះ ទៅប្រទេសដទៃទៀត នៅពេលដែលវាមានបរិមាណគ្រប់គ្រាន់ ហើយលោកបានបន្ថែមទៀតថា ការសង្ស័យរបស់ប្រទេសបរទេស អំពីប្រសិទ្ធភាពនៃវ៉ាក់សាំងនេះ គឺគ្មានមូលដ្ឋាននោះទេ./.
（បូកសរុបដោយឌីណា）
មតិពីមិត្តអ្នកអាន