យុគសម័យ - ដោយម៉ិកស៊ិកជាប្រទេសដែលមានការអភិវឌ្ឍន៍ឧស្សាហកម្មឈានមុខគេនៅក្នុងទ្វីបអាមេរិក នាពេលខាងមុខ វៀតណាមនិងម៉ិកស៊ិកអាចពិចារណាលទ្ធភាពនៃកិច្ចសហប្រតិបត្តិការក្នុងការអភិវឌ្ឍន៍ឧស្សាហកម្មជាមូលដ្ឋាន ជាពិសេសគឺសម្ភារៈ លោហធាតុ មេកានិច កែច្នៃ ការផលិត អេឡិចត្រូនិក គីមី។ ឱសថ...
 បន្តជំរុញទំនាក់ទំនងកិច្ចការបរទេសប្រជាជនវៀតណាម-ម៉ិកស៊ិក |
 ពិធីបង្ហាញមុខក្រុមសមាជិកសភាមិត្តភាពវៀតណាម - ម៉ិកស៊ិក |
 |
| ទិដ្ឋភាពរួមនៃជំនួបរវាងរដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Nguyen Hong Dien ជាមួយលោក Alejandro Negrin Muñoz ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋម៉ិកស៊ិកប្រចាំនៅវៀតណាម។ (រូបថត៖ congthuong.vn) |
រដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Nguyen Hong Dien បានអះអាងដូចខាងលើនោះ ក្នុងជំនួបនាពេលថ្មីៗនេះជាមួយលោក Alejandro Negrin Muñoz ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋម៉ិកស៊ិកប្រចាំនៅវៀតណាម ក្នុងឱកាសដែលលោកឯកអគ្គរដ្ឋទូតចាប់ផ្តើមអាណត្តិថ្មីប្រចាំនៅវៀតណាម។
នៅក្នុងជំនួបនេះ លោករដ្ឋមន្ត្រី Nguyen Hong Dien បានអបអរសាទរលោកឯកអគ្គរដ្ឋទូតដែលបានទទួលអាណត្តិថ្មីនៅវៀតណាម ហើយសង្ឃឹមថា ក្នុងតួនាទីជាស្ពាន លោកឯកអគ្គរដ្ឋទូតនឹងរួមចំណែកជាច្រើនក្នុងការជំរុញទំនាក់ទំនងសហប្រតិបត្តិការរវាងវៀតណាម និងម៉ិកស៊ិកលើគ្រប់វិស័យ ក្នុងនោះមានសេដ្ឋកិច្ច ពាណិជ្ជកម្ម និងការវិនិយោគ គឺជាសសរស្តម្ភសំខាន់។
ដោយកត់សម្គាល់ពីការយកចិត្តទុកដាក់របស់លោកឯកអគ្គរដ្ឋទូត Alejandro Negrin Muñoz ចំពោះបញ្ហាបើកទីផ្សារសម្រាប់ផលិតផលម៉ិកស៊ិកមួយចំនួន លោករដ្ឋមន្ត្រី Nguyen Hong Dien បានឲ្យដឹងថា ក្រសួងឧស្សាហកម្ម និងពាណិជ្ជកម្មនឹងធ្វើការជាមួយក្រសួងកសិកម្ម និងអភិវឌ្ឍន៍ជនបទវៀតណាម ដើម្បីផ្តល់ ព័ត៌មានចាំបាច់អំពីបទប្បញ្ញត្តិបច្ចុប្បន្នរបស់វៀតណាមដល់ភាគម៉ិកស៊ិក ដើម្បីឲ្យភាគីនានាអាចស្វែងយល់ និងឯកភាពក្នុងពេលឆាប់ៗនេះលើបែបបទចាំបាច់សម្រាប់ផលិតផលជាក់លាក់៕
Vietnam plus
មតិពីមិត្តអ្នកអាន