ថៃគ្រោងធ្វើតេស្តវ៉ាក់សាំង COVID-19 ទៅលើមនុស្សនៅខែវិច្ឆិកាឆ្នាំនេះ

វ៉ាក់សាំង COVID-19។ (រូបថត៖ apsaracentral.com)

លោក គាត រ៉ាស់រុងថាំ (Kiat Ruxrungtham) នាយកកម្មវិធីអភិវឌ្ឍន៍វ៉ាក់សាំង COVID-19 នៃសាកលវិទ្យាល័យឈូឡាឡុងកន នៃទីក្រុង បាងកក បាននិយាយថា ក្រោយទទួលបានលទ្ធលផលយ៉ាងវិជ្ជមាន ក្នុងការធ្វើតេស្តទៅលើសត្វស្វា ជំហានបន្ទាប់ទៀតគឺជាការធ្វើតេស្ត ទៅលើមនុស្ស។ បើតាមលោក Kiat ប្រសិនបើអ្វីៗប្រព្រឹត្តទៅយ៉ាងរលូនតាមការគ្រោងទុក ហើយទទួលជោគជ័យ នោះប្រទេសថៃនឹង អាចមានវ៉ាក់សាំង សម្រាប់ប្រយុទ្ធប្រឆាំង COVID-19 នៅកំឡុងត្រីមាសទី៣ឬទី៤ នៃឆ្នាំ២០២១។

សូមរំលឹកថា អ្នកនាំពាក្យមជ្ឈមណ្ឌលប្រយុទ្ធប្រឆាំងការរីករាលដាលនៃជំងឺ COVID-19 របស់ថៃ លោក ថាវីសិន វីសានុយោធិន ប្រទេសថៃនឹងចាប់ផ្តើមសាកល្បងវ៉ាក់សាំងការពារ mRNA (messenger RNA) លើសត្វស្វានៅសប្តាហ៍ក្រោយ បន្ទាប់ពីការធ្វើតេស្តលើសត្វកណ្តុរទទួលបានជោគជ័យ ហើយថា វ៉ាក់សាំងថៃត្រូវបានរំពឹងថា នឹងអាចប្រើបាននៅឆ្នាំក្រោយនេះ ។

វ៉ាក់សាំងរបស់ប្រទេសថៃកំពុងត្រូវបានបង្កើតឡើងដោយវិទ្យាស្ថានវ៉ាក់សាំងជាតិ នៃដេប៉ាតេម៉ង់វិទ្យាសាស្ត្រវេជ្ជសាស្ត្រ និងមជ្ឈមណ្ឌលស្រាវជ្រាវវ៉ាក់សាំងរបស់សាកលវិទ្យាល័យជូឡាឡុងកន ៕

（បូកសរុបដោយឌីណា）

（បូកសរុបដោយឌីណា）