នាថ្ងៃទី ១៦ កុម្ភៈ គណៈប្រតិភូបក្សកុម្មុយនិស្តវៀតណាមដឹកនាំដោយលោក Vo Van Be នាយករង និងជាអគ្គនិពន្ធនាយករងនៃគ្រឹះស្ថានបោះពុម្ពផ្សាយនយោបាយជាតិការពិត បានឧទ្ទេសនាមដល់មិត្តអ្នកអានគុយបាអំពីសៀវភៅក្រោមចំណងជើងថា “បញ្ហាទ្រឹស្តី និងការអនុវត្តជាក់ស្តែងមួយចំនួនស្តីពីសង្គមនិយម និងមាគ៌ាឆ្ពោះទៅសង្គមនិយម” របស់លោក Nguyen Phu Trong អគ្គលេខាបក្សកុម្មុយនិស្តវៀតណាម។
 |
| ឧទ្ទេសនាមសៀវភៅរបស់លោកអគ្គលេខាបក្សកុម្មុយនិស្តវៀតណាម Nguyen Phu Trong នៅប្រទេសគុយបា |
ពិធីនេះបានធ្វើឡើងយ៉ាងឱឡារិកនៅសាលប្រជុំ José Antonio Portuondo ក្នុងរដ្ឋធានី La Habana ប្រទេសគុយបា។ សៀវភៅមួយក្បាលនេះបានបង្ហាញពីអត្ថបទ និងសុន្ទរកថាជាគំរូចំនួន ២៩ របស់លោកអគ្គលេខាបក្ស Nguyen Phu Trong អំពីបញ្ហាទ្រឹស្តី និងការអនុវត្តជាក់ស្តែងក្នុងជីវភាពនយោបាយ សេដ្ឋកិច្ច វប្បធម៌ សង្គម ... ទាក់ទាញចំណាប់អារម្មណ៍ពីមិត្ដអ្នកអានគុយបា។
មនុស្សជាច្រើនដែលចូលរួមក្នុងពិធីបានចាត់ទុកថា ទស្សនៈ គោលការណ៍ គោលនយោបាយរបស់បក្ស រដ្ឋវៀតណាមអំពីសង្គមនិយម និងមាគ៌ាឆ្ពោះទៅសង្គមនិយម គឺជាឯកសារយោងដ៏មានតម្លៃសម្រាប់គុយបា ជាពិសេសក្នុងបរិបទបច្ចុប្បន្នដែលមានគុណសម្បត្តិផង ការលំបាក ឱកាស និងបញ្ហាប្រឈមជាច្រើនផង។
សូមបញ្ជាក់ថា គណៈប្រតិភូបក្សកុម្មុយនិស្ដវៀតណាមដែលបានចូលរួមឧទ្ទេសនាមសៀវភៅនៅទីស្នាក់ការកណ្តាលនៃគណៈកម្មាធិការមជ្ឈិមបក្សកុម្មុយនិស្តគុយបាដល់ថ្នាក់ដឹកនាំស្ថាប័ន ក្រសួង និងទីភ្នាក់ងារប្រឹក្សានៃគណៈកម្មាធិការមជ្ឈិមបក្សកុម្មុយនិស្តគុយបា។
ថ្លែងក្នុងព្រឹត្តិការណ៍នេះ លោក Rogelio Polanco Fuentes លេខាគណៈកម្មាធិការមជ្ឈិមបក្ស ប្រធានគណៈកម្មាធិការមជ្ឈិមសតិអារម្មណ៍នៃបក្សកុម្មុយនិស្តគុយបា បានសង្កត់ធ្ងន់លើតម្លៃយោងនៃសៀវភៅទាំងខាងទ្រឹស្តី និងការអនុវត្តជាក់ស្ដែង។ សៀវភៅបានលើកឡើងអំពីគោលដៅ ទិសដៅនិងដំណោះស្រាយដើម្បីកសាងវៀតណាមក្នុងបរិបទថ្មី ជួយកម្មាភិបាល សមាជិកបក្ស និងប្រជាជនបានយល់ច្បាស់អំពីបុព្វហេតុកសាងសង្គមនិយមនៅវៀតណាម៕
មតិពីមិត្តអ្នកអាន