នាថ្ងៃទី ៣ ខែមេសា នៅទីស្នាក់ការកណ្តាលអង្គការសហប្រជាជាតិ នៅទីក្រុងហ្សឺណែវ (ស្វីស) ក្រុមប្រឹក្សាសិទ្ធិមនុស្សអង្គការសហប្រជាជាតិបានអនុម័តលើសេចក្តីសម្រេចចិត្តស្តីពីការរំលឹកខួបលើកទី ៧៥ នៃសេចក្តីប្រកាសអន្តរជាតិស្តីពីសិទ្ធិមនុស្ស (UDHR) និង ៣០ ឆ្នាំនៃសេចក្តីថ្លែងការណ៍និងកម្មវិធីសកម្មភាពទីក្រុងវីយ៉ែន (VDPA) ដែលវៀតណាមបានពង្រៀងនិងស្នើឡើង។
 ឈូងសមុទ្រ Ha Long និង Mu Cang Chai (វៀតណាម) ស្ថិតក្នុងចំណោមគោលដៅចម្រុះពណ៌បំផុតរបស់ពិភពលោក |
 ចំណងសាមគ្គីភាពនិងមិត្តភាពរវាងវៀតណាមនិងកម្ពុជាកាន់តែរឹងមាំយូរអង្វែង |
 |
| ឧបនាយករដ្ឋមន្ត្រីវៀតណាម លោក Tran Luu Quang ចូលរួមសម័យប្រជុំលើកទី ៥២ នៃក្រុមប្រឹក្សាសិទ្ធិមនុស្ស ។ |
ក្នុងកិច្ចប្រជុំកំពូលបើកសម័យប្រជុំលើកទី៥២ នៃក្រុមប្រឹក្សាសិទ្ធិមនុស្ស នៅទីក្រុងហ្សឺណែវ កាលពីថ្ងៃទី ២៧ ខែកុម្ភៈ ឧបនាយករដ្ឋមន្ត្រីវៀតណាម លោក Tran Luu Quang បានលើកគំនិតផ្ដួចផ្ដើម អំពីការរំលឹកខួបលើកទី ៧៥ នៃសេចក្តីប្រកាសនិង៣០ឆ្នាំនៃសេចក្តីថ្លែងការណ៍ខាងលើ ដោយឯកសារមួយរបស់ក្រុមប្រឹក្សាសិទ្ធិមនុស្ស សំដៅអះអាងឡើងវិញនិងពង្រឹងកិច្ចខិតខំប្រឹងប្រែងក៏ដូចជាសកម្មភាពឆ្ពោះទៅរកគោលដៅនិងគោលតម្លៃធំៗប្រកបដោយបរិយាប័ន្នរបស់ឯកសារទាំងពីរនោះ និងការសន្យារួមរបស់សហគមន៍អន្តរជាតិស្តីពីសិទ្ធិមនុស្សសម្រាប់មនុស្សគ្រប់រូប។ សេចក្តីសម្រេចចិត្តនេះគឺជាសញ្ញាសម្គាល់មួយរបស់វៀតណាមនៅសម័យប្រជុំលើកដំបូងក្នុងនាមជាសមាជិកក្រុមប្រឹក្សាសិទ្ធិមនុស្ស អាណត្តិ ២០២៣-២០២៥ ដែលបង្ហាញពីការរួមចំណែកជាក់ស្តែង និងទំនួលខុសត្រូវរបស់វៀតណាមក្នុងការងាររបស់ក្រុមប្រឹក្សាសិទ្ធិមនុស្ស។ ស្ថានបេសកកម្មវៀតណាមប្រចាំនៅទីក្រុងហ្សឺណែវបានអនុវត្តដោយផ្ទាល់នូវការព្រាង ពិគ្រោះយោបល់ និងចរចាលើសេចក្តីព្រាងសេចក្តីសម្រេចចិត្ត។ ក្រុមប្រឹក្សាសិទ្ធិមនុស្សបានឯកភាពអនុម័តលើសេចក្តីសម្រេចចិត្តនេះ ដោយមានការគាំពាររបស់ប្រទេសជិត១០០ រួមទាំងប្រទេសអ្នកនិពន្ធចំនួន១៤(វៀតណាម អូទ្រីស បង់ក្លាដែស បែលហ្ស៊ិក បូឡូវី ប្រេស៊ីលឈីលី កូស្តារីកា ហ្វីជី ឥណ្ឌា ប៉ាណាម៉ា រូម៉ានី អាហ្វ្រិកខាងត្បូង និងអេស្ប៉ាញ)។
សេចក្តីសម្រេចចិត្តនេះ នឹងជួយពង្រឹងថែមទៀតនូវកិច្ចខិតខំប្រឹងប្រែង និងសកម្មភាពរបស់ប្រទេសនិងសហគមន៍អន្តរជាតិ ក្នុងការអនុវត្តគោលដៅនិងការប្តេជ្ញាធ្វើសកម្មភាព ដែលបានដាក់ចេញនៅក្នុងឯកសារទាំងពីរខាងលើ រួមចំណែកលើកកម្ពស់តួនាទីរបស់ក្រុមប្រឹក្សាសិទ្ធិមនុស្សអង្គការសហប្រជាជាតិ៕
មតិពីមិត្តអ្នកអាន