វៀតណាម និងថៃ ជំរុញសក្តានុពលសហប្រតិបត្តិការក្នុងវិស័យសេដ្ឋកិច្ចឌីជីថល និងសង្គមឌីជីថល

ALOV បរិច្ចាគសំភារៈវេជ្ជសាស្រ្ត ដល់ជនជាតិវៀតណាមនៅក្រៅរួមមានប្រទេសឡាវ កម្ពុជា និងថៃ

ជំរុញកិច្ចសហប្រតិបត្តិការទ្វេភាគីរវាងវៀតណាម និងថៃ

រដ្ឋមន្ត្រីក្រសួងសេដ្ឋកិច្ច និងសង្គមឌីជីថលថៃ លោក Chaiwut Thanakamanusorn (ខាងស្តាំ) និងឯកអគ្គរដ្ឋទូតវៀតណាមប្រចាំនៅប្រទេសថៃលោក Phan Chi Thanh (ខាងឆ្វេង) ក្នុងជំនួបនេះ

ប្រទេសថៃចង់សហប្រតិបត្តិការជាមួយវៀតណាមក្នុងវិស័យមួយចំនួនដូចជា ហេដ្ឋារចនាសម្ព័ន្ធព័ត៌មាន កុំព្យូទ័រពពក ការគ្រប់គ្រងបណ្ដាញសង្គម ការបំប្លែងឌីជីថល និងសេដ្ឋកិច្ចឌីជីថល។ នេះជាការអះអាងរបស់រដ្ឋមន្ត្រីក្រសួងសេដ្ឋកិច្ច និងសង្គមឌីជីថលថៃ (DES) លោក Chaiwut Thanakamanusorn នាថ្ងៃទី ៥ ឧសភា ក្នុងជំនួបជាមួយឯកអគ្គរដ្ឋទូតវៀតណាមប្រចាំនៅប្រទេសថៃ លោក Phan Chi Thanh នៅទីស្នាក់ការ DES ។

នៅក្នុងជំនួបនេះ លោកឯកអគ្គរដ្ឋទូត Phan Chi Thanh បានស្នើថា DES និងក្រសួងព័ត៌មាន និងគមនាគមន៍វៀតណាម បន្ត​ពង្រឹងការចែករំលែកព័ត៌មាន ជំរុញកិច្ចសហប្រតិបត្តិការបន្ថែមទៀតលើវិស័យសេដ្ឋកិច្ចឌីជីថល និងការបំប្លែងឌីជីថល។ ពិចារណាលើការបំពេញបន្ថែមខ្លឹមសារសហប្រតិបត្តិការស្តីពីសេដ្ឋកិច្ចឌីជីថល និងការបំប្លែងឌីជីថល ហើយ​ឆាប់ចុះហត្ថលេខាលើអនុស្សរណៈនៃការយោគយល់គ្នាថ្មីរវាងក្រសួងទាំងពីរ ដើម្បីសម្រួលសកម្មភាពសហប្រតិបត្តិការក្នុងបរិបទថ្មី។ លោកឯកអគ្គរដ្ឋទូតបានសម្តែងនូវគោលបំណងចង់ឱ្យភាគីថៃចែករំលែកបទពិសោធន៍ក្នុងការអភិវឌ្ឍន៍សេដ្ឋកិច្ចឌីជីថល និងសង្គមឌីជីថល ជាពិសេសជួយគាំទ្រដល់ការកសាងឯកសារច្បាប់ និងការបណ្តុះបណ្តាលធនធានមនុស្សសម្រាប់វៀតណាម។ ភាគីទាំងពីរគួរតែជំរុញកិច្ចសហប្រតិបត្តិការ និងចែករំលែកបទពិសោធន៍ក្នុងការគ្រប់គ្រងព័ត៌មានក្លែងក្លាយ។

លើសពីនេះ លោកឯកអគ្គរដ្ឋទូតក៏បានស្នើឱ្យភាគីថៃបង្កើតលក្ខខណ្ឌអំណោយផលសម្រាប់សហគ្រាសបច្ចេកវិទ្យាព័ត៌មានវៀតណាមមកបណ្តាក់ទុន និងធ្វើអាជីវកម្មនៅប្រទេសថៃ។

ចំណែកលោករដ្ឋមន្ត្រី Chaiwut បានយល់ស្របនឹងសំណើរបស់លោកឯកអគ្គរដ្ឋទូត Phan Chi Thanh ដោយបញ្ជាក់ថា DES នឹងពិចារណា និងដោះស្រាយសំណើខាងលើក្នុងពេលឆាប់ៗនេះ។ លោកក៏បានអះអាងគាំទ្រ និងបង្កើតលក្ខខណ្ឌអំណោយផលសម្រាប់សហគ្រាសបច្ចេកវិទ្យាព័ត៌មានវៀតណាមមកបណ្តាក់ទុននិងធ្វើអាជីវកម្មនៅប្រទេសថៃ រួមចំណែកជំរុញថែមទៀតកិច្ចសហប្រតិបត្តិការវិនិយោគ ពាណិជ្ជកម្ម និងទេសចរណ៍រវាងប្រទេសទាំងពីរផងដែរ៕