ឯកអគ្គរដ្ឋទូតឡាវ និងម៉ាឡេស៊ី៖ ប្រជាជនវៀតណាមសម្បូរទៅដោយមនោសញ្ចេតនា និងមានមុខម្ហូបឆ្ងាញ់ៗ

ការផ្លាស់ប្តូរវប្បធម៌រវាងវៀតណាម និងម៉ាឡេស៊ី

នាយករដ្ឋមន្រ្តីកម្ពុជា៖ មូរ សុខហួរ ដែលកាន់លិខិតឆ្លងដែនអាមេរិក ត្រូវបានអាជ្ញាធរឥណ្ឌូនេស៊ី និងម៉ាឡេស៊ី បណ្តេញចេញមិនអនុញ្ញាតឱ្យចូលប្រទេសរបស់គេទេ

ឯកអគ្គរដ្ឋទូតឡាវ និងម៉ាឡេស៊ី៖ ប្រជាជនវៀតណាមសម្បូរទៅដោយមនោសញ្ចេតនា និងមានមុខម្ហូបឆ្ងាញ់ៗ

ក្នុងបទសម្ភាសន៍ជាមួយទស្សនាវដ្ដីមេគង្គអាស៊ាននៅដើមឆ្នាំថ្មី ឆ្នាំ២០២៤ ឯកអគ្គរដ្ឋទូតឡាវប្រចាំនៅវៀតណាម លោក Khamphao Ernthavanh បាននិយាយថា បន្ទាប់ពីបានកាន់តំណែងជាងមួយខែ ដោយធ្វើការនៅទីក្រុងហាណូយ និងខេត្តមួយចំនួននៃប្រទេសវៀតណាម លោកស្រីមានអារម្មណ៍សុខស្រួលដូចជាលោកស្រីកំពុងធ្វើការនៅប្រទេសរបស់ខ្លួនអញ្ចឹង។

ឯកអគ្គរដ្ឋទូត Khamphao Ernthavanh បាននិយាយ “វៀត​ណាម​មាន​ទេសភាព​ធម្មជាតិ​ដ៏​ស្រស់​ស្អាត និង​ជនជាតិ​ជា​ច្រើន​ដែល​មាន​លក្ខណៈ​វប្បធម៌​ដោយឡែករបស់ខ្លួនបង្កើត​ឱ្យ​មាន​វប្បធម៌​ចម្រុះ​និង​ទាក់ទាញ។ ប្រជាជនវៀតណាមមានមនោសញ្ចេតនា ស្រលាញ់គ្រួសារ និងស្រលាញ់ប្រទេសជាតិ។ ប្រជាជន​វៀតណាម​ឲ្យ​តម្លៃ​លើ​ការ​ស្រឡាញ់​រាប់អាន សាមគ្គីភាព និង​ការ​យកចិត្ត​ទុកដាក់​ចំពោះ​គ្នា​ទៅវិញទៅមក​។ ជាងនេះទៅទៀត វាច្បាស់ណាស់ថា ជនជាតិវៀតណាម ឧស្សាហ៍ព្យាយាម និងមានគំនិតច្នៃប្រឌិតខ្ពស់ក្នុងការងាររបស់ពួកគេ មិនថាការងារសាធារណៈ ឬឯកជននោះទេ"។

តាមលោកឯកអគ្គរដ្ឋទូត វប្បធម៌វៀតណាមនិងប្រជាជនវៀតណាមក៏មានចរិតលក្ខណៈលេចធ្លោផ្សេងទៀតដែលគួរត្រូវស្រាវជ្រាវនិងសិក្សា។ ក្នុងអំឡុងពេលបំពេញភារកិច្ចជាឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសឡាវប្រចាំនៅវៀតណាម លោកស្រីនឹងបន្តស្វែងយល់កាន់តែស៊ីជម្រៅអំពីវប្បធម៌ និងប្រជាជនវៀតណាម; បន្តជំរុញ និងផ្លាស់ប្តូរទំនៀមទំលាប់វប្បធម៌ដ៏ល្អរវាងប្រទេសទាំងពីរ សំដៅជំរុញទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងបក្សទាំងពីរ រដ្ឋទាំងពីរ និងប្រជាជនទាំងពីរឱ្យកាន់តែមានផ្លែផ្កា។

ដោយបានបំពេញបេសកកម្មនៅប្រទេសវៀតណាមរយៈពេលមួយឆ្នាំ ឯកអគ្គរដ្ឋទូតម៉ាឡេស៊ី Dato' Tan Yang Thai បានសម្តែងការចាប់អារម្មណ៍ចំពោះវប្បធម៌ដ៏សម្បូរបែបរបស់វៀតណាម៕

ឌឹកអាញ់

Thoidai.com.vn