ដើម្បីជំរុញចលនាប្រឡងប្រណាំងបង្រៀនល្អ និងរៀនសូត្រល្អ ក្នុងរយៈពេលប៉ុន្មានឆ្នាំចុងក្រោយនេះ សមាគមជំរុញការសិក្សាឃុំ Xuan Nha (ស្រុក Van Ho ខេត្ត Son La ភាគខាងជើងវៀតណាម) បានផ្លាស់ថ្មីនូវវិធីសាស្រ្តប្រតិបត្តិការ និងអនុវត្ដចលនាប្រឡងប្រណាំងជាច្រើននៅគ្រួសារ និងត្រកូល ក៏ដូចជាជំរុញការសិក្សានៅក្នុងឃុំ។
 សិប្បកររក្សាអណ្ដាតភ្លើងក្លៀវក្លាជាមួយនឹងសូរសំឡេងនៃចាប៉ី ទីញតូវ (tinh tau) របស់ជនជាតិ Thai នៅខេត្ត Son La (វៀតណាម) |
 ផ្កា Son Tra រីកស្គុះស្គាយស្រស់ស្អាតលើភ្នំខ្ពស់ Son La |
 |
| ខេត្ត Son La ភាគខាងជើងវៀតណាម៖ ជំរុញចលនាសិក្សានៅឃុំ Xuan Nha |
តាមរយៈការសិក្សាស្រាវជ្រាវ យើងខ្ញុំបានដឹងថា បច្ចុប្បន្នឃុំ Xuan Nha មានសាខាសមាគមជំរុញការសិក្សាចំនួន ១០ ក្នុងនោះ សាខាសមាគមនៅភូមិចំនួន ៨ និងសាខាសមាគមនៅសាលាចំនួន ២ ដែលមានសមាជិកជិត ១,០០០ នាក់។ ដើម្បីលើកកម្ពស់ប្រសិទ្ធភាពនៃចលនាជំរុញការសិក្សា ឃុំក៏បានសហការជាមួយស្ថាប័ន និងអង្គភាពជំនាញដើម្បីរៀបចំថ្នាក់លប់បំបាត់អនក្ខរកម្មចំនួន ២ សម្រាប់ជនជាតិភាគតិចក្នុងតំបន់។ ការកសាង និងអភិវឌ្ឍន៍មូលនិធិសមាគមទាក់ទាញការចូលរួមពីសមាជិក អង្គការ និងបុគ្គលដោយមានទឹកប្រាក់រៃអង្គាសជិត ២០០ លានដុង។ ពីប្រភពមូលនិធិសមាគមជំរុញការសិក្សា បានលើកទឹកចិត្តសមាជិក និងលើកសរសើរដល់បុគ្គល និងអង្គភាពដែលមានស្នាដៃឆ្នើមក្នុងចលនាជំរុញការសិក្សា និងលើកទឹកចិត្តសិស្សពូកែ និងសិស្សក្រីក្រជាង ៧០០ នាក់ បានទទួលអាហារូបករណ៍ និងផ្ដល់សំភារៈសិក្សា។
នៅឃុំ Xuan Nha ត្រកូល Ha មានគ្រួសារចំនួន ៣៤ មានសមាជិកចំនួន ១៥០ នាក់ រស់នៅក្នុងភូមិចំនួន ៣ គឺ Na Han, Na Hien និង Muong An។ នេះគឺជាត្រកូលមួយក្នុងចំណោមត្រកូលដែលត្រូវបានទទួលស្គាល់ថាជា “ត្រកូលមានកូនចៅសិក្សាពូកែ” របស់ឃុំ។ ឆ្នាំ ២០១០ ត្រកូល Ha បានបង្កើតគណៈកម្មការជំរុញការសិក្សាក្នុងគោលបំណងផ្សព្វផ្សាយ និងចលនាបណ្ដាគ្រួសារក្នុងត្រកូលយកចិត្ដទុកដាក់ដល់ការសិក្សារបស់កូនចៅ និងមិនបោះបង់ចោលការសិក្សា។ ចូលរួមយ៉ាងសកម្មក្នុងចលនាជំរុញការសិក្សារបស់ត្រកូលនិងមូលដ្ឋាន។ ជារៀងរាល់ឆ្នាំ គ្រួសារនីមួយៗនៃត្រកូល Ha បានបរិច្ចាគថវិកាចំនួន ៥០,០០០ ដុង ដល់មូលនិធិជំរុញការសិក្សារបស់ត្រកូល។ ប្រភពមូលនិធិនេះត្រូវបានប្រើប្រាស់ដើម្បីលើកសរសើរ លើកទឹកចិត្ដកូនចៅក្នុងត្រកូលសិក្សាបានល្អជាង។
បច្ចុប្បន្ន ត្រកូលនេះ មានមនុស្ស ១១ នាក់ជាកម្មាភិបាលរដ្ឋ និងមានកូន ២ នាក់ កំពុងសិក្សានៅសាកលវិទ្យាល័យ ហើយគ្មានកូនណាម្នាក់បោះបង់ចោលការសិក្សាឡើយ។ ឯនៅភូមិ Na Hieng គ្រួសាររបស់លោកស្រី Luong Thi Thieu គឺជាគ្រួសារគំរូសង្វាតរៀនសូត្រ។ ដោយមានការយកចិត្តទុកដាក់លើការសិក្សារបស់កូនតាំងពីដើមរហូតមកដល់ពេលនេះ កូនទាំងបួនរបស់លោកស្រីបានសិក្សានៅមហាវិទ្យាល័យ សកលវិទ្យាល័យ និងមានការងារធ្វើដ៏ស្ថិរភាព។ អ្នកស្រីរូបនេះ បានមានប្រសាសន៍ថា៖ «កំណត់ថា ទាល់តែខំប្រឹងសិក្សា ទើបយើងអាចមានចំណេះដឹងក្នុងការធ្វើការងារប្រកបដោយប្រសិទ្ធភាព ជាពិសេសការអនុវត្តន៍វិទ្យាសាស្ត្រ និងបច្ចេកទេសជឿនលឿនក្នុងការផលិត ការលុបបំបាត់ភាពអត់ឃ្លាន កាត់បន្ថយភាពក្រីក្រ និងការលះបង់សម្រាប់សហគមន៍ សង្គម ដូច្នេះកាលពីអតីតកាលមិនថា វាលំបាកប៉ុណ្ណា ប្តីខ្ញុំនិងខ្ញុំបង្កើតគ្រប់លក្ខខណ្ឌសម្រាប់កូនៗរៀនបានល្អ។ ពេលនេះកូនៗទទួលបានជោគជ័យ គ្រួសារខ្ញុំមានអារម្មណ៍សប្បាយរីករាយ និងមោទនភាពណាស់»។
ទោះបីជានៅតែមានការលំបាកជាច្រើនដូចជាកម្រិតអប់រំមិនស្មើគ្នាក៏ដោយ ក៏មនុស្សមួយផ្នែកពិតជាមិនចាប់អារម្មណ៍លើការលើកកម្ពស់ការអប់រំ និងទេពកោសល្យនោះទេ។ គុណភាពប្រតិបត្តិការរបស់សាខានៅភូមិមួយចំនួនមិនខ្ពស់ទេ។ មជ្ឈមណ្ឌលសិក្សាសហគមន៍ពិតជាមិនដំណើរការប្រកបដោយប្រសិទ្ធភាពទេ... ប៉ុន្តែដោយមានការចូលរួមពីគណៈកម្មាធិការបក្ស និងអាជ្ញាធរមូលដ្ឋាន នាពេលខាងមុខ ឃុំ Xuan Nha នឹងបន្តអនុវត្តដំណោះស្រាយជាច្រើនដែលសមស្របនឹងស្ថានភាពជាក់ស្តែង សេដ្ឋកិច្ចមូលដ្ឋាន ជំរុញចលនាសិក្សានិងការលើកកម្ពស់ទេពកោសល្យ យកចិត្តទុកដាក់លើការកែលម្អគុណវុឌ្ឍិខាងវិជ្ជាជីវៈសម្រាប់បុគ្គលិកជំរុញការសិក្សានៅមូលដ្ឋាន។ ទន្ទឹមនឹងនោះ ឃុំបានកសាង និងចម្លងគំរូសិក្សាល្អ។ ការរៀបចំកម្មវិធីប្រកួត ក្រោមប្រធានបទ "ពង្រឹងកុមារឱ្យសិក្សាបានល្អ" ទាក់ទាញសិស្សានុសិស្ស និងអ្នកអាណាព្យាបាលយ៉ាងច្រើនកុះករឱ្យចូលរួម ផ្សព្វផ្សាយស្មារតីសង្វាតរៀនសូត្រដល់គ្រួសារ...៕
មតិពីមិត្តអ្នកអាន