យុគសម័យ - នាថ្ងៃទី ២ ខែកញ្ញា ក្រុមប្រឹក្សាសន្តិសុខអង្គការសហប្រជាជាតិបានបើកកិច្ចប្រជុំតាមអនឡាញជាសាធារណៈស្តីពីស្ថានភាពនៃប្រទេសលីប៊ីនិងសកម្មភាពរបស់បេសកកម្មគាំទ្ររបស់អង្គការសហប្រជាជាតិនៅប្រទេសលីប៊ី (UNSMIL)។ នៅកិច្ចប្រជុំនេះ វៀតណាមបានជំរុញឱ្យភាគីពាក់ព័ន្ធនៅលីប៊ីបន្តការចរចារសន្តិភាពឡើងវិញឱ្យបានឆាប់ៗនេះ។
ឯកអគ្គរដ្ឋទូត Dang Dinh Quy ប្រធានគណៈប្រតិភូអចិន្ត្រៃយ៍វៀតណាមប្រចាំនៅអង្គការសហប្រជាជាតិ
ឯកអគ្គរដ្ឋទូត Dang Dinh Quy ប្រធានគណៈប្រតិភូអចិន្ត្រៃយ៍វៀតណាមប្រចាំនៅអង្គការសហប្រជាជាតិបានអះអាងអំពីសារៈសំខាន់នៃការជំរុញការប្តេជ្ញាចិត្តរបស់សន្និសីទនៅប៊ែរឡាំងស្តីពីប្រទេសលីប៊ី ដែលត្រូវបានគាំទ្រដោយក្រុមប្រឹក្សាសន្តិសុខក្នុងសេចក្តីសម្រេចចិត្តលេខ ២៥១០។
លោកឯកអគ្គរដ្ឋទូតបានទទួលស្គាល់នូវសេចក្តីថ្លែងការណ៍ថ្ងៃទី ២១ ខែសីហារបស់ភាគីពាក់ព័ន្ធ ហើយបានអំពាវនាវឱ្យភាគីទាំងអស់បញ្ឈប់នូវអរិភាពនិងវិលត្រឡប់ទៅរកការចរចាសន្តិភាពឡើងវិញលើបណ្តាញ នយោបាយ-យោធា-សេដ្ឋកិច្ចចំនួន ៣។ ទន្ទឹមនឹងនេះ លោកបានទទួលស្គាល់កិច្ចខិតខំប្រឹងប្រែងរបស់អង្គការសហប្រជាជាតិ UNSMIL ប្រទេសជិតខាងរបស់ប្រទេសលីប៊ីនិងអង្គការក្នុងតំបន់ផ្សេងទៀតដើម្បីជំរុញសន្តិភាពនៅប្រទេសលីប៊ី។ ជាមូយគ្នានេះដែរ លោកបានសង្កត់ធ្ងន់លើសារសំខាន់នៃការអនុវត្តតាមការហាមឃាត់អាវុធរបស់ក្រុមប្រឹក្សាសន្តិសុខនិងបញ្ចប់ការជ្រៀតជ្រែកពីកម្លាំងខាងក្រៅ។
លោកឯកអគ្គរដ្ឋទូតបានបញ្ជាក់ថា វៀតណាមបានគាំទ្ររាល់សកម្មភាពរបស់ UNSMIL រួមទាំងការបន្តអាណត្តិរបស់ UNSMIL សម្រាប់រយៈពេល ១២ ខែទៀត ក៏ដូចជាការតែងតាំងអ្នកតំណាងពិសេសរបស់អគ្គលេខាធិការអង្គការសហប្រជាជាតិអំពីប្រទេសលីប៊ីផងដែរ៕（បកប្រែដោយសាមេត）
（ប្រភពព័ត៌មាន: vietnamplus.vn）
មតិពីមិត្តអ្នកអាន