នៅថ្ងៃទី ១ ខែតុលា រដ្ឋមន្ត្រីក្រសួងកសិកម្ម និងអភិវឌ្ឍជនបទវៀតណាម លោក Le Minh Hoan បានចុះហត្ថលេខាលើកិច្ចព្រមព្រៀងជាមួយប្រធានតំណាងពាណិជ្ជកម្មនៃរដ្ឋាភិបាលសហរដ្ឋអាមេរិកលោកស្រី Katherine Tai ស្តីពីការគ្រប់គ្រងការកាប់ព្រៃឈើ និងការជួញដូរឈើខុសច្បាប់។
គណៈប្រតិភូក្រសួងកសិកម្ម និងអភិវឌ្ឍជនបទវៀតណាមជួបពិភាក្សាជាមួយទីភ្នាក់ងារពាណិជ្ជកម្មសហរដ្ឋអាមេរិក (រូបថត៖ chinhphu.vn) |
ការចុះហត្ថលេខាលើកិច្ចព្រមព្រៀងបានរួមចំណែកជំរុញវិស័យកែច្នៃឈើវៀតណាម ហើយនិងជាមូលដ្ឋានគ្រឹះសម្រាប់ការអភិវឌ្ឍវិស័យរុក្ខាប្រមាញ់ប្រកបដោយចីរភាព និងផ្ដល់ផលប្រយោជន៍ដល់ប្រជាជន និងអង្គភាពអាជីវកម្មនៃប្រទេសទាំងពីរ។ ព្រមទាំងបង្ហាញពីការទទួលខុសត្រូវរបស់វៀតណាមក្នុងការអនុវត្តបទប្បញ្ញត្តិដើម្បីធានាប្រភពឈើស្របច្បាប់ ស្របតាម បទប្បញ្ញត្តិដែលទាក់ទងទៅនឹងសន្ធិសញ្ញាអន្តរជាតិដែលវៀតណាមជាប្រទេសហត្ថលេខី។
ភាគីសហរដ្ឋអាមេរិកវាយតម្លៃខ្ពស់ចំពោះកិច្ចព្រមព្រៀងនេះ ព្រោះវាជាកិច្ចព្រមព្រៀងពាណិជ្ជកម្មដំបូងរបស់សហរដ្ឋអាមេរិក ដើម្បីជំរុញបរិស្ថានប្រកបដោយនិរន្ដរភាព ហើយជាគំរូមួយសម្រាប់សហរដ្ឋអាមេរិកសហប្រតិបត្ដិការជាមួយបណ្ដាប្រទេសក្នុងតំបន់ឥណ្ឌូ-ប៉ាស៊ីហ្វិកនិងពិភពលោក។
កិច្ចព្រមព្រៀងនេះបានបង្ហាញពីការប្តេជ្ញាចិត្តរបស់រដ្ឋាភិបាលវៀតណាមដើម្បីពង្រឹងការគ្រប់គ្រងលើប្រភពឈើនិងខ្សែសង្វាក់ផ្គត់ផ្គង់ឈើ ពង្រីកទីផ្សារនាំចេញ កែលម្អការគ្រប់គ្រងព្រៃឈើនិងដោះស្រាយការកាប់ព្រៃឈើនិងជួញដូរឈើខុសច្បាប់។ កិច្ចព្រមព្រៀងនេះនឹងជំរុញការនាំចេញផលិតផលឈើរបស់វៀតណាមទៅកាន់ទីផ្សារសហរដ្ឋអាមេរិក លើកកម្ពស់ការដាំដុះព្រៃឈើក្នុងស្រុក បង្កើនការប្រកួតប្រជែងសម្រាប់សហគ្រាសនាំចេញផលិតផលឈើរបស់វៀតណាមនិងបង្កើតការងារបន្ថែមទៀតសម្រាប់ប្រជាពលរដ្ឋផងដែរ៕
kh.qdnd.vn
មតិពីមិត្តអ្នកអាន