យុគសម័យ - សាប៉ា (Sapa) និងនីញប៊ីញ (Ninh Binh) របស់វៀតណាមស្ថិតក្នុងចំណោមគោលដៅ ទេសចរណ៍ទាំង ១៤ ដែលត្រូវស្វែងរកនៅទ្វីបអាស៊ីដោយគេហទំព័រ TripstoDiscover ។
ទេសភាពនៃវាលស្រែនៅជម្រាលភ្នំនៅ Sapa
គេហទំព័រទេសចរណ៍របស់អាមេរិក TripstoDiscover កាលពីដើមខែកក្កដានេះបាន ចុះផ្សាយអត្ថបទ មួយដែលវាយតម្លៃចំពោះគោលទេសចរណ៍ដ៏ទាក់ទាញបំផុតចំនួន ១៤ កន្លែងនៅអាស៊ី ដែលត្រូវស្វែងរក ក្រៅពីទិសដៅទេសចរណ៍ល្បីៗ ដូចជាទីក្រុងតូក្យូ (ជប៉ុន) បាងកក (ថៃ) និងបាលី (ឥណ្ឌូនេស៊ី) ។
ទេសភាពនៃវាលស្រែនៅជម្រាលភ្នំនៅ Sapa
យោងតាមគេហទំព័រ TripstoDiscover បានអោយដឹងថា Sapa គឺជាគោលដៅទេសចរណ៍ដ៏ស្រស់ស្អាត បំផុតមួយនៅប្រទេសវៀតណាម។ ទំព័រនេះពិពណ៌នាដែលមានទីតាំងនៅភាគខាងជើងនៃប្រទេស វៀតណាមសាប៉ា ដែលព័ទ្ធជុំវិញដោយទេសភាពគួរឱ្យចាប់អារម្មណ៍ជាមួយនឹងវាលស្រែជម្រាលភ្នំ ដ៏ល្បីៗ លើពិភពលោក។ TripstoDiscover បានវាយតម្លៃថា សាប៉ាគឺជាកន្លែងដ៏ល្អសម្រាប់អ្នកដែលចូលចិត្ត ទទួលយកបទពិសោធន៍នៃការដើរកំសាន្ត (Trekking) ឬជិះកង់ឡើងលើភ្នំ។ រាល់ពេលដែលអ្នកទៅភូមិ នានានៅសាប៉ា អ្នកអាចដឹងពីរបៀបធ្វើផលិតផលពីវាយនភណ្ឌប្រពៃណីទៅវត្ថុសិប្បកម្ម ហើយទិញវាជាកាដូទុកអនុស្សាវរីយ៍ផងដែរ។
វត្ត Bai Dinh
កន្លែងទី ២ នៅវៀតណាមត្រូវបានជ្រើសរើសដោយ TripstoDiscover ក្នុងបញ្ជីគោលដៅទេសចរណ៍ ដ៏ទាក់ទាញបំបផុតដើម្បីស្វែងរកនៅអាស៊ីគឺខេត្តនីញប៊ិញ។ TripstoDiscover បានសរសើរថាទេសភាព នៅខេត្តនេះប្រៀបដូចជាផ្ទាំងគំនូរដ៏ស្រស់ស្អាតប៉ុន្តែនៅតែមិនស្គាល់ជាងឈូងសមុទ្រ Ha Long ។ ដោយមានទីតាំងស្ថិតនៅភាគអាគ្នេយ៍ទីក្រុងហាណូយ ខេត្តនីញប៊ីញមានផ្ទាំងថ្មកំបោរជាដុំៗរាប់រយ ដែលគ្របដណ្ដប់ដោយស្មៅនិងដើមឈើពណ៌បៃតង។ នៅកណ្តាលជួរភ្នំថ្មកំបោរគឺជាទន្លេដែល ព័ទ្ធជុំវិញផងដែរ។
ទេសភាពនៅរមានីយដ្ឋាន Trang An
TripstoDiscover បាន ណែនាំអំពីសកម្មភាពមួយចំនួន នៅខេត្តនិញប៊ិញដូចជា ការទស្សនារូងភ្នំនៅលើភ្នំថ្មកំបោរតាមទូកនៅត្រាងអាន (Trang An) ទស្សនាវត្តអារាមដ៏ស្អាតៗ ជាច្រើន ដូចជាបៃឌិញ (Bai Dinh) និងប៊ីកដុង (Bich Dong) ដែលវត្តបៃឌិញជាវត្តព្រះពុទ្ធសាសនាដ៏ធំជាងគេ នៅតំបន់អាស៊ានផងដែរ៕
（បកប្រែដោយ ហេង វុធ្ធី）
（ប្រភពព័ត៌មាន: tapchithongtindoingoai.vn）
មតិពីមិត្តអ្នកអាន