ប្រធានរដ្ឋវៀតណាម៖ យិនស៊ិន Ngoc Linh គឺជាក្តីសង្ឃឹមថ្មីរបស់វៀតណាមក្នុងផ្នែកឱសថ និងអាហារបំប៉ន

ខ្ពង់រាប Di Linh សម្រស់ដ៍រហោស្ថានស្រស់ស្អាតគួរអោយទាក់ទាញយុវវ័យ

ផ្លូវដែក Cat Linh - Ha Dong៖ រូបភាពនៃទំនាក់ទំនងរវាងវៀតណាម-ចិន

ប្រធានរដ្ឋវៀតណាមលោក Nguyen Xuan Phuc អញ្ជើញថ្លែងក្នុងសិក្ខាសាលា “លើកកំពស់យិនស៊ិន Ngoc Linh ឲ្យក្លាយទៅជាពាណិជ្ជសញ្ញាជាតិ”

អញ្ជើញថ្លែងមតិក្នុងសិក្ខាសាលានេះ លោកប្រធានរដ្ឋ Nguyen Xuan Phuc បានវាយតំលៃខ្ពស់ចំពោះខេត្ត Quang Nam និងខេត្ត Kon Tum និងអង្គភាពអាជីវកម្មជាច្រើនដែលបានបណ្តាក់ទុនក្នុងការអភិវឌ្ឍតំបន់វត្ថុធាតុដើម និងស្រាវជ្រាវផលិតចេញផលជាច្រើនពីប្រភេទដំណាំដ៏កម្រនេះ។ លោកប្រធានរដ្ឋបានចាត់ទុកថា ចាំបាច់ត្រូវបន្តបង្កើតកម្លាំងចលករ និងប្រភពធនធានដើម្បីអភិវឌ្ឍប្រភេទដំណាំ "រតនៈជាតិ" នេះ ដោយមានជំនឿជាក់ថា អាចនាំ "រតនៈជាតិ" យិនស៊ិន Ngoc Linh ក្លាយទៅជា "នយោបាយរបស់រដ្ឋ ដើម្បីលើកកម្ពស់ជីវភាពរស់នៅរបស់ប្រជាជន" ហើយជាក្តីសង្ឃឹមថ្មីរបស់វៀតណាមក្នុងផ្នែកឱសថ និងអាហារបំប៉ន។

ជាមួយនឹងសក្ដានុពលផលិតផល ទីផ្សារ និងតម្លៃរបស់យិនស៊ិន Ngoc Linh លោកប្រធានរដ្ឋបានចាត់ទុកថា ពិតជាមានមូលដ្ឋានសម្រាប់អភិវឌ្ឍផ្នែកឧស្សាហកម្មដាំដុះ និងកែច្នៃយិនស៊ិន Ngoc Linh របស់វៀតណាមជាមួយគោលដៅសម្រេចបានរាប់ពាន់លានដុល្លាអាមេរិកនៃតំលៃផលិតកម្ម និងតម្លៃនាំចេញនាពេលខាងមុខក្នុងប៉ុន្មានទសវត្សរ៍ខាងមុខ។ ដើម្បីសម្រេចឲ្យបាន គោលដៅនេះ ចាំបាច់ត្រូវមានការជួយឧបត្ថម្ភពីរដ្ឋាភិបាល ក្រសួង ស្ថាប័នជាមួយមូលដ្ឋាន និងអង្គភាពអាជីវកម្ម។ លើសពីនេះទៅទៀត ត្រូវ “អភិរក្ស” និង “អភិវឌ្ឍ” យិនស៊ិន Ngoc Linh ជាក់ស្ដែង “អភិរក្ស” ដើម្បីសម្រេចបានតម្លៃខ្ពស់ លើកតម្លៃទាំងផ្នែកសេដ្ឋកិច្ច និងសុខភាពផ្លូវកាយ និងផ្លូវចិត្ត ដោយផ្ដល់អាទិភាពសម្រាប់ប្រជាជនវៀតណាម។ ទន្ទឹមនឹងនោះត្រូវសិក្សា និងអភិវឌ្ឍផ្នែកយិនស៊ិនដូចប្រទេសកូរ៉េខាងត្បូង និងប្រទេសជឿនលឿនមួយចំនួនទៀតដែលបានធ្វើ ព្រមទាំងធ្វើពិពិធកម្មផលិតផលយិនស៊ិន Ngoc Linh ដើម្បីឆ្លើយតបតម្រូវការផលិតផលនៅទីផ្សារសកលផងដែរ៕

kh.qdnd.vn