អាជ្ញាធរមីន បានអំពាវនាវដល់សាធារណជនឱ្យមានការប្រុងប្រយត្ន័ក្នុងអំឡុង និងក្រោយទឹកជំនន់ ដោយសារហានិភ័យដែលអាចលេចចេញនូវគ្រាប់មីនដោយសារការបាក់ដី ឬការហូរច្រោះដី។
 |
| អាជ្ញាធរមីន ជូនដំណឹងពីការពង្រឹងវិធានការបង្ការហានិភ័យនៃគ្រាប់មីនដែលកើនឡើង បន្ទាប់ពីភ្លៀងធ្លាក់ខ្លាំងនិងទឹកជំនន់ |
យោងតាមសេចក្តីជូនដំណឹងរបស់អាជ្ញាធរមីន កាលពីថ្ងៃពុធបានឱ្យដឹងថា ក្នុងអំឡុងពេល និងក្រោយទឹកជំនន់ គ្រាប់មីន និងសំណល់ជាតិផ្ទុះសល់សង្គ្រាមមួយចំនួនអាចត្រូវបានផុសឡើងដោយការបាក់ដី ឬទឹកហូរច្រោះ និងអាចបង្កគ្រោះថ្នាក់ដល់អាយុជីវិតមនុស្ស ជាពិសេសអ្នករស់នៅក្នុងតំបន់រងគ្រោះដោយសារមីន។
យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម ស្តីពីអាកាសធាតុរបស់ព្រះរាជាណាចក្រកម្ពុជានាពេលខាងមុខ កម្ពុជាអាចរំពឹងថានឹងមានខ្យល់បក់ខ្លាំង និងភ្លៀងធ្លាក់ ដែលអាចបណ្តាលឱ្យមានជំនន់ទឹកភ្លៀងនៅតាមតំបន់មួយចំនួននៃប្រទេសកម្ពុជា។
អាជ្ញាធរមីន ក៏បានណែនាំដល់ប្រតិបត្តិករដោះមីន និងបានអំពាវនាវដល់ក្រសួងពាក់ព័ន្ធ ដូចជាក្រសួងអប់រំ យុវជន និងកីឡា ធ្វើការសហការអនុវត្តវិធានការមួយចំនួន ដើម្បីអប់រំប្រជាពលរដ្ឋឱ្យមានការប្រុងប្រយ័ត្នខ្ពស់ បន្ទាប់ពីមានភ្លៀងធ្លាក់ខ្លាំង ឬទឹកជំនន់នៅតំបន់របស់ពួកគេ ដោយសារ ការកើនឡើងហានិភ័យនៃការជួបប្រទះមីន និងសំណល់ជាតិផ្ទុះពីសង្គ្រាម។
អាជ្ញាធរមីន បានឱ្យដឹងថា “ត្រូវរៀបចំខ្លឹមសារ និងផ្សព្វផ្សាយឯកសារអប់រំ ស្តីពីគ្រោះថ្នាក់ដែលបណ្តាលមកពីគ្រាប់មីន និងសំណល់ជាតិផ្ទុះពីសង្គ្រាម អំឡុងពេល និងក្រោយទឹកជំនន់ ដើម្បីផ្តល់ជូនដល់ភ្នាក់ងារអប់រំ និងបណ្តាញសកម្មភាពកំចាត់មីនក្នុងសហគមន៍ លោកគ្រូ អ្នកគ្រូ ដើម្បីកាត់បន្ថយគ្រោះថ្នាក់ដោយសារមីន និងជាតិផ្ទុះ ដែលជាមធ្យោបាយអប់រំប្រជាពលរដ្ឋនៅតំបន់ដែលរងផលប៉ះពាល់ដោយទឹកជំនន់។”
សេចក្តីជូនដំណឹងបានបន្ថែមថា ក្រសួងពាក់ព័ន្ធត្រូវឆ្លើយតបឱ្យបានទាន់ពេលវេលា ដើម្បីប្រមូល និងកម្ទេចគ្រាប់មីន និងសំណល់ជាតិផ្ទុះពីសង្គ្រាម ដែលប្រជាពលរដ្ឋរាយការណ៍មក ហើយដាក់ស្លាកសញ្ញាភ្លាមៗនៅតំបន់ដែលសង្ស័យថាមានមីន និងសំណល់ជាតិផ្ទុះពីសង្គ្រាម៕
 ការតភ្ជាប់អាកាសចរណ៍បង្កើតសន្ទុះសម្រាប់ទំនាក់ទំនងវៀតណាម-កម្ពុជាឈានឡើង យុគសម័យ - ការពង្រីកបណ្តាញហោះហើរ ការបើកជើងហោះហើរត្រង់ ការពង្រឹងកិច្ចសហប្រតិបត្តិការ ការលើកកម្ពស់ការប្រកួតប្រជែង និងគុណភាពសេវាកម្ម... ទាំងនេះគឺជាកិច្ចខិតខំប្រឹងប្រែងរបស់ក្រុមហ៊ុនអាកាសចរណ៍ និងរដ្ឋាភិបាលនៃប្រទេសវៀតណាម និងកម្ពុជា។ |
 ដំណើរទស្សនកិច្ចថ្នាក់ជាន់ខ្ពស់ពង្រឹងចំណងសាមគ្គីភាព និងមិត្តភាពរវាងវៀតណាម និងកម្ពុជា យុគសម័យ - វៀតណាម និងកម្ពុជា គឺជាប្រទេសជិតខាងទាំងពីរ ដែលតភ្ជាប់គ្នាដោយទំនាក់ទំនងប្រពៃណីដ៏យូរអង្វែង ដែលត្រូវបានចិញ្ចឹមបីបាច់យ៉ាងខ្ជាប់ខ្ជួនដោយមនុស្សជំនាន់ក្រោយ និងមេដឹកនាំនៃប្រទេសទាំងពីរ។ ដោយផ្អែកលើប្រវត្តិសាស្ត្រនៃសាមគ្គីភាព និងកិច្ចសហប្រតិបត្តិការលើគ្រប់ជ្រុងជ្រោយ ដំណើរទស្សនកិច្ចថ្នាក់ខ្ពស់រវាងមេដឹកនាំនៃប្រទេសទាំងពីរមិនត្រឹមតែធ្វើឱ្យចំណងសាមគ្គីភាពស៊ីជម្រៅប៉ុណ្ណោះទេ ថែមទាំងផ្តល់នូវទិសដៅយុទ្ធសាស្ត្រសម្រាប់ការអភិវឌ្ឍន៍គ្រប់ជ្រុងជ្រោយក្នុងទំនាក់ទំនងទ្វេភាគីផងដែរ។ |
មតិពីមិត្តអ្នកអាន