អាជីវកម្មជាង ១០០ បានចូលរួមសិក្ខាសាលាជំរុញការវិនិយោគទីផ្សារអូស្ត្រាលីនៅខេត្ត Binh Dinh

ការរក្សាភាពស្រស់ស្អាតនៃវប្បធម៌ប្រពៃណីរបស់ជនជាតិភាគតិចនៅខេត្ត Binh Dinh (វៀតណាម)

លង់នឹងសម្រស់ Binh Dinh ជាមួយនឹងទិដ្ឋភាពមមើលពីលើ

អាជីវកម្មជាង ១០០ បានចូលរួមសិក្ខាសាលាជំរុញការវិនិយោគទីផ្សារអូស្ត្រាលីនៅខេត្ត Binh Dinh

សិក្ខាសាលាស្ដីពីការជំរុញការវិនិយោគទីផ្សារអូស្ត្រាលីនៅខេត្ត Binh Dinh បានប្រព្រឹត្តទៅនៅចំនុចស្ពានចំនួន៣៖ ចំណុចស្ពាននៅគណៈកម្មាធិការប្រជាជនខេត្ត Binh Dinh ដឹកនាំដោយប្រធានគណៈកម្មាធិការប្រជាជនខេត្ត Pham Anh Tuan; ចំណុចស្ពាននៅរដ្ឋធានីហាណូយ ធ្វើជាម្ចាស់ផ្ទះដោយឯកអគ្គរដ្ឋទូតអូស្ត្រាលីប្រចាំនៅវៀតណាម Andrew Goledzinowski និងចំណុចស្ពាននៅទីក្រុង Brisbane រដ្ឋ Queensland ប្រទេសអូស្ត្រាលី ដឹកនាំដោយឯកអគ្គរដ្ឋទូតវៀតណាមប្រចាំនៅអូស្ត្រាលី លោក Nguyen Tat Thanh និងបានចូលរួមសិក្ខាសាលាមានតំណាងធុរកិច្ចអូស្ត្រាលីជាង ១០០។

អញ្ជើញថ្លែងមតិក្នុងសិក្ខាសាលានេះ ឯកអគ្គរដ្ឋទូតវៀតណាមប្រចាំនៅអូស្ត្រាលី លោក Nguyen Tat Thanh និងឯកអគ្គរដ្ឋទូតអូស្ត្រាលីប្រចាំនៅវៀតណាម Andrew Goledzinowski បានវាយតំលៃខ្ពស់ចំពោះសក្ដានុពល និងភាពខ្លាំងរបស់ខេត្ត ក៏ដូចជាការប្តេជ្ញាចិត្តរបស់ថ្នាក់ដឹកនាំខេត្តក្នុងការបង្កើតបរិយាកាសវិនិយោគដ៏រឹងមាំសម្រាប់អាជីវកម្ម និងអ្នកវិនិយោគអូស្ត្រាលីដើម្បី វិនិយោគនៅ Binh Dinh។ ឯកអគ្គរដ្ឋទូតទាំងពីរបានប្តេជ្ញាចិត្តគាំទ្រការផ្សព្វផ្សាយ ការណែនាំ និងជាស្ពានសម្រាប់ធុរកិច្ចអូស្ត្រាលីមកស្វែងយល់អំពីការវិនិយោគ ផលិតកម្ម និងអាជីវកម្មនៅ Binh Dinh។ នេះជាសកម្មភាពជាក់ស្តែងឆ្ពោះទៅរំលឹកខួបលើកទី ៥០ នៃការបង្កើតទំនាក់ទំនងការទូតរវាងវៀតណាម និងអូស្ត្រាលីឆ្នាំ ២០២៣។

នៅក្នុងសិក្ខាសាលា តំណាងប្រទេសអូស្ត្រាលីបានចែករំលែកអំពីការអភិវឌ្ឍន៍ខ្សែសង្វាក់ផ្គត់ផ្គង់ក្នុងផលិតកម្ម និងកិច្ចសហប្រតិបត្តិការជាមួយវៀតណាម; បទបង្ហាញស្តីពីការបង្កើតខ្សែសង្វាក់ផ្គត់ផ្គង់ផ្សារភ្ជាប់ជាមួយវៀតណាម។ ជាមួយគ្នានេះ ណែនាំអំពីវិជ្ជាជីវៈ និងវិស័យនៃធុរកិច្ចអូស្ត្រាលី ដែលអាចជំរុញការវិនិយោគបានយ៉ាងឆាប់រហ័សនៅក្នុងខេត្ត ដូចជាការអប់រំ និងបណ្តុះបណ្តាល ថាមពល ទេសចរណ៍ សេដ្ឋកិច្ចឌីជីថល ពាណិជ្ជកម្មសេវាកម្ម។ល។

ឌឹកអាញ់