វៀតណាម និងសហរដ្ឋអាមេរិក ជំរុញទំនាក់ទំនងភាពជាដៃគូគ្រប់ជ្រុងជ្រោយ ប្រកបដោយស៊ីជម្រៅ និងមានប្រសិទ្ធភាព

ជួយប្រជាជនយ៉ាងជាក់ស្តែង និងមានប្រសិទ្ធភាព

ពង្រឹងទំនាក់ទំនងកិច្ចសហប្រតិបត្តិការវៀតណាម-អូទ្រីសឱ្យកាន់តែជាក់ស្តែង និងមានប្រសិទ្ធភាព នាពេលខាងមុខ

លោក Ha Kim Ngoc អនុរដ្ឋមន្ត្រីក្រសួងការបរទេសវៀតណាម ទទួលជួបលោកស្រី Bonnie D.Jenkins អនុរដ្ឋមន្ត្រីការបរទេសអាមេរិកទទួលបន្ទុកការគ្រប់គ្រងអាវុធ និងសន្តិសុខអន្តរជាតិ (រូបថត៖ vnanet.vn)

នៅក្នុងជំនួបនេះ លោក Ha Kim Ngoc អនុរដ្ឋមន្ត្រីក្រសួងការបរទេសវៀតណាមបានសង្កត់ធ្ងន់ថា វៀតណាមចាត់ទុកសហរដ្ឋអាមេរិកជាដៃគូសំខាន់មួយ ហើយត្រៀមខ្លួនជាស្រេចសហប្រតិបត្តិការជាមួយសហរដ្ឋអាមេរិក ជំរុញទំនាក់ទំនងភាពជាដៃគូគ្រប់ជ្រុងជ្រោយប្រកបដោយស៊ីជម្រៅ ប្រសិទ្ធភាព និងជាក់ស្តែងដោយឈរលើមូលដ្ឋានគោរពឯករាជ្យភាព អធិបតេយ្យភាព បូរណភាពទឹកដី និងរបបនយោបាយរបស់គ្នាទៅវិញទៅមក។ ក្នុងឱកាសនេះ លោក Ha Kim Ngoc បានស្នើឱ្យក្រសួងការបរទេសអាមេរិក បន្តសម្របសម្រួលជំរុញការផ្លាស់ប្តូរគណៈប្រតិភូ និងការជួបជុំថ្នាក់ជាន់ខ្ពស់ បង្កើនកិច្ចសហប្រតិបត្តិការក្នុងការជំនះពុះពារផលវិបាកនៃសង្គ្រាម ក៏ដូចជាកិច្ចសហប្រតិបត្តិការលើបញ្ហាក្នុងតំបន់ និងសកលលោក រួមចំណែកជាវិជ្ជមានដល់សន្តិភាព ស្ថិរភាព និងការអភិវឌ្ឍនៅក្នុងតំបន់។

លោកស្រី Bonnie D.Jenkins អនុរដ្ឋមន្ត្រីការបរទេសអាមេរិកទទួលបន្ទុកការគ្រប់គ្រងអាវុធ និងសន្តិសុខអន្តរជាតិ បានអះអាងថា សហរដ្ឋអាមេរិកយកចិត្តទុកដាក់យ៉ាងខ្លាំងចំពោះទំនាក់ទំនងភាពជាដៃគូគ្រប់ជ្រុងជ្រោយជាមួយវៀតណាម។ លោកស្រី Bonnie D.Jenkins បានវាយតំលៃខ្ពស់ចំពោះការរួមវិភាគទានរបស់វៀតណាមក្នុងដំណើរការទប់ស្កាត់ការរីកសាយភាយអាវុធនុយក្លេអ៊ែរលើពិភពលោក ព្រមទាំងអះអាងនូវបំណងចង់បង្កើនកិច្ចសហប្រតិបត្តិការលើវិស័យដែលភាគីទាំងពីរមានការយកចិត្តទុកដាក់ដូចគ្នា ជាពិសេសលើការពុះពារផលវិបាកនៃសង្គ្រាម សុខាភិបាល ការបង្ការ និងប្រយុទ្ធប្រឆាំងនឹងជំងឺរាតត្បាត សន្តិសុខអាកាសចរណ៍ ថាមពលនុយក្លេអ៊ែរ ដើម្បីសន្តិភាព និងលើកកម្ពស់តួនាទីរបស់ស្ត្រីក្នុងសន្តិភាព និងសន្តិសុខ។ល៕

យោងតាមកាសែតកងទ័ពប្រជាជន