សហគមន៍ អេកូ ទេសចរណ៍ ត្រពាំងសង្កែ ឬក៏គេច្រើនហៅថា ត្រពាំងសង្កែ មានទីតាំងស្ថិតនៅ ភូមិត្រពាំងសង្កែ ឃុំត្រពាំងសង្កែ ស្រុកទឹកឈូ ខេត្តកំពត និងមានចម្ងាយប្រហែល ~7km ពីរង្វង់មូលធូរេន។
ព្រៃកោងកាងក្នុងសហគមន៍នេសាទត្រពាំងសង្កែ កំពុងអន្ទងចិត្តភ្ញៀវទេសចរដែលស្រលាញ់ធម្មជាតិ
ព្រៃកោងកាងក្នុងសហគមន៍នេសាទត្រពាំងសង្កែ កំពុងអន្ទងចិត្តភ្ញៀវទេសចរដែលស្រលាញ់ធម្មជាតិអាចទៅបន្ធូរអារម្មណ៍ ជាពិសេសថែមទាំងមានកម្មវិធី ដាំដើមកោងកាងដោយខ្លួនឯងថែមទៀតផង។ភូមិត្រពាំងសង្កែ ក្នុងខេត្តកំពត ជាដែនប្រជាសហគមន៍នេសាទ មានព្រៃកោងកាងដុះតាមដៃសមុទ្រជាច្រើនហិចតា ដោយបានប្រែក្លាយទៅជាសហគមមន៍ទេសចរណ៍ដ៏ទាក់ទាញមួយ ប្រចាំខេត្ត ដោយមានភ្ញៀវទេសចរទៅលេងកម្សាន្តមិនចេះដាច់ ទំាងថ្ងៃឈប់សម្រាក បុណ្យទាន និងថ្ងៃធម្មតា។
លោក សឹម ហ៊ីម ប្រធានសហគមន៍ទេសចរណ៍ត្រពាំងសង្កែ បានប្រាប់វិទ្យុជាតិកម្ពុជាឲ្យដឹងថា ភូមិត្រពាំងសង្កែបានវិវឌ្ឍពីភូមិនេសាទទៅជារមណីយដ្ឋានទេសចរ ដែលមានលក្ខណៈសមញ្ញសម្រាប់ភ្ញៀវ ត្រូវការកន្លែងបន្ធូរអារម្មណ៍ក្នុងបរិយាកាសធម្មជាតិ ជាមួយនឹងព្រៃកោងកាងដុះតាមដៃសមុទ្រមានខ្យល់អាកាសបរិសុទ្ធបក់ផាត់ពីដៃសមុទ្រ ជាពិសេសភ្ញៀវទេសចរអាចគយគន់ស្រែស្រូវច្បារដំណាំ និងស្រែអំបិលរបស់ពលរដ្ឋក្នុងមូលដ្ឋានផងដែរ។
ព្រៃកោងកាងក្នុងសហគមន៍នេសាទត្រពាំងសង្កែ កំពុងអន្ទងចិត្តភ្ញៀវទេសចរដែលស្រលាញ់ធម្មជាតិ
លោកបន្តថា សហគមន៍របស់លោកបានចាប់ផ្ដើមបើកឡើងវិញរយៈពេល៣ខែហើយ ដោយអនុវត្តតាមវិធានការណែនាំរបស់ក្រសួងសុខាភិបាល ដើម្បីអោយភ្ញៀវដែលមកកំសាន្ដមានអារម្មណ៍កក់ក្តៅ សប្បាយនឹងការផ្តិតយកទេសភាពដ៏ខៀវស្រងាត់ ហើយក្នុងពេលរាត្រី ភ្ញៀវទេសចរអាចគយគន់ទូកអ្នកនេសាទ ស្តាប់សំឡេងសត្វ ពិសេសមើលពន្លឺភ្លើងនៃហ្វូងអំពិលអំពែកផងដែរ។
សំឡេង៖ «ពេលចាប់ផ្ដើមបើកវិញភ្ញៀវកើនឡើងច្រើនជាងមុន ប៉ុន្តែភ្ញៀចុះវបរទេសថយ។ មុនមានកូវីដក្នុងមួយថ្ងៃសម្រាប់ថ្ងៃសៅរ៍-អាទិត្យប្រហែល ៤០០ ទៅ ៥០០ ក្នុងមួយថ្ងៃ។ ប៉ុន្តែមកដល់រាល់ថ្ងៃនេះសម្រាប់អាទិត្យមានដល់ ៩០០ ទៅ ១១០០។ ហើយក្រោយមកមុនកូវីតភ្ញៀវមកកំសាន្ដតែថ្ងៃសៅរ៍អាទិត្យទេពេលចាប់ផ្ដើមបិទរយៈពេល ៣ខែ។ តែពេលដែរសហគមន៍បើកវិញសូម្បីតែថ្ងៃចន្ទដល់ថ្ងៃសុក្រក៏មានភ្ញៀវមកដែរ ប៉ុន្ដែមិនច្រើនដូចថ្ងៃសៅរ៍ឬអាទិត្យទេ»។
ព្រៃកោងកាងក្នុងសហគមន៍នេសាទត្រពាំងសង្កែ កំពុងអន្ទងចិត្តភ្ញៀវទេសចរដែលស្រលាញ់ធម្មជាតិ
លោកប្រធានសហគមន៍បន្តថា សហគមន៍របស់លោកមិនត្រឹមតែជារមណីយដ្ឋានធម្មជាតិគួរជាទីទស្សនាប៉ុណ្ណោះទេ សហគមន៍ត្រពាំងសង្កែ គឺជាថ្នាលបណ្ដុះកូនកោងកាងរាប់ម៉ឺនដើម ទុកសម្រាប់ដាំដុះឡើងវិញ ដើម្បីធានាធនធានធម្មជាតិ ជីវៈចម្រុះ ធនធានជលផល និងចូលរួមកាត់បន្ថយការ ប្រែប្រួលអាកាសធាតុផងដែរ។ សូមបញ្ជាក់ថា សហគមន៍ទេសចរណ៍ត្រពាំងសង្កែមានទំហំផ្ទៃដីជាង៥៧ហិកតា ដែលគ្របដោយដណ្តប់ដោយព្រៃកោងកាងនិង មានចម្ងាយជាង ៧ គីឡូម៉ែត្រពីទីរួមខេត្តកំពត។
គួរជម្រាបថា សហគមន៍ អេកូ ទេសចរណ៍ ត្រពាំងសង្កែស្ថិតនៅក្នុងប្រភេទរមណីយដ្ឋាន ទេសចរណ៍កែច្នៃឬរមណីយដ្ឋានកែច្នៃ, កន្លែងញុំអីឬកញ្ចុះញុំអី, ទេសចរណ៍ធម្មជាតិ, កន្លែងស្នាក់នៅ និងអេកូទេសចរណ៍។ សម្រាប់ចំណុចសំខាន់ៗ ក៏ដូចជាភាពទាក់ទាញនៃរមណីយដ្ឋានសហគមន៍ អេកូ ទេសចរណ៍ ត្រពាំងសង្កែដែលអាចធ្វើអោយភ្ញៀវទេសចរមានចំណាំអារម្មណ៏នោះ មានដូចជា៖ ជិះទូក, គយគន់ថ្ងៃលិច, ទស្សនាព្រៃកោងកាង, ខ្យូសញុំអី, ស្ទូចត្រី, លេងទឹកឬហែលទឹក និងចំណុចផ្សេងៗទៀត។
ព្រៃកោងកាងក្នុងសហគមន៍នេសាទត្រពាំងសង្កែ កំពុងអន្ទងចិត្តភ្ញៀវទេសចរដែលស្រលាញ់ធម្មជាតិ
ត្រពាំងសង្កែមានលក្ខណៈអំណោយផលពីធម្មជាតិ ហើយប្រជាជនមូលដ្ឋាន បានបង្កើតសហគមន៍ត្រពាំងសង្កែនេះឡើងក្នុងគោលដៅអភិរក្សថែរក្សាធនធានសមុទ្រ និងរកចំណូលដើម្បីផ្គត់ផ្គង់ជីវិភាពផងដែរ។ ដោយសារតែសកម្មភាពយ៉ាងរស់រវើករបស់សហគមន៍ត្រពាំងសង្កែ ធ្វើអោយតំបន់នេះទៅជាតំបន់អេកូទេសចរណ៍ ដែលគួរជាទីចាប់អារម្មណ៍ទាំងភ្ញៀវជាតិ និងអន្តរជាតិ។
នៅទីនោះក៏មានកន្លែងសម្រាកដើម្បីបន្ធូរអារម្មណ៍, កន្លែងប្រជុំ, កន្លែងបណ្តុះដើមកោងកាង ដែលប្រកបដោយពណ៌បៃតងស្រស់បំព្រង។ អ្វីដែលសំខាន់ ដែលមិនអាចនឹងខកខានបាននោះគឺ ការធ្វើដំណើរតាមទូកជាមួយទេសភាពដ៏ល្អត្រកាលនៃព្រៃលិចទឹកនៅអមសងខាងផ្លូវ ដើម្បីបានទៅដល់តំបន់អេកូទេសចរណ៍ព្រៃកោងកាង នាឆ្នេរសមុទ្រ ហើយទីនោះគឺស្ថិតក្រោមការគ្រប់គ្រង ពីសំណាក់សហគមន៍ នេសាទត្រពាំងសង្កែ។
ព្រៃកោងកាងក្នុងសហគមន៍នេសាទត្រពាំងសង្កែ កំពុងអន្ទងចិត្តភ្ញៀវទេសចរដែលស្រលាញ់ធម្មជាតិ
សម្រាប់ការធ្វើដំណើរដើម្បីទៅដល់ទីតាំងនៃរមណីយដ្ឋានសហគមន៍ អេកូ ទេសចរណ៍ ត្រពាំងសង្កែ ភ្ញៀវទេសចរមានភាពងាយស្រួល ពីព្រោះមិនមានការធ្វើដំណើរថ្មើរជើង និងធ្វើដំណើរឆ្លងទឹក រឺក៏ជិះទូកឡើយ។ ចំពោះចំណតរថយន្តវិញ ភ្ញៀវទេសចរអាចធ្វើការចតដោយផ្ទាល់នៅរមណីយដ្ឋានបានថែមទៀតផង។
សម្រាប់កន្លែងអង្គុយលំហែរកាយវិញ រមណីយដ្ឋានសហគមន៍ អេកូ ទេសចរណ៍ ត្រពាំងសង្កែ គឺមានខ្យូសអង្គុយ រឺក៏តូបអង្គុយជាច្រើនសម្រាប់ភ្ញៀវទេសចរ ហើយក៏មានសេវាកម្មទទួលកម្មង់អាហារផ្ទាល់ពីទីនោះផងដែរ។ ក្រៅពីនេះ រមណីយដ្ឋានសហគមន៍ អេកូ ទេសចរណ៍ ត្រពាំងសង្កែមានកន្លែងកម្មង់អាហារ រឺកន្លែងលក់អាហារ ប៉ុន្តែសម្រាប់អាហារដ្ឋាន និងភោជនីយដ្ឋានពុំទាន់មាននៅឡើយទេ។ សម្រាប់កន្លែងស្នាក់នៅ រមណីយដ្ឋានសហគមន៍ អេកូ ទេសចរណ៍ ត្រពាំងសង្កែមានផ្ទះសំណាក់ ប៉ុន្តែសម្រាប់បឹងហ្គាឡូ និងសណ្ឋាគារពុំទាន់មាននៅឡើយទេ៕
（ប្រភពព័ត៌មាន: information.gov.kh）
មតិពីមិត្តអ្នកអាន