ក្រសួងការពារជាតិវៀតណាម និងកម្ពុជា ពង្រឹងកិច្ចសហប្រតិបត្តិការលើគ្រប់វិស័យ និងទូលំទូលាយ

ក្រសួងការពារជាតិវៀតណាម កម្ពុជា ផ្តល់គោដល់ជនក្រីក្រ

កម្ពុជា-រុស្ស៉ី ពង្រឹងកិច្ចសហប្រតិបត្តិការលើគ្រប់វិស័យ

ទិដ្ឋភាពនៃកិច្ចពិភាក្សា

ក្នុងជំនួបនេះ លោកនាយឧត្តមសេនីយ៍ Phan Van Giang និង​សម្តេចពិជ័យសេនា ទៀ បាញ់ បានឯកភាពថា ឆ្នាំ២០២២ គឺជាឆ្នាំមានអត្ថន័យពិសេសសម្រាប់ទំនាក់ទំនងរវាងប្រទេសទាំងពីរ ដែលថ្នាក់ដឹកនាំជាន់ខ្ពស់នៃប្រទេសទាំងពីរបានកំណត់ថាជាឆ្នាំមិត្តភាពវៀតណាម-កម្ពុជា កម្ពុជា-វៀតណាម។ ដោយមានសកម្មភាពជិត ៣០ ដែលមានអត្ថន័យជានិមិត្តរូប ត្រូវបានដាក់ពង្រាយដោយក្រសួងការពារជាតិទាំងពីរ ដូចជា ការផ្លាស់ប្តូរមិត្តភាពការពារជាតិព្រំដែនវៀតណាម-កម្ពុជា លើកដំបូង (ខែឧសភា ឆ្នាំ២០២២), អបអរសាទរ ខួបលើកទី៤៥ ទិវានៃការចងចាំដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុល ពត របស់សម្តេចតេជោ ហ៊ុន សែន (ខែមិថុនា ឆ្នាំ២០២២), កិច្ចប្រជុំប្រចាំឆ្នាំរវាងរដ្ឋមន្ត្រីការពារជាតិនៃប្រទេសទាំងបី វៀតណាម ឡាវ កម្ពុជា និងសមយុទ្ធជួយសង្គ្រោះរួមគ្នាលើកដំបូងរវាងកងទ័ពនៃប្រទេសទាំងបីនៅប្រទេសឡាវ (ខែកញ្ញា ឆ្នាំ២០២២)។ ក្នុងរយៈពេលកន្លងមក ស្ថាប័ន អង្គភាពនានា នៃភាគីទាំងពីរបានរក្សាបានល្អនូវការផ្លាស់ប្តូរព័ត៌មាន និងស្ថានភាព រក្សាស្ថិរភាព សន្តិសុខ និងសណ្តាប់ធ្នាប់នៅតាមខ្សែបន្ទាត់ព្រំដែនគោក និងសមុទ្រ អនុវត្តខ្លឹមសារនៃកិច្ចសហប្រតិបត្តិការឆ្នាំ២០២២ ប្រកបដោយប្រសិទ្ធភាព។

លោកនាយឧត្តមសេនីយ៍ Phan Van Giang និងសម្តេចពិជ័យសេនា ទៀ បាញ់ បានចុះហត្ថលេខាលើផែនការសហប្រតិបត្តិការឆ្នាំ២០២៣

អំពីទិសដៅនៃកិច្ចសហប្រតិបត្តិការនាពេលខាងមុខ លោកនាយឧត្តមសេនីយ៍ Phan Van Giang និងសម្តេចពិជ័យសេនា ទៀ បាញ់ បានឯកភាពលើខ្លឹមសារនៃផែនការសហប្រតិបត្តិការលើវិស័យការពារជាតិឆ្នាំ២០២៣ ក្នុងស្មារតីជឿជាក់ ជាក់ស្តែង មានប្រសិទ្ធភាព ដោយសង្កត់ធ្ងន់លើចំណុចសំខាន់មួយចំនួន៖ ពង្រឹងកិច្ចសហប្រតិបត្តិការក្នុង​ការ​ផ្លាស់ប្តូរព័ត៌មាន និងស្ថានភាព បន្តសហការក្នុងការយាមល្បាត ត្រួតពិនិត្យ និងរក្សាសន្តិសុខសណ្តាប់ធ្នាប់នៅព្រំដែនគោក និងនៅលើ​សមុទ្រ។ សហការយ៉ាងជិតស្និទ្ធ និងរៀបចំផែនការឃោសនារយៈពេលវែងស្តីពីចំណងសាមគ្គីភាព និងការជួយគ្នាទៅវិញទៅមក រវាងរដ្ឋាភិបាល ប្រជាជន និងកងទ័ពនៃប្រទេសទាំងពីរ ជាពិសេសក្នុងឱកាសរំលឹកខួបអនុស្សាវរីយ៍សំខាន់ៗ ដូចជា ខួបលើកទី ៧០ ឆ្នាំ នៃការបង្កើតកងយោធពលខេមរភូមិន្ទនៅឆ្នាំ២០២៣, ខួបលើកទី ៨០ ឆ្នាំ នៃការបង្កើតកងទ័ពប្រជាជនវៀតណាមនៅឆ្នាំ២០២៤; សម្របសម្រួលក្នុងការអនុវត្តប្រកបដោយប្រសិទ្ធភាពនូវសកម្មភាពកិច្ចសហប្រតិបត្តិការលើខ្លឹមសារពាក់ព័ន្ធក្នុងឆ្នាំដែលកម្ពុជាធ្វើជាម្ចាស់ផ្ទះស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២។ បន្តផ្តោតលើកិច្ចសហប្រតិបត្តិការលើវិស័យបណ្តុះបណ្តាលធនធានមនុស្ស សម្របសម្រួលក្នុង​ការស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលបានពលីជីវិតនៅកម្ពុជាក្នុងសម័យសង្គ្រាម។

លោកនាយឧត្តមសេនីយ៍ Phan Van Giang និងសម្តេចពិជ័យសេនា ទៀ បាញ់ បានធ្វើជាសាក្សីក្នុងពិធីចុះហត្ថលេខាលើអនុស្សារណៈយោគយល់គ្នារវាងក្រសួងការពារប្រទេស​វៀតណាម និង​ក្រសួងការពារ​ជាតិ​កម្ពុជា ស្តីពីកិច្ចសហប្រតិបត្តិការលើវិស័យច្បាប់យោធាការពារជាតិ

នៅចុងបញ្ចប់នៃកិច្ចពិភាក្សា លោកនាយឧត្តមសេនីយ៍ Phan Van Giang និងសម្តេចពិជ័យសេនា ទៀ បាញ់ បានចុះហត្ថលេខាលើផែនការសហប្រតិបត្តិការឆ្នាំ២០២៣ និងធ្វើជាសាក្សីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងការពារប្រទេសនៃសាធារណៈរដ្ឋសង្គមនិយមវៀតណាម និងក្រសួងការពារជាតិនៃព្រះរាជាណាចក្រកម្ពុជាស្តីពី​កិច្ចសហប្រតិបត្តិការលើវិស័យច្បាប់យោធាការពារជាតិ៕

យោងតាមកាសែតកងទ័ពប្រជាជន