យុគសម័យ - វាលស្រែស្រូវកាំជណ្តើរនៅក្នុងឃុំ Hong Thai នាំមកនូវភាពស្រស់ស្អាត ប្លែក និងគួរឲ្យចាប់អារម្មណ៍ដល់ភ្ញៀវទេសចរដែលស្រឡាញ់ធម្មជាតិពិតៗ។
នៅចុងរដូវស្លឹកឈើជ្រុះ និងដើមរដូវរងា ឆ្លងកាត់វាលស្រែស្រូវកាំជណ្តើរក្នុងឃុំ Hong Thai (ស្រុក Na Hang ខេត្ត Tuyen Quang) ភ្ញៀវទេសចរណ៍កំពុងសរសើរឥតឈប់ឈរចំពោះវាលស្រែស្រូវដែលកំពុងផ្លាស់ប្តូរបន្តិចម្តងៗ ពីពណ៌បៃតងស្រស់ទៅជាពណ៌លឿងភ្លឺ ពពកពណ៌សអណ្តែតដែលជួនកាលលាក់ខ្លួន ជួនកាលលេចចេញរវាងស្ថានសួគ៌ និងផែនដី ផ្តល់ឱ្យនូវទេសភាពធម្មជាតិដ៏ស្ងប់ស្ងាត់ និងសុខសាន្តនៅទីនេះ។ នោះគឺជាភាពស្រស់ស្អាត ប្លែក និងគួរឱ្យចាប់អារម្មណ៍។
ស្ថិតនៅជាប់នឹងភ្នំ និងព្រៃ វាលស្រែស្រូវកាំជណ្តើរដែលបង្កើតទេសភាពធម្មជាតិដ៏ស្រស់ត្រកាលនៃឃុំ Hong Thai ។ ផ្ទាំងគំនូរលើតំបន់ភ្នំនោះ ហាក់ដូចជាទាក់ទាញភ្ញៀវទេសចរ និងស្វាគមន៍ព្រលឹងទាំងអស់ដែលស្រឡាញ់ភាពស្រស់ស្អាតមកទស្សនា។
 |
| វាលស្រែស្រូវកាំជណ្តើរ ស្ថិតនៅចង្កេះភ្នំ ជួនកាលតភ្ជាប់ពីកំពូលភ្នំទៅនឹងទឹកជ្រោះដែលមានកម្ពស់១០០ម៉ែត្រ ។ វាលស្រែស្រូវកាំជណ្តើរនៅទីនេះត្រូវបានចាត់ទុកថាជា "ស្នាដៃច្នៃប្រឌិតដ៏អស្ចារ្យ" របស់ប្រជាជន Dao Tien ។ |
 |
| នៅពាក់កណ្តាលខែតុលា វាលស្រែស្រូវនៅឃុំ Hong Thai ក្នុងពេលដំណាលគ្នាប្រែទៅជាពណ៌លឿងភ្លឺ។ រលកពណ៌ខៀវ និងលឿងដែលបោកបក់នៅសងខាងភ្នំដែលបានទាក់ទាញភ្ញៀវទេសចរពីជិតឬឆ្ងាយ។ |
 |
| វាលស្រែស្រូវកាំជណ្តើរ នៅឃុំ Hong Thai គឺជាគោលដៅដ៏ទាក់ទាញមួយ ដែលអ្នកទេសចរអាចរីករាយនឹងភាពស្រស់ស្អាតនៃទេសភាពដ៏គួរឱ្យទាក់ទាញ ការផ្លាស់ប្តូរនិងបទពិសោធន៍ពីវប្បធម៌ និងជីវិតរបស់ប្រជាជនរស់នៅតំបន់ភ្នំខ្ពស់។ |
 |
| ឈរពីលើ សម្លឹងចុះមកក្រោម ភ្ញៀវទេសចរអាចគយគន់ទេសភាពវាលស្រែស្រូវកាំជណ្តើរដ៏ធំទូលាយលាតសន្ធឹងតាមដែលភ្នែកអាចមើលឃើញ។ |
 |
| វាលស្រែស្រូវកាំជណ្តើរជាស្រទាប់ៗ លាតសន្ធឹងពេញកូនភ្នំ ពីជើងទៅកំពូល តភ្ជាប់ពីភ្នំមួយទៅភ្នំ ដែលបង្កើតបានជាភាពស្រស់ស្អាតដ៏អស្ចារ្យ ដូចឋានសួគ៌លាក់ខ្លួនក្នុងពពក។ |
ឌីណា
ពិធីបុណ្យស្វែងយល់ពីរមណីយដ្ឋានជាតិ ជាពិសេសវាលស្រែកាំជណ្តើររបស់ស្រុក Mu Cang Chai
ស្វែងយល់នូវភាពស្រស់ស្អាតនៃ Lung Van ខេត្ត Hoa Binh
មតិពីមិត្តអ្នកអាន