យុគសម័យ - នារសៀលថ្ងៃទី២៥ ខែសីហា លោក Ngo Minh Chau អនុប្រធានគណៈកម្មាធិការប្រជាជនទីក្រុង Ho Chi Minh បានទទួលជួបលោកស្រី Kristina Vogt សមាជិកព្រឹទ្ធសភាអាល្លឺម៉ង់ ដឹកនាំគណៈប្រតិភូមកពីរដ្ឋ Bremen (សាធារណរដ្ឋសហព័ន្ធអាល្លឺម៉ង់) អញ្ជើញមកបំពេញទស្សនកិច្ច និងធ្វើការនៅទីក្រុង Ho Chi Minh ។
 រីកសាយភាយស្មារតីយុវជន និងនិស្សិតវៀតណាមនៅអាល្លឺម៉ង់ |
 ជំរុញកិច្ចសហប្រតិបត្តិការរវាងវៀតណាម និងអាល្លឺម៉ង់ |
 |
| លោក Ngo Minh Chau អនុប្រធានគណៈកម្មាធិការប្រជាជនទីក្រុង Ho Chi Minh បានទទួលជួបលោកស្រី Kristina Vogt សមាជិកព្រឹទ្ធសភាអាល្លឺម៉ង់។ (រូបថត៖ Xuan Khu/VNA) |
នៅក្នុងជំនួបនេះ សមាជិកគណៈប្រតិភូរដ្ឋ Bremen បានចែករំលែកចំណាប់អារម្មណ៍ចំពោះការអភិវឌ្ឍន៍ដ៏ខ្លាំងក្លារបស់វៀតណាម និងទីក្រុង Ho Chi Minh; វាយតំលៃខ្ពស់ចំពោះសក្តានុពលអភិវឌ្ឍន៍ និងមានបំណងចង់ជំរុញកិច្ចសហប្រតិបត្តិការលើវិស័យដែលអាល្លឺម៉ង់មានប្រៀបខ្លាំង ហើយទីក្រុង Ho Chi Minh ចាប់អារម្មណ៍ដូចជា ឧស្សាហកម្ម បច្ចេកវិទ្យាព័ត៌មាន logistic...
ស្វាគមន៍ចំពោះដំណើរទស្សនកិច្ច និងធ្វើការរបស់គណៈប្រតិភូ លោក Ngo Minh Chau បានសម្តែងនូវសេចក្តីរីករាយចំពោះការអភិវឌ្ឍន៍ដ៏ល្អលើវិស័យជាច្រើនក្នុងទំនាក់ទំនងរវាងវៀតណាម និងអាល្លឺម៉ង់។ ជាពិសេស ក្នុងអំឡុងពេលនៃការរាតត្បាតនៃជំងឺកូវីដ-១៩ ប្រទេសទាំងពីរបានសម្របសម្រួលយ៉ាងជិតស្និទ្ធ គាំទ្រ និងជួយគ្នាទៅវិញទៅមក ផ្គត់ផ្គង់វ៉ាក់សាំង និងបរិក្ខា សម្ភារៈឧបករណ៍សម្រាប់ការបង្ការ និងគ្រប់គ្រងការរាតត្បាត ដែលបង្ហាញពីចំណងសាមគ្គីភាពដ៏ល្អរវាងប្រទេសទាំងពីរ ។
ក្នុងដំណើរទស្សនកិច្ច និងធ្វើការនៅទីក្រុង Ho Chi Minh គណៈប្រតិភូរដ្ឋ Bremen នឹងជួបពិភាក្សាការងារជាមួយធុរកិច្ចអាល្លឺម៉ង់ដែលកំពុងធ្វើអាជីវកម្មនៅទីក្រុង; ជួបជាមួយធុរកិច្ចវៀតណាម; ពិភាក្សាជាមួយវិទ្យាស្ថាន Goethe-Institut ស្តីពីកិច្ចសហប្រតិបត្តិការក្នុងការបណ្តុះបណ្តាលធនធានមនុស្ស ទៅទស្សនាមហាវិទ្យាល័យវៀតណាម - អាល្លឺម៉ង់ និងសាលារៀន និងគ្រឹះស្ថានបណ្តុះបណ្តាលវិជ្ជាជីវៈមួយចំនួនតាមទម្រង់រូបភាពអាល្លឺម៉ង់…/.
ទីភ្នាក់ងារសារព័ត៌មានវៀតណាម
មតិពីមិត្តអ្នកអាន