យុគសម័យ - គ្មានក្រុមហ៊ុនណាមួយនៅលើពិភពលោកអាចផលិតស្បែកជើងពីកាកកាហ្វេនិងកាកសំណល់ប្លាស្ទិកបានឡើយ។ ទោះយ៉ាងណាក៏ដោយ យុវជនវៀតណាមពីរនាក់ដែលកំពុងរស់នៅនិងសិក្សានៅប្រទេសហ្វាំងឡង់គឺ Jesse Khanh Tran និង Son Chu បានធ្វើបានប្រការនេះ…
 បញ្ជូនយុទ្ធជនចំនួន ២០០០ នាក់ដើម្បីជួយគាំទ្រខេត្ត Binh Duong ក្នុងការប្រយុទ្ធប្រឆាំងនឹងការរីករាលដាលនៃជំងឺរាតត្បាត |
 ខេត្ត Binh Duong ថែរក្សានិងអភិវឌ្ឍបណ្ដាភូមិរបរប្រពៃណី |
 |
| យុវជនក្រុមហ៊ុន Rens, Jesse Khanh Tran (អាវខ្មៅ កើតនៅឆ្នាំ ១៩៩២) និង Son Chu (កើតនៅឆ្នាំ ១៩៩៦) មានឈ្មោះក្នុងបញ្ជីចំណាត់ថ្នាក់អាជីវកម្មដែលមានកិត្យានុភាពបំផុតរបស់ពិភពលោក។ (រូបថត៖ Rens ) |
នៅឆ្នាំ ២០១៩ យុវជន Jesse Khanh Tran និង Son Chu បានបង្ហាញខ្លួននិងធ្វើឱ្យសហគមន៍អាជីវកម្មជុំវិញពិភពលោកមានការភ្ញាក់ផ្អើល ដោយការទាក់ទាញដើមទុនវិនិយោគដែលបានគេចាត់ទុកថា នេះជាបាតុភូតមួយនៅលើកម្មវិធី Kickstarter ។
មិនដល់ ២៤ ម៉ោងផង យុវជនទាំងពីរនាក់នេះទទួលបានទឹកប្រាក់វិនិយោគចំនួនកន្លះលានដុល្លា ហើយភ្លាមៗ នោះបានក្លាយជាឈ្មោះដ៏ក្តៅគគុកសម្រាប់អត្ថបទជាច្រើននៅក្នុងទស្សនាវដ្តីល្បីល្បាញ ជុំវិញពិភពលោក។
ដោយសមិទ្ធផលដែលម៉ាក់យីហោស្បែកជើង Rens Original នាំមកជូន នៅឆ្នាំ ២០២០ ស្ថាបនិកទាំងពីររូបនេះមានឈ្មោះក្នុងបញ្ជីចំណាត់ថ្នាក់អាជីវកម្មដែលមានកិត្យានុភាពបំផុត នៅលើពិភពលោក ដូចជា៖ ទស្សនាវដ្តី Forbes's 30 Under 30 Europe និង Forbes's 30 Under 30 វៀតណាម ។
 |
| ស្ថាបនិកក្រុមហ៊ុន Rens ទាំងពីររូបបានណែនាំផលិតផលរបស់ក្រុមហ៊ុនដល់លោកប្រធានរដ្ឋសភា Vuong Dinh Hue នៅពេលដែលលោកប្រធានរដ្ឋសភាទទួលជួបបសហគ្រិនវ័យក្មេងបានការចាប់ផ្តើមអាជីវកម្ម ក្នុងឱកាសអញ្ជើញមកទស្សនាកិច្ច នៅប្រទេសហ្វាំងឡង់ នៅថ្ងៃទី ១១ ខែកញ្ញាឆ្នាំ ២០២១ ។ (រូបថត៖ VOV) |
នៅប្រទេសវៀតណាម យុវជនកើតក្នុងទសវត្សឆ្នាំ ៩០ ពីរនាក់នេះក្លាយជាគំរូដ៏ឧត្តុងឧត្តម្ភសម្រាប់យុវជនដែលមានចំណង់ចំណូលចិត្តក្នុងការចាប់ផ្តើមអាជីវកម្ម។
ជាមួយនឹងឥទ្ធិពលនេះ យុវជន Jesse Khanh Tran មានកិត្តិយសដែលក្រសួងវិទ្យាសាស្ត្រនិងបច្ចេកវិទ្យានិងក្រសួងការបរទេសវៀតណាមអញ្ជើញចូលរួម គម្រោង ៨៤៤ ដែលមានតួនាទីជាទីប្រឹក្សា។គំរោង៨៤៤ត្រូវបានអនុវត្ត សំដៅបង្កើតបរិយាកាសអំណោយផលក្នុងការលើកកម្ពស់និងគាំទ្រដល់ដំណើរការបង្កើតនិងការអភិវឌ្ឍអាជីវកម្មដែលមានកំណើនឆាប់រហ័ស ដោយផ្អែកលើការធ្វើអាជីវកម្មកម្មសិទ្ធបញ្ញា បច្ចេកវិទ្យានិងគំរូអាជីវកម្មថ្មី។
 |
| ស្បែកជើងរបស់ក្រុមហ៊ុន Rens។ (រូបថត៖ Rens ) |
លើសពីនេះព្រឹត្តិការណ៍ដែលក្រុមហ៊ុន Rens ផ្លាស់ប្តូរខ្សែសង្វាក់ផលិតកម្មស្បែកជើងរបស់ខ្លួន ១០០% ដែលផលិតស្បែកជើងពីកាកកាហ្វេនិងកាកសំណល់ប្លាស្ទិកទៅកាន់ប្រទេសវៀតណាម ថែមទាំងការប្រើប្រាស់កម្មករនៅខេត្ត Binh Duong ក៏ជារបៀបដែលក្រុមហ៊ុនរួមចំណែកដល់ការអភិវឌ្ឍន៍ប្រព័ន្ធអេកូឡូស៊ីចាប់ផ្តើមអាជីវកម្មរបស់វៀតណាម ៕
báo quốc tế
មតិពីមិត្តអ្នកអាន