បន្តរឹតចំណងមិត្តភាពប្រពៃណីរវាងខេត្ត Tien Giang (វៀតណាម) និងខេត្តពោធិ៍សាត់

នគរបាលខេត្ត An Giang (វៀតណាម) ពិនិត្យជំងឺ និងផ្តល់អំណោយដល់ប្រជាពលរដ្ឋកម្ពុជា

ខេត្ត An Giang (វៀតណាម) និងខេត្តតាកែវ ពង្រឹងកិច្ចសហប្រតិបត្តិការ

លោក Nguyen Van Vinh ប្រធានគណៈកម្មាធិការប្រជាជនខេត្ត Tien Giang ប្រគល់វត្ថុអនុស្សាវរីយ៍ជូនលោក រុន សារី អភិបាលរងខេត្តពោធិ៍សាត់

ថ្លែងក្នុងពិធីជូនដំណើរគណៈប្រតិភូខេត្តពោធិ៍សាត់ លោក Nguyen Van Vinh មានបំណងថា ខេត្តទាំងពីរបន្តរឹតបន្តឹងទំនាក់ទំនងមិត្តភាពប្រពៃណី នាពេលខាងមុខ។ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ តាងនាមថ្នាក់ដឹកនាំខេត្ត លោក Nguyen Van Vinh បានជូនពរអាជ្ញាធរ និងប្រជាជនខេត្តពោធិ៍សាត់និយាយដោយឡែក និងកម្ពុជាជានិយាយរួមទទួលអំណរឆ្នាំថ្មីក្នុងក្ដីសប្បាយរីករាយ និងកក់ក្តៅ សូមជូនពរទំនាក់ទំនងមិត្តភាពវៀតណាម-កម្ពុជាឲ្យកាន់តែរីកចម្រើនជារៀងរហូត ។

ក្នុងនាមគណៈប្រតិភូខេត្តពោធិ៍សាត់ លោក រុន សារី បានថ្លែងអំណរគុណចំពោះថ្នាក់ដឹកនាំខេត្ត ស្ថាប័ន និងមូលដ្ឋានបានបង្កើតលក្ខខណ្ឌអំណោយផលសម្រាប់គណៈប្រតិភូមកបំពេញទស្សនកិច្ចការងារនៅខេត្ត Tien Giang ។ សកម្មភាពនាពេលថ្មីៗនេះនៅខេត្ត Tien Giang ក៏ជាឱកាសសម្រាប់រំលឹកឡើងវិញនូវទំនាក់ទំនងមិត្តភាព និងកិច្ចសហប្រតិបត្តិការដ៏រឹងមាំរវាងខេត្តទាំងពីរ រួមចំណែកពូនជ្រំទំនាក់ទំនងសហប្រតិបត្តិការគ្រប់ជ្រុងជ្រោយរវាងវៀតណាម និងកម្ពុជា៕

យោងតាមការសែតកងទ័ពប្រជាជន