ពិធីឧទេ្ទសនាមនូវសៀវភៅស្តីពីកិច្ចសហប្រតិបត្តិការវៀតណាម-កូរ៉េខាងត្បូង ក្នុងរយៈពេល ៣០ ឆ្នាំ

ខេត្ត Can Tho៖ ប្រគល់អំណោយដល់គ្រួសារ ចំនួន១០០ដែលរស់នៅភូមិមិត្តភាពវៀតណាម-កូរ៉េខាងត្បូង

រដ្ឋាភិបាលកូរ៉េខាងត្បូងផ្តល់គ្រឿងឥស្សរិយយសសហមេត្រី ជូនអតីតប្រធានក្រុមសមាជិកសភាមិត្តភាពវៀតណាម-កូរ៉េខាងត្បូង

លោកសាស្ត្រាចារ្យ Lee Han-woo

សៀវភៅ​នេះ​គឺ​ជា​បណ្តុំ​នៃ​ស្នាដៃ​ស្រាវជ្រាវ​របស់​សាស្ត្រាចារ្យ​និង​អ្នកស្រាវជ្រាវ​ជនជាតិ​កូរ៉េខាងត្បូង និង​វៀតណាម​មួយ​ក្រុម។ ក្នុងឱកាសនេះ លោកសាស្ត្រាចារ្យ Lee Han-woo បណ្ឌិតវិទ្យាសាស្ត្រនយោបាយមកពីសាកលវិទ្យាល័យ Sogang បានពិភាក្សាជាមួយទីភ្នាក់ងារសារព័ត៌មានវៀតណាមអំពីខ្លឹមសារសំខាន់ៗដែលបានលើកឡើងនៅសៀវភៅនេះ។

លោកសាស្ត្រាចារ្យ Lee Han-woo បានឲ្យដឹងថា ចាប់តាំងពីបង្កើតទំនាក់ទំនងការទូតនាឆ្នាំ ១៩៩២ មក កិច្ចសហប្រតិបត្តិការរវាងវៀតណាម និងកូរ៉េខាងត្បូងមានការរីកចម្រើនយ៉ាងឆាប់រហ័ស ជាពិសេសលើវិស័យសេដ្ឋកិច្ច សង្គម និងវប្បធម៌។ នេះ​ជា​ពេល​វេលា​ដែល​វាយ​តម្លៃ​ទំនាក់ទំនង​ទ្វេភាគី​ពី​ទស្សនៈ​ទូលំទូលាយ ​ដើម្បី​ដាក់​គ្រឹះ​សម្រាប់ទំនាក់ទំណងក្នុងរយៈពេល ​៣០​ឆ្នាំ​ខាងមុខ។ ក្នុងគោលបំណងនេះ ក្រុមការងារស្រាវជ្រាវបានផ្តោតលើការពិនិត្យឡើងវិញនូវស្ថានភាពបច្ចុប្បន្ននៃកិច្ចសហប្រតិបត្តិការសេដ្ឋកិច្ច សង្គមកិច្ច និងវប្បធម៌រវាងវៀតណាម និងកូរ៉េខាងត្បូងក្នុងរយៈពេល ៣០ ឆ្នាំកន្លងមក ហើយបានស្នើការវាយតម្លៃគោលបំណង ដើម្បីឆ្ពោះទៅរកអនាគតដ៏ល្អប្រសើររវាងប្រទេសទាំងពីរ។

លោកសាស្ត្រាចារ្យ Lee Han-woo បានចែករំលែកបន្ថែមទៀតថា រដ្ឋាភិបាលកូរ៉េខាងត្បូងកំពុងខិតខំប្រឹងប្រែង ដើម្បីគាំទ្រការផ្សព្វផ្សាយវប្បធម៌វៀតណាមនៅកូរ៉េខាងត្បូង។ ជាឧទាហរណ៍ សារមន្ទីរជាតិទីក្រុងសេអ៊ូល និងសារមន្ទីរ Busan បានរៀបចំការតាំងពិព័រណ៌អំពីវត្ថុបូរាណវៀតណាមនៅកូរ៉េខាងត្បូង ដើម្បីឧទ្ទេសនាមអំពីប្រវត្តិសាស្ត្រ និងវប្បធម៌ប្រពៃណីរបស់វៀតណាម។ និន្នាការ​សកលភាវូបនីយកម្មនិងបច្ចេកវិទ្យាអភិវឌ្ឍដូច​​បច្ចុប្បន្ននេះ ការផ្លាស់ប្តូរវប្បធម៌ចាំបាច់ត្រូវមានទិសដៅទៅវិញទៅមក និងចម្រុះ នៅតែរក្សាបាននូវអត្តសញ្ញាណជាតិរបស់ប្រទេសនីមួយៗ៕

ឌីណា

Vietnam plus