ថ្នាក់ដឹកនាំបក្ស រដ្ឋ កងទ័ព អញ្ជើញចូលគោរពវិញ្ញាណក្ខន្ធលោកប្រធានហូជីមិញនៅវិមានតម្ដល់សព

ជំរុញកិច្ចសហប្រតិបត្តិការរវាងទីក្រុង Ho Chi Minh និង រដ្ឋ Bremen (អាល្លឺម៉ង់)

គណៈប្រតិភូវៀត​ណាម​ដែល​ចូល​រួម​ក្នុង​ការ​ប្រកួត​កីឡា​កងទ័ព​បាន​ថ្វាយ​ផ្កា​នៅ​វិមាន​ប្រធាន​ហូជីមិញ​ក្នុង​ទីក្រុង​មូស្គូ។

គណៈប្រតិភូ អញ្ជើញដាក់កម្រងផ្កា និងចូលគោរពវិញ្ញាណក្ខន្ធលោកប្រធានហូជីមិញ

អញ្ជើញចូលរួមក្នុងពិធីនេះមានវត្តមាន លោក Nguyen Xuan Phuc ប្រធានរដ្ឋ អតីតអគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម អតីតប្រធានរដ្ឋសភា រណសិរ្សមាតុភូមិ រួម​ទាំង​ថ្នាក់ដឹកនាំគណៈកម្មាធិការ ក្រសួង ស្ថាប័ន អង្គការមហាជន។

នៅចំពោះមុខវិញ្ញាណក្ខន្ធរបស់លោកប្រធានហូជីមិញ គណៈប្រតិភូបានថ្លែងអំណរគុណដ៏ជ្រាលជ្រៅ គោរពដឹងគុណដល់គុណបំណាច់ដ៏ធំធេងរបស់លោកប្រធាន​ហូជីមិញ​ចំពោះបុព្វហេតុបដិវត្តន៍របស់បក្ស និងប្រទេសជាតិ។ លោកប្រធាន​ហូជីមិញ​បានលះបង់ពេញមួយជីវិត ដើម្បីប្រជាជន និងប្រទេសជាតិ ដឹកនាំបក្ស និងប្រជាជន ទទួលបានជ័យជំនះដ៏ត្រចះត្រចង់។

កាលពី ៧៧ ឆ្នាំមុន ថ្ងៃទី ២ ខែកញ្ញា ឆ្នាំ ១៩៤៥ បានចូលទៅក្នុងប្រវត្តិសាស្ត្ររបស់ប្រទេសជាតិ ហើយជាព្រឹត្តិការណ៍ដ៏ត្រចះត្រចង់។ នៅទីលាន Ba Dinh ប្រវត្តិសាស្ត្រ លោកប្រធានហូជីមិញបានអានសេចក្តីប្រកាសឯករាជ្យ បង្កើតឡើង​សាធារណរដ្ឋប្រជាធិបតេយ្យវៀតណាម ដែលបច្ចុប្បន្នជាសាធារណៈរដ្ឋសង្គមនិយមវៀតណាម។ សេចក្តីប្រាថ្នារបស់លោកប្រធានហូជីមិញ អំពីឯករាជ្យ សេរីភាព និងសុភមង្គល បានក្លាយទៅជាប្រភពកម្លាំងចលករ និងកម្លាំងពលំដ៏ធំធេង ជំរុញប្រជាជនវៀតណាមជំនះរាល់ការលំបាក និងបញ្ហាប្រឈមនានា។

នាបច្ចុប្បន្ន បក្សទាំងមូល ប្រជាជនទាំងមូល និងកងទ័ពទាំងមូលកំពុងខិតខំប្រឹងប្រែងអស់ពីសមត្ថភាពដើម្បីអនុវត្តន៍សេចក្តីសម្រេចចិត្តនៃមហាសន្និបាតលើកទី ១៣ របស់បក្ស ជំរុញខ្លាំងចលនាសិក្សារៀនសូត្រ និងអនុវត្តតាមសតិអារម្មណ៍ សីលធម៌ និងរចនាបទលោកប្រធានហូជីមិញ ចាត់វិធានការយ៉ាងម៉ឺងម៉ាត់ក្នុងការទប់ស្កាត់ និងប្រយុទ្ធប្រឆាំងជំងឺកូវីដ-១៩ ការពារសុខភាពប្រជាជន។ បក្សទាំងមូល កងទ័ពទាំងមូល និងប្រជាជនវៀតណាមទាំងមូល ប្រកាន់ខ្ជាប់ដើរតាមមាគ៌ាដែលលោកប្រធានហូជីមិញបានជ្រើសរើស ដើម្បីវៀតណាមខ្លាំងមាំមួន ប្រជាធិបតេយ្យ សមភាព និងអរិយធម៌។

គណៈប្រតិភូគណៈកម្មាធិការបក្សយោធាមជ្ឈិម ក្រសួងការពារប្រទេស អញ្ជើញដាក់កម្រងផ្កា និងចូលគោរពវិញ្ញាណក្ខន្ធលោកប្រធានហូជីមិញនៅវិមានតម្កល់សព

* នាព្រឹកថ្ងៃដដែល គណៈប្រតិភូគណៈកម្មាធិការបក្សយោធាមជ្ឈិម ក្រសួងការពារប្រទេស ដឹកនាំដោយលោកនាយឧត្តមសេនីយ៍ Phan Van Giang សមាជិកការិយាល័យនយោបាយ លេខារងគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេស បានអញ្ជើញដាក់កម្រងផ្កា និងចូលគោរពវិញ្ញាណក្ខន្ធលោកប្រធានហូជីមិញនៅវិមានតម្កល់សព៕

kh.qdnd.vn