អញ្ជើញមកទីក្រុង Da Lat ដើម្បីទទួលបទពិសោធន៍ទេសចរណ៍កសិកម្ម

ផ្កាសាគូរ៉ាតាមរដូវកាលនៅ Da Lat និងជាស៊េរីនៃគោលដៅទេសចរណ៍គួរតែថតរូប

ជើងហោះហើរត្រង់ពីទីក្រុង Da Lat - រដ្ឋធានី Seoul, ទីក្រុង Can Tho - រដ្ឋធានី Seoul ចាប់ពីថ្ងៃនេះជាមួយក្រុមហ៊ុនអាកាសចរណ៍ Vietjet

ភាពទាក់ទាញ​ថ្មី

ពេលត្រឡប់មកទីក្រុង Da Lat ដើម្បីទេសចរ​ជាមួយក្រុមគ្រួសារ លោកស្រី Dang Kim Thuy (រស់នៅខេត្ត Quang Tri) បានទៅលេងចម្ការដាំបន្លែ និងផ្កានៅភូមិ Van Thanh (សង្កាត់ទី៥ ទីក្រុង Da Lat)។ លោកស្រី Thuy បាននិយាយថា៖ “អាកាសធាតុ នៅទីក្រុង Da Lat ស័ក្តិសមសម្រាប់ការដាំផ្កាជាច្រើនប្រភេទ ប៉ុន្តែវិធីដែលប្រជាជនធ្វើទេសចរណ៍នៅចំការ ដែលធ្វើឱ្យយើងរំភើបចិត្តយ៉ាងខ្លាំងណាស់។ ផ្កា​ត្រូវ​បាន​គេ​ដាំ​នៅ​តាម​តំបន់​នីមួយ​ៗ ទោះ​បី​មាន​ច្រើន​ក៏​មើល​ឃើញ​ស្អាត​ណាស់។ កសិដ្ឋានដាំបន្លែ និងផ្កានៅភូមិផ្កា Van Thanh ជាកសិដ្ឋានដាំបន្លែលើទឹក​ដ៏ទំនើប កាលពីប៉ុន្មានឆ្នាំមុន ប៉ុន្តែដោយមើលឃើញពីការកើនឡើងនៃតម្រូវការសម្រាប់អ្នកទស្សនា កសិដ្ឋាននេះបានប្តូរទៅជាគំរូទេសចរណ៍តាមសួនចំការ។

ភ្ញៀវ​ទេសចរ​ទៅ​ទស្សនា​ចម្ការ​ដាំបន្លែ និង​ផ្កា​នៅ​ភូមិ​ផ្កា Van Thanh សង្កាត់​ទី​៥ ទីក្រុង Da Lat

លោក Nguyen Van Duong នាយកក្រុមហ៊ុនទទួលខុសត្រូវ​មាន​កំរិតដាំបន្លែ​លើទឹក Da Lat (ម្ចាស់កសិដ្ឋាន) បានមានប្រសាសន៍ថា៖ “កាលពីឆ្នាំមុន ភ្ញៀវទេសចរមកចម្ការបន្លែ និងផ្កាគ្រាន់តែមកទស្សនាផ្កា ទិញផលិតផល ប៉ុន្តែឆ្នាំនេះភ្ញៀវទេសចរណ៍ អាចទទួលបានបទពិសោធន៍ពីការដាំបន្លែ និងផ្កាជាមួយកសិករក្នុងបរិវេណជិត ៦ ហិកតា។ ជាពិសេស ចំការផ្កាត្រូវបានបិទជិត​គ្នា មានដំបូល ដូច្នេះភ្ញៀវអាចចូលទស្សនាបាន ទោះ​បីមានពន្លឺថ្ងៃ ឬភ្លៀងនោះទេ... លើសពីនេះ ពួកយើងបានសាងសង់ប្រព័ន្ធផ្លូវដើរ ផ្លាកសញ្ញា ចំណតរថយន្ត និងបង្គន់អនាម័យ ដើម្បីបង្កើតភាពងាយស្រួលបំផុតសម្រាប់ភ្ញៀវ”។

មិនត្រឹមតែផ្តោតលើការដាំបន្លែ និងផ្កា ដើម្បីបំពេញតម្រូវការនៃការទស្សនា និងថតរូបប៉ុណ្ណោះទេ កន្លែង​ទេសចរ Da Lat ក៏នាំយកសត្វ និងសត្វចិញ្ចឹម ដើម្បីបង្កើនភាពទាក់ទាញដល់ភ្ញៀវទេសចរណ៍ផងដែរ ដូចជា​កសិដ្ឋាន Puppy Farm (សង្កាត់ ទី ៧ ទីក្រុង Da Lat ) ទទួលភ្ញៀវរាប់រយនាក់ជារៀងរាល់ថ្ងៃ។

នៅចុងសប្តាហ៍ វិស្សមកាល និងបុណ្យចូលឆ្នាំថ្មី ចំនួនអ្នកទស្សនាកើនឡើងច្រើនដង ដោយសារការទាក់ទាញ​មកពីសត្វឆ្កែដ៏ទន់ភ្លន់ និងគួរឲ្យស្រលាញ់។ លើសពីនេះ ទីតាំងជាច្រើនទៀតដូចជា៖ កាហ្វេ Me Linh - Da Lat (ឃុំ Ta Nung) Moc Tra Farm (ឃុំ Xuan Truong) សួន​ចំការ​ដាំ ផ្លែស្ត្របឺរី (សង្កាត់ ៧) សួន​ចំការ​ដាំ​ផ្កាកុលាប Le Van (សង្កាត់ ១០ ទីក្រុង Da Lat)… ក៏បានបង្កើតភាពទាក់ទាញជាមួយនឹងផលិតផលធម្មតា។

ឱកាសអភិវឌ្ឍន៍ទេសចរណ៍កាន់តែច្រើន

យោងតាមមន្ទីរវប្បធម៌ កីឡា និងទេសចរណ៍ខេត្ត Lam Dong មកទល់ពេលនេះ អង្គភាពចំនួន ៥ បានស្នើអនុវត្តគម្រោងវិនិយោគទេសចរណ៍កសិកម្ម ក្នុងនោះមាន៖ គម្រោងផលិតកសិកម្មដោយប្រើប្រាស់បច្ចេកវិទ្យាខ្ពស់ រួមជាមួយនឹងវិស័យទេសចរណ៍កសិកម្ម Thao Nguyen; Anpha Farm គម្រោង​ផលិតកសិកម្ម​ដោយ​ប្រើប្រាស់បច្ចេកវិទ្យាខ្ពស់រួមផ្សំទេសចរណ៍កសិកម្ម An Nhien; គម្រោងគោលដៅទេសចរណ៍កសិកម្ម ១០០០; និងគម្រោងវិនិយោគទេសចរណ៍កសិកម្ម Malakai (នៅទីក្រុង Da Lat)។

ទេសចរណ៍​កសិកម្ម​បម្រើ​ភ្ញៀវ​ទេសចរ​ដោយ​ឈរ​លើ​មូលដ្ឋាន​នៃ​សកម្មភាព​ផលិតកសិកម្ម។ សហគ្រាសផលិតកសិផលដែលចង់ទៅតាមទិសដៅនេះ បច្ចុប្បន្នកំពុងជួបការលំបាកក្នុងការប្រែប្រួលគោលបំណងប្រើប្រាស់ដី ដើម្បីសាងសង់សំណង់ដូចជា ចំណតរថយន្ត ផ្ទះដាក់តាំងផលិតផល បង្គន់អនាម័យសម្រាប់ភ្ញៀវទេសចរ។ ម៉្យាងទៀត សកម្មភាពសំខាន់គឺ​ផលិតសិកម្ម ដូច្នេះ​ការ​រួមផ្សំរវាងទេសចរណ៍នៅតែមិនមានជំនាញ ជាពិសេសខ្វះធនធានមនុស្សសម្រាប់សេវាកម្ម មគ្គុទ្ទេសក៍ជាដើម។

យោងតាមអនុប្រធានគណៈកម្មាធិការប្រជាជនខេត្ត Lam Dong លោក Pham S បច្ចុប្បន្នគំរូទេសចរណ៍កសិកម្មបានបញ្ជាក់ពីទិសដៅសមស្រប និងនាំមកនូវផលប្រយោជន៍សេដ្ឋកិច្ច និងសង្គមជាច្រើន ជួយលើកកំពស់តម្លៃរួមនៃឧស្សាហកម្មទេសចរណ៍ទាំងមូលក្នុងវិស័យកសិកម្ម។ ខេត្តនឹងរួមដំណើរជាមួយសហករណ៍ និងសហគ្រាស ដើម្បីគាំទ្រការកសាងគោលដៅទេសចរណ៍កសិកម្មប្រកបដោយគុណភាព ត្រៀមដោះស្រាយការលំបាក ដោយឈរលើការគោរពច្បាប់៕

ឌីណា