លោក Donald Trump៖ “ដរាបណាខ្ញុំនៅក្នុងសេតវិមាន ចិនគ្មានថ្ងៃអាចឡើងជាកំពូលមហាអំណាចបានដាច់ខាត”

08:04 | 21/05/2019 （សរុបព័ត៌មាន ដោយ ស្រីព្រេជ）

យុគសម័យ - ប្រធានាធិបតីអាមេរិក លោក Donald Trump បានប្រកាសថា ចិនមិនអាចក្លាយទៅជាកំពូលមហាអំណាចបានដាច់ខាត ដរាបណាលោកនៅសេតវិមាន។

ប្រធានាធិបតីអាមេរិកលោក Donald Trump (ស្តាំ) និងប្រធានរដ្ឋចិនលោក Xi Jinping ជួបគ្នានៅទីក្រុងបេកាំង កាលពីឆ្នាំមុន (រូបថតៈ AP)

យោងតាមសារព័ត៌មានរុស្ស៊ី Sputnik នៅថ្ងៃ ទី២០ ខែឧសភា ឆ្នាំ២០១៩៖ ថ្លែងក្នុងបទសម្ភាសន៍មួយជាមួយសារព័ត៌មានអាមេរិក Fox News លោក Trump បាននិយាយថាមានគោលដៅចង់ក្លាយជាកំពូលមហាអំណាច នៅលើពិភពលោក ក៏ប៉ុន្តែរឿងនេះមិនអាចទៅរួចបានឡើយ ដរាបណាលោកនៅជាមេដឹកនាំរបស់សហរដ្ឋអាមេរិក។

លោក Trump បានបន្តថា “មុនពេលលោកឡើងកាន់អំណាច សេដ្ឋកិច្ចចិនស្ទើរតែតាមទាន់អាមេរិក ហើយនឹងអាចវ៉ាដាច់អាមេរិកថែមទៀត។ ពោលគឺបើលោកស្រី ហ៊ីលឡារី គ្លីតុន ជាប់ឆ្នោតជាប្រធានាធិបតីអាមេរិក កាលពីឆ្នាំ២០១៦ វិញនោះ សេដ្ឋកិច្ចចិនប្រហែលជារីកធំហួសសហរដ្ឋអាមេរិកឆ្ងាយបាត់ទៅហើយ នៅចុងអាណត្តិរបស់លោកស្រី។ ប៉ុន្តែឥឡូវនេះ វាមិនបានកៀកនឹងសេដ្ឋកិច្ចរបស់អាមេរិកផង “។

លោក ដូណាល់ ត្រាំ៖ “ដរាបណាខ្ញុំនៅក្នុងសេតវិមាន ចិនគ្មានថ្ងៃអាចឡើងជាកំពូលមហាអំណាចបានដាច់ខាត” (រូបថតៈ FN)

លោក Trump បានថ្លែងបែបនេះ ចំពេលដែលប្រទេសទាំងពីរ កំពុងព្យាយាមស្វែងរកដំណោះស្រាយសម្រាប់សង្រ្គាមពាណិជ្ជកម្ម ដែលបានចាប់ផ្តើមឡើងដំបូងកាលពីឆ្នាំ២០១៨ ខណៈកិច្ចចរចាជុំចុងក្រោយគេ ទើបតែបានបញ្ចប់ទៅនៅទីក្រុងវ៉ាស៊ីនតោន ដោយមិនទទួលបានលទ្ធផលអ្វី ហើយសេតវិមាន បានសម្រេចអនុវត្តន៍ការដំឡើងពន្ធលើ ទំនិញចិនទំហំ២០០ពាន់លានដុល្លារ រីឯទីក្រុងប៉េកាំងវិញក៏បានប្រកាសថា នឹងដំឡើងពន្ធលើទំនិញអាមេរិកទំហំ៦០ពាន់លានដុល្លារ។

កាលពីសប្តាហ៍មុន លោក Donald Trump ក៏បានបង្ហោះសារដែរថា ទីក្រុងប៉េកាំងកំពុងស្រមៃចង់ឲ្យអតីតអនុប្រធានា ធិបតីអាមេរិក លោក Joe Biden ដែលលោកហៅថាជាបុគ្គលអសកម្មម្នាក់ ឬក៏បេក្ខភាពដទៃទៀតមកពីបក្សប្រជាធិបតេយ្យអាមេរិក ជាប់ជាប្រធានាធិបតីអាមេរិក នៅឆ្នាំ២០២០ ដើម្បីអាចងាយនឹងចរចាបញ្ហាពាណិជ្ជកម្មរវាងប្រទេសទាំងពីរ និងដើរខ្សែលើអាមេរិកបានឡើងវិញ៕

（សរុបព័ត៌មាន ដោយ ស្រីព្រេជ）

Tags: លោក Donald Trump ដរាបណា សេតវិមាន ចិន គ្មាន កំពូល មហាអំណាច ដាច់ខាត

មតិពីមិត្តអ្នកអាន

ព័ត៌មានថ្មីៗ

ផ្លាស់ប្តូរថ្មីការងារការទូតប្រជាជន រួមចំណែកបង្កើតកម្លាំងសរុបនៃវិស័យការទូតវៀតណាម

យុគសម័យ - ឆ្ពោះទៅកាន់សន្និសីទការទូតលើកទី ៣៣ និងសន្និសីទការបរទេសទូទាំងប្រទេសលើកទី ២២ នាពេលខាងមុខ លោក Ngo Le Van អនុរដ្ឋមន្ត្រីក្រសួងការបរទេស មានអត្ថបទសរសេរអំពីការងារការទូតប្រជាជន៖ "ផ្លាស់ប្តូរថ្មីការងារការទូតប្រជាជន រួមចំណែកបង្កើតកម្លាំងសរុបនៃវិស័យការទូតវៀតណាម"។

វៀតណាមស្នើឱ្យចិនពង្រីកទីផ្សារសម្រាប់កសិផល

យុគសម័យ - នៅឯជំនួបជួបជាមួយរដ្ឋមន្ត្រីការបរទេសចិន លោក Vuong Nghi នាថ្ងៃទី ២២ ខែកក្កដា នៅឯ Manila (ហ្វីលីពីន) រដ្ឋមន្ត្រីការបរទេស លោក Le Hoai Trung បានស្នើឱ្យចិនបន្តពង្រីកទីផ្សារសម្រាប់ទំនិញ ជាពិសេសគឺកសិផលវៀតណាម ទន្ទឹមនឹងនោះបង្កើតលក្ខខណ្ឌដើម្បីឱ្យវៀតណាមធ្វើជាប្រទេសប្រធានបទនៃសកម្មភាព « ចែករំលែកទីផ្សារធំ នាំចេញទៅកាន់ចិន »។

ទីក្រុងហាយហ្វុងចលនានូវជំនួយឥតសំណងមិនមែនរដ្ឋាភិបាលលើសពី ១.៣៦ លានដុល្លារអាមេរិក

យុគសម័យ - នៅក្នុងរយៈពេល ៦ ខែដើមឆ្នាំ ២០២៦ សម្ព័ន្ធបណ្តាអង្គការមិត្តភាពទីក្រុងហាយហ្វុងបានចលនានូវជំនួយឥតសំណងមិនមែនរដ្ឋាភិបាលបរទេសលើសពី ១.៣៦ លានដុល្លារអាមេរិក នៅក្នុងនោះបើកផ្តល់ថវិកាលើសពី ១.១ លានដុល្លារអាមេរិក។ នាពេលខាងមុខ ទីក្រុងផ្តល់អាទិភាពពង្រីកកិច្ចសហប្រតិបត្តិការនៅក្នុងបណ្តាវិស័យឆ្លើយតបនិងការប្រែប្រួលអាកាសធាតុ ជីវភាពរស់នៅប្រកបដោយចីរភាព ការអប់រំ សុខាភិបាលព្រមទាំងការផ្លាស់ប្តូរឌីជីថល។

ជម្រុញទំនាក់ទំនងមិត្តភាពប្រពៃណីវៀតណាម - ប៉ាឡេស្ទីនឆ្លងតាមការទូតប្រជាជន

យុគសម័យ - ថ្ងៃទី ២២ ខែកក្កដា នៅឯហាណូយ ប្រធានសម្ព័ន្ធបណ្តាអង្គការមិត្តភាពវៀតណាម លោក Phan Anh Son បានទទួលជួបឯកអគ្គរដ្ឋទូតវិសាមញ្ញនិងពេញសមត្ថភាពនៃរដ្ឋប៉ាឡេស្ទីនប្រចាំនៅវៀតណាម លោក Shadi Abu Zarqa។ នៅក្នុងបរិយាកាសស្និទ្ធស្នាលនិងទុកចិត្ត ភាគីទាំងពីរបានអះអាងពីការយកចិត្តទុកដាក់ចំពោះទំនាក់ទំនងមិត្តភាពប្រពៃណីវៀតណាម - ប៉ាឡេស្ទីន ព្រមទាំងផ្លាស់ប្តូរនូវបណ្តាទិសដៅក្នុងគោលបំណងបង្កើនកិច្ចសហប្រតិបត្តិការនាពេលខាងមុខ។

វៀតណាមឈរលេខរៀងទី ៥ នៅឯការប្រឡងអូឡាំពិកគណិតវិទ្យាអន្តរជាតិ ២០២៦

យុគសម័យ - នាស្ទើថ្ងៃទី ២១ ខែកក្កដា ឆ្នាំ ២០២៦ នៅឯហាណូយ តំណាងក្រសួងអប់រំនិងបណ្តុះបណ្តាល បណ្តាសាលារៀនរួមជាមួយនិងសាច់ញាតិបានទទួលស្វាគមន៍គណៈប្រតិភូសិស្សានុសិស្សវៀតណាមវិលត្រឡប់មកវិញបន្ទាប់ពីការប្រឡងអូឡាំពិកគណិតវិទ្យាអន្តរជាតិ IMO ២០២៦ ចាត់តាំងឡើងនៅឯទីក្រុងស៊ាងហៃ (ចិន)។ គណៈប្រតិភូវៀតណាមសម្រេចបានសមិទ្ធផលយ៉ាងល្អប្រសើរ ដោយឈរលេខរៀងទី ៥ ទូទាំងគណៈប្រតិភូ។